________________ 138 જૈન ઇતિહાસની ઝલકો મલ્લનિએ શિલાદિત્યને બૌદ્ધો સાથે વાદ ગોઠવવા માટે કહેવડાવ્યું. વાદ શરૂ થયો. છ માસ પૂરા થતાં બૌદ્ધો પરાજયની અણી ઉપર આવી ગયા. આથી બૌદ્ધાચાર્ય માંદગીનું બહાનું કાઢીને તે દિવસે વાદસભામાં ઉપસ્થિત થવાનું ટાળ્યું. મલમુનિએ રાજાને કહ્યું કે તે રાજકીય માંદગી છે એટલે શિલાદિત્યે તપાસ કરાવી બૌદ્ધાચાર્ય તદન-સાજા નરવા છે તે જાણીને રાજાને તેમના જુઠાણાને લીધે ખૂબ નફરત થઈ. અંતે પરાજય જાહેર થયો. શત્રુંજય તીર્થ પુનઃ જૈનોને પ્રાપ્ત થયું. વિ.સં. પ૭૩માં શિલાદિત્યનું મૃત્યુ થયું. [26] જિણહ શેઠ એ ધોળકાનો વતની હતો, નામે જિણહ ભારે ગરીબ માંડ જીવન ગુજારો ચાલે. એકદા નવાંગી ટીકાકાર અભયદેવસૂરિજી મહારાજાએ તેને ચિત્તસમાધિ માટે પાર્શ્વ-પ્રભુની પૂજા તથા ભક્તામર સ્તોત્રનો પાઠ હંમેશ કરવા કહ્યું. તેણે તેનો અખંડિતપણે અમલ ચાલુ કર્યો. એક વાર તે ઘીનો ગાડવો લઈને ફેરીએ નીકળ્યો હતો. વગડાની વાટમાં ત્રણ ચોરો મળ્યા. ઝપાઝપીમાં જિણહે ત્રણેયને મારી નાંખ્યા. તેની આ તાકાતની રાજા ભીમદેવને જાણ થઈ. તેમણે જિણહને ધોળકાનો દંડનાયક બનાવ્યો. તેની ભારે ધાકને લીધે સમગ્ર હકૂમતમાંથી ચોર, લૂંટારૂઓ ભાગી છૂટ્યા. પણ તે ખૂબ નીતિમાન, પ્રામાણિક વગેરે હોવા સાથે હૃદયનો ખૂબ કઠોર હતો. આથી ભારે ક્રૂરતાવાળી સજા કરી દેતાં પણ તે જરાય અચકાતો નહિ. - એક ધર્મપ્રેમી ચારણને આ વાત ચતી ન હતી. આવો ધર્માત્મા આટલો બધો કઠોર ન હોવો જોઈએ એવો તેનો ખ્યાલ હતો. એક વાર જિણહને બોધ દેવા માટે ચારણે યુક્તિ કરી. તેણે હાથે કરીને ઊંટ ચોર્યાનો દેખાવ કરીને રાજના ચોકીદારની ધરપકડ વહોરી લીધી. આવો અપરાધ કરવા બદલ ચારણને શું સજા કરવી ? તે પૂછવા માટે ચોકીદાર જિનમંદિરે ગયો. જિણહ શેઠ તે વખતે પુષ્પપૂજા કરતાં હતાં. બહારથી ચોકીદારે સઘળી વાત ટૂંકમાં કરી તેના જવાબમાં મૌન રહીને જિણહ શેઠે પુષ્પ હાથમાં લઈને તેની ડીંટી તોડી નાંખતા બતાવીને એવો સંકેત આપ્યો કે, “તે ચારણનું ગળું આ રીતે મરડીને તેને મારી નાંખો.” આ વખતે ચારણ બહાર જ ઊભો હતો. તેણે તરત જ મોટેથી આ
