________________ જૈન ઇતિહાસની ઝલક 119 [223] કુમારપાળ અને સમ્યકત્વ. જિનશાસન ઉપરની શ્રદ્ધાને દઢ કર્યા બાદ ગૂર્જરેશ્વર કુમારપાળની શ્રદ્ધાને ડાલમડોલમ કરી દે તેવા પ્રસંગો પાટણમાં થોડા સમય સુધી બન્યા હતા. મિથ્યાષ્ટિ લોકો પોતાના તરફથી એવા ચમત્કાર બતાવતા કે ભલભલાને તેમના પ્રત્યે બહુમાન જાગી જાય. પરંતુ બીજી બાજુ કલિકાલસર્વજ્ઞ હેમચંદ્રસૂરિજી મહારાજા તેમનાથી સવાયા ચમત્કાર બતાવીને હવાને પોતાની તરફેણમાં પલટી નાંખતા. રોજ હવા બદલાયા કરતી. આવા સમયે ગૂર્જરેશ્વર તો સૂરિજીએ આપેલા એક જ જાપને રોમરોમમાં ઘૂંટતા હતા. “તમેવ સચ્ચ નિઃસંક જ જિPહ પવેઇઅ - વિતરાગ સર્વત્ર જિનેશ્વર દેવોએ જે કહ્યું છે તે જ સાચું છે. શંકારહિત છે.” [224] કુમારપાળ અને બનેવી અર્ણોરાજ એક વાર ગૂર્જરેશ્વર કુમારપાળનાં બહેન અને બનેવી અર્ણોરાજ ચોપાટ રમતા હતા ત્યારે એક સોગટી મારતાં કહ્યું, “લે; ગુજરાતના મુંડિયાને આ સોગઠી મારી.” આ હડહડતા અપમાનજનક શબ્દો સાંભળીને ગૂર્જરેશ્વરની બહેન સમસમી ઊઠી. માફી માંગવા માટે પતિને કહ્યું. પણ અર્ણોરાજ તો વધુ ઉશ્કેરાયો. તે કહેવા લાગ્યો, “તારો ભાઈ કુમારપાળ એટલે કોણ ? ગઈ કાલનો રખડુ કે બીજો કોઈ ?" ધર્માત્મા બહેને અર્ણોરાજને સાફ કહી દીધું કે, “આ રાજસત્તાનો કે મારો સવાલ નથી. ધર્મવ્યવસ્થાનો સવાલ છે. જો માફી નહિ માંગો તો હું તમારી જીભ ખેંચાવીને જ જંપીશ.” આ સાંભળીને ક્રોધે ભરાયેલો અર્ણોરાજ તેને જોરથી લાત મારીને ચાલ્યો ગયો. બહેન પિયર ચાલી ગઈ. કુમારપાળે યુદ્ધ પોકાર્યું. સાચે જ અર્ણોરાજને હાથી ઉપરથી નીચે પટકીને તેની છાતી ઉપર ચડી જઈને તેની જીભ ખેંચી. અર્ણોરાજે દયા યાચી ત્યારે જ તેને જીવતો છોડ્યો. [225] કુમારપાળની કૃપણતા ' અર્ણોરાજ સાથેના ધર્મયુદ્ધમાં ગૂર્જરેશ્વર કુમારપાળના આખા સૈન્યને અર્ણોરાજે પુષ્કળ ધન આપી ફોડી નાખ્યું હતું. કુમારપાળની કૃપણતા આ વખતે ખરેખર ભારે પડી ગઈ હતી.
