________________ જૈન ઇતિહાસની ઝલકો દેવેન્દ્ર તુષ્ટમાન થયા અને તેમને દિવ્ય ધનુષ તથા કુંડલ વગેરે ભેટ આપ્યા. [પર તુંગીઆ નગરીના શ્રાવકો એકાદ પ્રથમ ગણધર ઇન્દ્રભૂતિ ગૌતમ સ્વામીજી તુંગીઆ નગરીમાં પધાર્યા હતા. ત્યાંના શ્રાવકો ઉચ્ચતમ કોટિનું ધાર્મિક જીવન જીવતા હતા. તેમને જાણવા મળ્યું કે ત્યાંના મોટી ઉંમરના શ્રાવકોમાં કોઈ શ્રાવક પોતાનું આયુષ્ય ત્રણ વર્ષ આઠ મહિના કહેતો હતો તો કોઈ વળી દોઢ વર્ષ કે માત્ર સાત મહિના જ કહેતો હતો. આનું કારણ તેમને એ જાણવા મળ્યું કે જે શ્રાવક જયારથી ખરેખર ધર્મ આરાધવા લાગે છે ત્યારથી જ તે તેના આયુષ્યની ગણતરી કરે છે. [53] બળદેવનો ભ્રાતૃમોહ મોટા ભાઈ બળદેવનો શ્રીકૃષ્ણ ઉપર અસીમ રાગ હતો માટે જ તે મૃત્યુ પામ્યા તોય તેમને જીવતા સમજી તેમનું મૃતક છ માસ સુધી ખભે રાખીને ફર્યા હતા. અને તેમને સ્નાન, ભોજન, શયન આદિ ક્રિયાઓ તે તે સમયે કરાવતા હતા. છેવટે જે પોતાના રથને ભૂતપૂર્વ સારથિ સિદ્ધાર્થ દીક્ષા લઈને દેવ થયો હતો તેણે બળદેવજી પાસે આવીને કેટલાક ટૂચકા કર્યા; જેનાથી બળદેવજી પ્રતિબોધ પામ્યા. સિદ્ધાર્થ દવે (1) મરેલી ગાયને દૂધ પાવાનાં, (2) બળી ગયેલા ઝાડને પાણી સીંચવાનાં, (3) પથ્થર ઉપર કમળ ઉગાડવાનાં અને (4) કકડે કકડા થઈ ગયેલા રથનું સમારકામ કરવાના દશ્યો ખડા કર્યા હતાં અને દરેક વખત જણાવ્યું હતું કે, “જો મરેલા કૃષ્ણને બળદેવજી જીવતા કરી દેવાના હોય તો હું પણ આ કેમ ન કરી શકું ?" [54] પુંડરિક સ્વામીજીને કેવળજ્ઞાન યુગાધિદેવ પરમાત્મા આદિનાથ એક વાર શત્રુંજય તીર્થેથી વિહાર કરતા હતા. તે વખતે તે પરમપિતાની સાથે વિહાર કરવા તૈયાર થયેલા શિષ્યો સહિત ગણધર ભગવંત પુંડરીકસ્વામીજીને પ્રભુએ ફરમાવ્યું કે, “તમે શિષ્યપરિવાર સહિત આ તીર્થભૂમિમાં રોકાઈ જવાનું રાખો, કેમ કે આ તીર્થના પ્રભાવથી તમને અને તમારા શિષ્યગણને મોટો લાભ પ્રાપ્ત થવાનો છે.” ખરેખર... તેમ જ થયું. પાંચ કરોડ મુનિઓ સાથે પુંડરીકસ્વામીજી એ તીર્થભૂમિમાં ચૈત્રી પૂર્ણિમાના દિવસે એક માસનું અનશન કરીને કેવળજ્ઞાન પામ્યા.
