________________ જૈન ઇતિહાસની ઝલકો 191 આપ્યું છે. એ પાપ એટલું બધું ભયંકર છે, એટલું બધું ઉગ્ન છે કે તેમને આ જ ભવમાં તેનું ફળ મળી રહેવાનું છે અને હવે તો ઝાઝા દિવસો પણ લાગવાના નથી. ઉગ્ર પાપીઓ તેમના પાપે જ તે જ ભવમાં મરે છે, એ શાસ્ત્રવચનને તું વિસરી ન જા. માટે મારે તને એટલું જ કહેવું છે કે તું તારો ક્ષાત્રધર્મ બજાવ. સ્વયં મરનારાઓને મારવાની તારે તો માત્ર વિધિ જ કરવાની છે. “વળી સામેથી બાણના પ્રહારો ચાલુ રહે ત્યારે ક્ષત્રિય બચ્ચો કોઈ પણ સ્થિતિમાં શાન્ત ઊભો રહે ખરો ? તું વીર ક્ષત્રિયાણી માતા કુન્તીનું સંતાન નથી ? શું તું મહાપરાક્રમી ક્ષત્રિયરાજા પાંડુનું બીજ નથી ? ઓ અર્જુન ! અત્યારનું તારું વર્તન તે સાચી હકીકતમાં પણ શંકા પ્રેરે તેવું બની ગયું છે , શ્રીકૃષ્ણના આ શબ્દોએ અર્જુનના વિષાદનો ભુક્કો બોલાવી દીધો. [30] ખુમારીવંતા વીરાચાર્ય સિદ્ધરાજ જયસિંહ જેમને ભારે બહુમાનથી સત્કારતો હતો એવા એ જૈનાચાર્ય નામે વીરાચાર્ય. કોણ જાણે કેમ, એક દી સિદ્ધરાજે ભરસભામાં વીરાચાર્યજીને કહ્યું કે, આપના મુખ ઉપર જ તેજ છે તે આપને મળતાં રાજ સન્માનને આભારી છે.” આ શબ્દો સાંભળતાં જ વીરાચાર્યજીનું સત્ત્વ છંછેડાયું. તરત જ તેમણે રાજાને કહ્યું, “રાજન્ ! મિથ્યા ગર્વ ન કરો. મુનિઓના લલાટના તેજ તેમના સંયમપાલનને આભારી છે એ વાત તમારા હૈયે લખી રાખો. બીજી વાત... કે હું ઘણા વખતથી વિહાર કરવાની ઇચ્છા રાખતો હતો. આજે હું પાટણથી વિહાર કરીશ.' અને.. વીરાચાર્યજીએ બપોરના સમયે પાટણ છોડ્યું. વીરાચાર્યજી રાજા દ્વારા અપમાનિત થયાના સમાચાર પાટણના સમસ્ત જૈન સંઘમાં વાયુવેગે ફેલાઈ ગયા હતા. હજારો ભક્તજનો આશ્રુભીની આંખે વીરાચાર્યને વળાવવા ગયા. આ બાજુ રાજા સિદ્ધરાજને પોતાની થઈ ગયેલી ભૂલને ખ્યાલ આવતાં ખૂબ પ્રશ્ચાત્તાપ થયો. તેણે જૈન મત્રી સાન્તને વીરાચાર્યજી પાસે મોકલ્યા. પણ તે વખતે તો તેઓ એ વિહાર શરૂ કરી દીધો હતો. સાન્તનું મંત્રી જલદીથી પાછળ ગયા. વીરાચાર્યજી હજી ગામ બહાર પહોંચીને માંગલિક સંભળાવી રહ્યા હતા.
