________________ 165 જૈન ઇતિહાસની ઝલકો 108 વાર ભાવપૂર્વક બોલવાનું સૂચન કર્યું. આ વિધિ અખંડિતપણે છ માસ સુધી કરવાનું અને તેની સાથે એકાશન, સંથારે શયન, પૂર્ણ બ્રહ્મચર્ય પાલન કરવાનું જણાવ્યું. કપર્દીએ યથાવિધિ આરાધના પૂર્ણ કર્યું. છેલ્લા દિવસે ચક્રેશ્વરી દેવી પ્રગટ થયાં. તેમણે કપર્દીને કહ્યું કે, “ફાલે કોરા ઘડા તૈયાર રાખવા. મારુ દૂધ તેમાં ભરી દેવું. તે બધું સોનું થઈ જશે. કપર્દીએ અધમણિયા બત્રીસ ઘડા તૈયાર કરીને મૂકી દીધા દરેકમાં દેવીદત્ત દૂધ ભરવામાં આવ્યું. કપર્દીએ વિનંતી કરી કે, “બત્રીસમા ઘડાનું દૂધ જેમનું તેમ જ રખાય તો સારું. જો એ દૂધનો અક્ષયકુંભ બને તો તેના વડે ચતુર્વિધ સકળ સંઘની ભક્તિ કરી શકું.” દેવીએ તે વાત કબૂલ કરી. મહાધનાઢય બની ગયેલા કપર્દીએ દૂધપાકપૂરીના ભોજનથી ચતુર્વિધ સંઘની ભક્તિ કરી. [24] યશોધર રાજાનું અકાળે અવસાન યશોધર રાજા અતિ રૂપવાન હોવા છતાં તેની રાણી ન નાવલી કાળા અને કુલ્થ, એવા દ્વારપાળમાં અતિ મોહિત હતી. તે જ કારણે તેણે રાજા યશોધરને ઝેર આપીને મારી નાખ્યો હતો. દીક્ષાની ભાવનાવાળા રાજાનું આ રીતે અકાળે કરુણ અવસાન થઈ ગયું. [25] પ્રદેશી રાજાને રાણી દ્વારા ઝેર પ્રદેશી રાજાની રાણી સુરિકાન્તાએ, વધુ ધર્મ કરતા રાજા ઉપર રોષે ભરાઈને ઝેર આપ્યું હતું. રાજા તેર છ૪ કરીને આરાધના કરતા કરતા મૃત્યુ પામીને પહેલા દેવલોકમાં સૂર્યાભદેવ થયા હતા. [26] રાણી મૃગાવતીનું ચિત્ર રાજા શતાનિકની રાણી મૃગાવતી હતી. કોઈ ચિત્રકારે તે સૌન્દર્યસમ્રાશી રાણીનું અદ્ભુત ચિત્ર દોર્યું. રાજા શતાનિક ખૂબ ખુશ થઈ ગયો. પણ જયાં તેણે ચિત્રમાં રાણીની સાથળ ઉપર બતાડેલો તલ જોયો ત્યાં તેનું માથું ભમવા લાગ્યું. આ તલની ચિત્રકારને શી રીતે ખબર પડે ? તેને ચિત્રકારના દુરાચારી જીવનની કલ્પના થઈ. તેને ફાંસીની સજાનો આદેશ થયો. એ મહાન ચિત્રકાર ધરતી ઉપરથી અકાળે નાબૂદ થાય એ વાત કોઈ પસંદ ન હતી. વળી ચિત્રકાર ચારિત્રસંપન્ન હતો.
