________________ જૈન ઇતિહાસની ઝલકો 75 [147) કુમારપાળની દિનચર્યા ગૂર્જરેશ્વર કુમારપાળની દિનચર્યા “કાંઈક આવી હતી. તેઓ મંગલપાઠથી જાગતા હતા. પછી નમસ્કાર-મંત્રનો જપ કરતા. બાદ વીતરાગસ્તોત્ર અને યોગશાસ્ત્રના બત્રીસ પ્રકાશોનું (દાંત બત્રીસ છે માટે ?) સ્વાધ્યાયરૂપ ભાવમંજના કરતા. ત્યાર બાદ જિનમંદિરે દર્શન, ચૈત્યવંદન કરતા. પછી કુમારવિહારની ચૈત્યપરિપાટી કરતા. પછી ગૃહમંદિરમાં ભોજન-નૈવેદ્ય ધરીને જમતા. સાંજે ઘર-દેરાસરમાં અંગરચના સામે આરતી, દીવો અને પ્રભુભક્તિ કરતા. રાત્રે મહાપુરુષોના જીવન ઉપર ચિંતન કરતા સૂઈ જતા. તેઓ આઠમ, ચૌદસે એકાસણું કરતા; સવાર-સાંજ સામાયિક કરતા; તેમાં સંપૂર્ણ મૌન રાખતા. [148] કુમારપાળને હેમચન્દ્રાચાર્યજીનો ઠપકો પોતાને મુનિ-જીવનનો યોગ અને ક્ષેમ (રક્ષા) પ્રાપ્ત થાય તે માટે ગૂર્જરેશ્વર તમામ સાધુ-ભગવંતોને ખૂબ ઉત્સાહથી વંદન કરતા. પણ એક દી શિથિલતાવાળા સાધુનેય તેમણે વંદન કર્યું. નાડોલના કોઈ યુવરાજે આ જોયું. તેણે વાંધો લીધો અને કલિકાલસર્વજ્ઞ હેમચન્દ્રસૂરિજી મહારાજને જણાવ્યું. તેઓએ ગૂર્જરેશ્વરને તેમ કરવાની ના પાડી. ગૂર્જરેશ્વરે ફરી તેવી ભૂલ નહિ થવાની ખાત્રી આપી. [14] પ્રજાવત્સલ રાજા વીરધવળ વિ. સં. ૧૨૯૪માં રાજા વીરધવળનું મૃત્યુ થયું. તે એટલો બધો પ્રજાવત્સલ હતો કે તેના મૃત્યુ દ્વારા થયેલા વિરહથી ત્રાસી ઊઠેલા એક સો વીસ માણસો તેની ભડભડ જલતી ચિતામાં કૂદી પડ્યા હતા. હજી પણ વધુ જાનહાનિ ન થાય તે માટે સરકાર તરફથી તાત્કાલિક પાકો બંદોબસ્ત કરી લેવામાં આવ્યો. [150] રાજા ધંધૂક અને કરોડપતિ જેનો રાજા ધંધૂક પરમારના શાસનમાં આબુની તળેટીમાં આવેલી ચન્દ્રાવતી નામની નગરીમાં 444 જિનમંદિરો હતાં, 999 શિવાલયો હતાં; 360 કરોડપતિઓ વસતા હતા. આ કરોડપતિઓ હંમેશ વારાફરતી આબુનાં જિનાલયોમાં પૂજા ભણાવતા. પોતાના ગામના નવા આગંતુક જૈનને એક ઈટ, નળિયું, થાળી, રૂપિયો આપીને એક જ દિવસમાં ધનાઢ્ય બનાવી દેતા. વિ. સં. 1500 પછી અહમદશાહે ચન્દ્રાવતી ભાંગી. તેનો ઘણો માલ તે અમદાવાદ લઈ ગયો.
