________________ 145 જૈન ઇતિહાસની ઝલકો એક વાર કોઈ જૈન સાધુ ઘેર પધાર્યા. અંબિકાએ ભારે ભક્તિભાવથી ઘરમાં તાજી બનાવેલી બધી મીઠાઈ ભિક્ષાપાત્રમાં નાખી દીધી. સાંજે સોમભટ્ટ વિપ્ર ઘેર આવ્યો ત્યારે તેને આ વાતની ખબર પડી. તેનો ક્રોધ આસમાનને આંબી ગયો. અંબિકાની સાસુએ મીઠું મરચું ભભરાવીને બધી વાત કરી હતી. હાથમાં ઘણા લઈને અંબિકાને મારવા દોડ્યો. આથી ગભરાઈ ગયેલી અંબિકા બે ય બાળકોને બગલમાં લઈને જંગલ તરફ નાસી ગઈ. આ બાજુ બધા રાતે જમવા બેઠા ત્યારે રસોડામાં મીઠાઈ તો પતરાળામાં એટલી ને એટલી જ દેખાઈ. આથી અંબિકાનાં સાસુ વગેરેને ખાતરી થઈ કે વહુને ચોક્કસ કોઈ દેવી મદદ જણાય છે. અથવા તેના નિર્મળ શીલનો આ પ્રભાવ છે. પશ્ચાત્તાપ કરતો સોમભટ્ટ જંગલ તરફ દોડવા લાગ્યો. જ્યારે તે અંબિકાની લગભગ નજદીકમાં આવ્યો ત્યારે અંબિકા કોઈ ઝાડની ઘટામાં રાતવાસો કરવાની ગોઠવણ કરતી હતી. એ ઝાડ ઉપરથી દોડતા આવી રહેલા પતિને જોઈને તેને ભય લાગ્યો કે પતિ હજી પણ તેને મારી નાંખશે. આથી બે ય બાળકોને લઈને ધબાકી કરતી તે કૂવામાં પડી. તેણે તેમનાથ ભગવાનનો જપ શરૂ કરી દીધો. થોડી જ વારમાં તે મૃત્યુ પામીને મનાથ પ્રભુની શાસનદેવી અંબિકા બની. હવે સોમનાથ ભટ્ટ મોડો પડી ગયો હતો. અંબિકા અને બે બાળકોનાં મડદાં પાણી ઉપર તરતાં તેણે જોયાં. તેણે સંસારવિરક્ત થઈને સંન્યાસ લીધો. એ જ અંબિકા દેવીના વાહન તરીકે તે દેવલોકમાં જન્મ પામ્યો. [25] “એક સમયમાં કેટલા ઉપયોગ ?'ની ભિન્ન માન્યતા પૂ. જિનભદ્રગણિ ક્ષમાશ્રમણ મહારાજા આગમપ્રધાન વાદી હતા. જ્યારે 5. સિદ્ધસેન દિવાકરસૂરિજી મહારાજા તર્કપ્રધાન વાદી હતા. પ્રથમ પૂજ્યશ્રીની એ માન્યતા હતી કે કેવળજ્ઞાનીને કેવળ જ્ઞાન અને કેવળદર્શનનો ઉપયોગ વારાફરતી હોય, ત્યારે દ્વિતીય પૂજ્યશ્રીની માન્યતા એ હતી કે તે બંનેનો ઉપયોગ એકીસાથે હોય. દિવાકરસૂરિજીના મતનું ખંડન જિનભદ્રગણિવરે સ્વભાષ્યમાં કર્યું છે. આમ છતાં દિવાકરરિજીએ જિનકલ્પસૂત્રની ચર્ણિમાં તેમની સ્તુતિ કરી છે.
