________________ 136 જૈન ઇતિહાસની ઝલકો ધીમે કુમારપાળ જિનધર્મની અભિમુખ થતા ગયા. અંતે એવા પાકા શ્રાવક બની ગયા કે ગુરુદેવે તેમને “પરમાહિત્' (ઉચ્ચતમ કક્ષાના શ્રાવક) કહ્યા. પછી તો કુમારપાળને અઢાર દેશની માલિકી અકારી લાગવા માંડી. તેઓ પરમાત્માને વારંવાર પ્રાર્થના કરવા લાગ્યા કે, “મારું અઢાર દેશનું માલિકીપણું પાછું લઈને મને તારા શાસનનું ભિખારીપણું (સાધુપણું) આપ !" [243] કરોડો સોનામહોરોથી થયેલાં ગુરુપૂજન આદિ કાર્યો (1) રાજા વિક્રમે એક કરોડ સોનામહોરથી સિદ્ધસેન દિવાકરસૂરિજીનું ગુરુપૂજન કર્યું હતું. (2) આમરાજાએ સવા કરોડ સોનામહોરથી બપ્પભટ્ટસૂરિજીનું ગુરુપૂજન કર્યું હતું. તેમના આચાર્યપદના મહોત્સવમાં (વિ.સં. 811) આમરાજાએ એક કરોડ સોનામહોરનો વ્યય કર્યો હતો. ગોપગઢમાં તેણે જે પૌષધશાળા બનાવી હતી તેનો વ્યાખ્યાનમંડપ ત્રણ લાખ સોનામહોરનો થયો હતો. રાત્રે પણ સાધુઓ વાંચીને સ્વાધ્યાય કરી શકે તે માટે દીવાલોમાં ત્રણ લાખ સોનામહોરોના ખરીદેલા ચન્દ્રકાન્ત વગેરે રત્નો જડવામાં આવ્યાં હતાં. [244 કુમારપાળની ગરશ્રદ્ધા જ્યારે દેવબોધિ બ્રાહ્મણ પંડિત કુમારપાળને પુનઃ બ્રાહ્મણધર્મ તરફ વાળવા માટે જોરદાર ચમત્કારો કરતો હતો. ત્યારે એક વાર તો કુમારપાળ પણ સ્તબ્ધ થઈ ગયા હતા. તેમણે વામ્ભટ્ટને કહ્યું કે, “આ કેવા અદૂભુત ચમત્કારો કરે છે ? શું “મારા ગુરુ પાસે આવી ચમત્કાર-વિદ્યાઓ હશે ખરી ?" “મારા ગુરુ’ શબ્દ સાંભળીને જ વાભટ્ટે મનથી નિર્ણય કરી લીધો કે હજી બાજી પૂરેપૂરી સલામત છે, તેણે સૂરિજીને સઘળી વાત કરી. તેમણે દેવબોધિ કરતાં પણ અદ્ભુત અને અનોખા ચમત્કારો કરી બતાવતાં કુમારપાળની ગુરુદેવ પ્રત્યેની આસ્થા વધુ સ્થિર થઈ. [245) બાળમુનિ મલવાદી અને બોદ્ધો સાથે વાદ મલ્લવાદીજીના ગુરુ બૌદ્ધો સાથેના વાદમાં હારી જતાં તેમને શરત મુજબ વલ્લભીપુરના તમામ જૈનો સહિત આખા કાઠિયાવાડનો ત્યાગ કરવો પડ્યો હતો. વલ્લભીપુરમાં તે વખતે શિલાદિત્ય રાજા હતો. (વિક્રમની છઠ્ઠી સદીમાં) પૂર્વે તો તે જૈન હતો, પરંતુ બૌદ્ધો દ્વારા શ્વેતામ્બરોનો પરાજય થતાં તે બોદ્ધ ધર્મી થયો.
