________________ જૈન ઇતિહાસની ઝલકો 173 પડ્યો ? આવાં ગપ્પાં કેમ મારે છે ?' ત્યારે નૈમિત્તિકે કહ્યું, “રાજન્ ! હજી કહું છું કે મારું કહેવું તદન સાચું જ હતું. પરંતુ શું થયું તે મને સમજાતું નથી. તમે કોઈ સાચા જ્ઞાની આવે તો પૂછજો.” અને... ખરેખર એક દિવસ યુગસમંધર નામક જ્ઞાની ગુરુ આવ્યા ત્યારે રાજાએ એમને પૂછયું : “ભગવનું ! નૈમિત્તિકની વાત શું ખરેખર સાચી હતી કે 12 વર્ષનો દુકાળ પડવાનો છે ?" ત્યારે ગુરુએ કહ્યું કે, “એ નૈમિત્તિક કહેતો હતો તેમ, ગ્રહચાર તો તેવો જ હતો કે જેથી બાર વર્ષનો દુષ્કાળ પડે. આ જ અરસામાં તારા નગરમાં એક મહાપુણ્યવાન આત્માનો શુદ્ધબોધ શેઠને ત્યાં જન્મ થયો, માટે તેના ગતજન્મના પ્રચંડ તપના પ્રભાવને કારણે એ ગ્રહચાર પણ નિષ્ફળ નીવડ્યો અને ધોધમાર વરસાદ પડ્યો.” આમ કહીને ગુરુએ તેનો પ્રવરદેવ તરીકેનો આખો પૂર્વભવ કહ્યો. [286] રામલો બારોટ અને તીર્થરક્ષા ગૂર્જરેશ્વર કુમારપાળની રાજગાદી ઉપર ચડી બેઠેલો રાજા અજયપાળ, ગૂર્જરેશ્વરની ધાર્મિકતાની જીવંત સાક્ષી રૂપે ઊભેલાં જિનમંદિરોને ધરાશાયી કરવાના જાણે શપથ લઈ ચૂક્યો હોય તે રીતે એક પછી એક જિનમંદિર ધૂળ ભેગું કરતો તારંગાતીર્થને ધરતીનશીન કરવા માટે આગળ ધસી રહ્યો હતો. એના રસ્તામાં એક ગામ આવ્યું. ત્યાંના જૈનો ભારે ધર્મપ્રેમી. તારંગાની રક્ષા માટે વિચાર કરવા આખો સંઘ એકઠો થયો. આખી રાત વિચારણા કરી પણ કોઈ ઉપાય ન જડ્યો. એ વખતે રામલાલ નામના એક બારોટે તીર્થરક્ષાનું બીડું ઝડપ્યું. સંઘે એનાં બાળબચ્ચાં વગેરે કટુંબીજનોની કાયમી સંભાળ રાખવાની જવાબદારી માથે લીધી. રામલાલ બારોટને સહુએ તિલક કર્યું. યુવતીઓએ આશિષ આપી. રામલાલે નાટક મંડળી તૈયાર કરી બીજા માણસો દ્વારા આ નાટક-મંડળીની ભારે પ્રશંસા અજયપાળ પાસે કરાવી. અજયપાળે રામલાલનું નાટક જોવાની ઇચ્છા દર્શાવી. રામલાલ બારોટે અજયપાળ સમક્ષ ઉપસ્થિત થઈને કહ્યું, “રાજન ! (1) નાટક તો આપને જરૂર બતાવીશ, પણ મારી બે શરત પાળવી પડશે. (2) નાટકમાં જે કાંઈ આવે તે જોવું જ પડશે. અને નાટકના અંત સુધી ઉઠાશે નહિ. રાજાએ શરતો કબૂલ કરી. રાત્રે દશ વાગ્યે નાટક શરૂ થયું. એના પહેલા અંકમાં આપ-બળે અઢળક સંપત્તિ પ્રાપ્ત કરીને શ્રીમંત થયેલો એક યુવાન દેખાયો. ગુરુ-ઉપદેશે એણે જિનમંદિર બનાવ્યું. ભારે ઠાઠથી
