________________
એક એવું પાપ થઈ જવા પામ્યું કે, કાયદા-કાનૂનનો ભંગ કરવા બદલ મેં એક સાધુ પર સિતમ ગુજાર્યો. આ પાપના પ્રાયશ્ચિત રૂપે હવે હું સાધુ થઈ જવાના નિર્ણય પર આવ્યો છું. આ માટે મને હવે માત્ર આપની અનુજ્ઞા જ અપેક્ષિત છે.
ઇતિહાસ કહે છે કે, દયારામનો એ નિર્ણય એટલો બધો નક્કર હતો કે, નવાબ જેવા નવાબ પણ એની કાંકરીય ન ખેરવી શક્યા. એ દયારામ નવાબી નોકરી ફગાવી દઈને ભગવા ધારણ કરવા ગિરનારની એ ગુફાઓ ભણી ચાલતા થયા. સંન્યાસનો સ્વીકાર કર્યા બાદ જામનગર આસપાસના પ્રદેશમાં વધુ વિચરણ થતા “મુંડિયા સ્વામી તરીકે તેઓ ખૂબ ખૂબ સુપ્રસિદ્ધ અને શ્રદ્ધેય બન્યા. તેમના નામના આશ્રમો ને મંદિરો આજેય હયાત હોવાની વાતો પ્રચલિત છે.
પ્રાચીનકાળમાં નવાબો ને રાજરજવાડાં હતાં. આજે નેતા ને મંત્રીઓ છે. પણ કલિકાલ હોવાથી વર્તમાનકાળમાં દયારામની જેમ સંતોની કનડગત બદલ કોઈને પશ્ચાત્તાપ જાગ્યાનું સાંભળવા મળતું નથી અને નોકરી છોડવાની કોઈની તૈયારી પણ જોવા મળતી નથી.
સંસ્કૃતિની રસધાર ભાગ-૩ +
-90 ૨૧
