________________ 128 જૈન ઇતિહાસની ઝલકો અટ્ટને એક રાતે લીમલ્લને પૂછ્યું કે, “તું ઝટ વિજય કેમ મેળવતો નથી ? તેને ક્યાંક શરીરમાં કળતર વગેરે કાંઈ પણ થાય છે ખરું ?' ફલ્હીમલે હા પાડી. માલિશ વગેરે કરીને તેને તૈયાર કરવામાં આવ્યો. આ બાજુ માસ્મિકને પણ તેમાં તાલીમબાજે આ જ સવાલ પૂછયો; પણ ગુમાની એવા તેણે સાચી વાત ન કરી. તેને પગની એડીઓમાં દુખતું હતું. બીજે દી કુસ્તી થતાં ફલહીમë માસ્મિકને ચિત પાડી દઈને વિજય મેળવી લીધો. [234] શાસન-રક્ષા માટેના પ્રસંગો - જ્યારે જ્યારે ધર્મ ઉપર ભય પેદા થવાના પ્રસંગો ઉપસ્થિત થયા છે ત્યારે ત્યારે તેને નિવારવા માટે યુદ્ધ પણ લડવાં પડ્યાં છે અને અન્ય સખત ઉપાયો પણ લેવા પડ્યા છે. (1) કાલકસૂરિજી મહારાજા સાધ્વી સરસ્વતીજીનું અપહરણ કરી ચૂકેલા કામાંધ રાજા ગર્દભિલ્લને સખત બોધપાઠ આપવા માટે શકરાજને યુદ્ધ કરવા માટે લઈ આવ્યા હતા. તેના માર્ગદર્શક સૂરિજી પોતે બન્યા હતા. ગઈભિલ્લને સખત હાર આપીને તેને જીવતો રાખીને જંગલમાં રવાના કરાવી દીધો હતો. સાધ્વીજીએ આયંબિલ તપ વગેરે શીલરક્ષા અણિશુદ્ધ રીતે કરી હતી. (2) મગધપતિ શ્રેણિકે પોતાની મિથ્યાત્વ દશામાં, ‘જૈન સાધુઓ દુરાચારી છે' એવું સાબિત કરી આપીને ચુસ્ત જૈન પટરાણી ચેલ્લણાને જૈનધર્મથી વિમુખ કરી દેવા માટે છટકું કર્યું હતું. જેમાં મહાદેવજીના મંદિરમાં કારણવશાત્ વિહારમાં એકાકી સંથારો કરતા જૈન સાધુ પાસે વેશ્યાને મોકલી આપવામાં આવી હતી અને મંદિરના દ્વાર બંધ કરી દેવાયાં હતાં. | મુનિ નિર્વિકારી હોવાથી વેશ્યા પતન તો ન કરી શકી, પણ તેણે છટકું ગોઠવાયાની સઘળી વાત કરી. સવારે રાજા વગેરે સેંકડો માણસોની સામે. મંદિર ખૂલતાં; વેશ્યાની સાથે જૈન સાધુ નીકળે તો ધર્મહેલના કેટલી જોરદાર થાય ? આ વિચારે તે મુનિએ લંગોટી જેટલું પહેરીને બાકીનાં તમામ વસ્ત્રો અને ઓઘો મંદિરના દીવાની મદદથી બાળી નાખ્યાં. તેની રાખ શરીર ઉપર ચોળી. મંદિરમાં પડેલો ચીપિયો લીધો. જેવાં દ્વાર ઊઘડ્યાં કે મુનિ “અલખ નિરંજન' બોલતાં બાવાના સ્વરૂપમાં બહાર નીકળ્યા. ચલ્લણાને લઈને શ્રેણિક ત્યાં આવી ગયા હતા. બીજા અનેક લોકોને
