________________ 68 જૈન ઇતિહાસની ઝલકો સમ્યકત્વ તો પામી ગયો ! આ જ તેને મોટો ફાયદો થઈ ગયો. મેં તમને એ માટે જ મોકલ્યા હતા. બાકી મને જોઈને નાસી જવાનું કારણ મારી સાથે-મારા ત્રિપૃષ્ઠ વાસુદેવ તરીકેના ભવમાં - સિંહ તરીકેના જીવનમાં બંધાયેલું વેર છે. [132] ધનશ્રી દુર્ગચ્છા અને પ્રભુનવાણી એ ધનશ્રી નામની રૂપગર્વિતા હતી. તેના લગ્નના સમયે જ કોઈ મલિન વસ્ત્રધારી મુનિરાજ ભિક્ષાર્થે પધાર્યા. ધનશ્રીને તેમના ઉપર દુર્ગછા (સૂગ) થઈ આવી. તેનું મન બોલી ઊઠ્યું, આ સાધુઓ નિર્દોષ જળથી સ્નાન કરતા હોય તો તેમાં શું પાપ થઈ જવાનું હતું ?' તેણે મોદક વહોરાવ્યા....પણ તે પહેલાં ચીકણું અશુભકર્મ બંધાઈ ચૂક્યું હતું. મૃત્યુ પામીને કોઈ વેશ્યાના પેટે તેનો ગર્ભ રહ્યો. તે ગર્ભને પાડી નાખવા માટે વેશ્યાએ જલદ ઉપાયો કર્યા, પણ બધાય નિષ્ફળ ગયા. તેનો બાળકી રૂપે જન્મ થયો. વેશ્યાએ તેને ઉકરડે નાખી. તેના શરીરમાંથી અતિ ભયંકર દુર્ગધ વછૂટતી હતી. મહારાજા શ્રેણિક ત્યાંથી જ પસાર થયા. પરમાત્મા મહાવીરદેવને આવી અસહ્ય દુર્ગધનું કારણ પૂછતાં પ્રભુએ તેણીનો પૂર્વભવ કહ્યો. સાથે સાથે એમ કહ્યું કે, “ભવિષ્યમાં તું જ તેને પરણવાનો છે. તેનું અશુભકર્મ ભૂદાઈ ગયા બાદ તે અત્યંત રૂપવતી કન્યા બનવાની છે.” સાચે જ તેમ જ થયું. પરમાત્માની વાણી કદી મિથ્યા થાય ખરી ? [133] નાગદત્તનો પૂર્વભવ એ ઘોર તપસ્વી મુનિ હતા. એક વાર પોતાના બાળશિષ્ય સાથે ગોચરી વહોરવા ગયા હતા, ત્યાં રસ્તામાં પગ નીચે દેડકી આવી ગઈ. તે વિરાધનાનું પ્રાયશ્ચિત્ત કરવાનું બાળ-શિષ્ય સૂચન કરતાં ગુરુને ક્રોધ ચડી ગયો. સંધ્યાના આછા પ્રકાશમાં તેને મારવા દોડતાં પોતે જ પડી ગયા અને તત્કાળ કાળધર્મ પામ્યા. સંયમધર્મની અપૂર્વ આરાધનાઓની સાથે અંત સમયે કરેલી વિરાધના જોડાઈ. તેના પરિણામે એક ભયાનક જંગલમાં તે આત્મા દૃષ્ટિવિષ સાપ થયો. એ વનમાં બીજા ઘણા સાપ હતા. એમાંના ઘણાખરા પૂર્વભવના સંયમધર્મથી વિરાધના કરી ચૂકેલા આત્મા હતા. પણ તેમને આ સાપના ભવમાં જાતિસ્મરણ જ્ઞાન થયું હતું. તેથી તેઓ કાયોત્સર્ગ વગેરે કરતા હતા. નિર્દોષ અન્ન-પાણી
