________________ 150 જૈન ઇતિહાસની ઝલકો આપણે તેનું આતિથ્ય પણ ન કર્યું ?' આ વિચારથી સહુ ખેદ કરવા લાગ્યા. આ વાતની વનરાજને ખબર પડતાં તે ગુપ્ત રીતે ઘરના શેઠને મળ્યો. શેઠની દીકરી શ્રીદેવીએ તેને ભાઈ તરીકે સ્વીકારીને ભારે પ્રેમથી જમાડીને આશિષ આપી કે, “તમે વહેલી તકે રાજા થજો.” વનરાજે કહ્યું, “હું રાજા થઈશ ત્યારે તારા હાથે રાજતિલક કરાવીશ.” વનરાજે તે વચન પાળ્યું. વનરાજના બાલ્યકાળથી જીવન ઘડતરમાં જૈનાચાર્ય શીલગુણસૂરિજીનો મોટો ફાળો હતો. [264] પાસિલનું જિનાલય-નિર્માણ | વિ.સં. ૧૧૮૩માં વાદિદેવસૂરિજી મહારાજના ઉપદેશથી સિદ્ધરાજ જયસિંહે રાજવિહાર નામનું જિનાલય બનાવ્યું હતું. તેની આદિનાથ પ્રભુજીની પ્રતિમા પંચ્યાસી અંગુલની હતી. એકદા આરાસણ ગામનો રહેવાસી પાસિલ તે મંદિરે પૂજા કરવા આવ્યો. પૂજા બાદ તે પ્રતિમાજીનું માપ લેવા લાગ્યો. તે વખતે નેવું લાખ સોનામહોરના સ્વામી છાડા શેઠની બાલવિધવા દીકરી હસુમતી ત્યાં ચૈત્યવંદન કરતી હતી. પાસિલને પ્રતિમાજીનું માપ લેતો જોઈને તેણે પૂછયું, “શું તમનેય આવી વિરાટ કદની પ્રતિમાજી ભરાવવાના ભાવ જાગ્યા છે ?" વ્યંગમાં બોલાયેલી આ વાણીને ગરીબ પાસિલે ગંભીરતાથી ઉપાડી લીધી. તેણે કહ્યું, “હા... તેમજ છે. પણ તેની પ્રતિષ્ઠાવિધિ વખતે તમારે હાજર રહેવું પડશે.” આમ કહીને પાસિલ ઘેર ગયો. તેણે દસ ઉપવાસ કરવાપૂર્વક અંબાજીની આરાધના કરી. તેમણે પ્રત્યક્ષ થઈને સોનામહોરોનું નિધાન બતાવ્યું. અને પાસલની ભાવના પૂર્ણ થઈ. તેવી જ પ્રતિભાવાળું જિનમંદિર બનાવ્યું. વાદિદેવસૂરિજી મહારાજાના હસ્તે અંજનશલાકા પ્રતિષ્ઠા કરાવી. ધર્મના ભાઈ તરીકે સ્વીકારેલા પાસિલના આ પ્રસંગે હસુમતી પણ હાજર રહી. ત્યારબાદ હસુમતીએ પણ નવ લાખ સોનામહોરનો જિનપ્રાસાદ બનાવ્યો. [25] કુમારપાળ અને કુળદેવી કલિકાલસર્વજ્ઞ ભગવાન હેમચંદ્રસૂરિજીનો પુનિત યોગ પ્રાપ્ત કરીને રાજા કુમારપાળે જૈનધર્મનો સ્વીકાર કર્યો હતો. પરંપરાથી ચાલી આવેલી કુળદેવીની પૂજાનો ત્યાગ કરી દીધો હતો.
