________________ જૈન ઇતિહાસની ઝલકો 131 પણ નારદની વાત પર્વતકે ન માની એટલે બન્ને પોતાના ત્રીજા સહાધ્યાયી વસુરાજા પાસે ગયા. તેમણે નિર્ણય કર્યો કે જે ખોટો પડે તેની જીભ કાપી નાંખવી. પર્વતકની પત્નીને આ વાતની ખબર પડી. તે જાણતી હતી કે તેના પતિ ખોટા છે. એટલે વસુરાજા પાસે ગઈ અને પતિની તરફેણમાં ચુકાદો આપવા માટે ખૂબ આગ્રહ કર્યો, પહેલાં તો આવું જૂઠું બોલવાની સાફ ના પાડતાં વજુએ છેલ્લે નમતું જોખ્યું. બીજે દી રાજસભામાં વસુએ જેવો જૂઠા પર્વતકની તરફેણમાં ચુકાદો આપ્યો કે તરત જ દેવી પ્રકોપ થયો. સ્ફટિકની વેદિકામાં તિરાડ પડી. જોતજોતામાં તેના ટુકડે ટુકડા થઈ ગયા. સિંહાસન નીચે પડ્યું. વસુ પટકાઈ ગયો. વસુ ત્યાં જ મરીને નરકમાં ગયો. વસુ તો મર્યો પરંતુ તેની ગાદી ઉપર તેના જે જે પુત્રો બેઠા તે બધાયને દેવતાએ હણી નાખ્યા. [230] કુમારપાળનાં પૂજાનાં વસ્ત્રો ગૂર્જરેશ્વર કુમારપાળ જિનપૂજામાં પોતાનાં જ વસ્ત્રો વાપરતા હતા. એક વાર ભૂલથી બાહડમંત્રીના નાનાભાઈ ચાહડે તે વસ્ત્રો પહેરીને પૂજા કરી. આથી ગૂર્જરેસ્વરે ચાહડને નવાં વસ્ત્રો લાવી આપવાનો હુકમ કર્યો. હવે આ પ્રકારનાં વસ્ત્રો માત્ર બંબેરા નામની નગરીમાં જ બનતાં હતાં. ત્યાંનો રાજા તેને એક વાર વાપર્યા પછી જ વેચાણ માટે મૂકવા દેતો હતો. ચાહડને વિમાસણ થઈ; પરંતુ ઘણી યુક્તિ કરીને, અઢળક દ્રવ્યનો વ્યય કરીને પણ વાપર્યા વિનાના તે વસ્ત્રો મેળવવામાં આવ્યાં. [238] કુમારપાળની આરતી ત્રિભુવનપાળવિહાર નામના પોતાના પૈસે બનાવેલા જિનમંદિરના ધૂળેવા નામના રંગમંડપમાં ઊભા રહીને ગૂર્જરેશ્વર કુમારપાળ પ્રભુજીની આરતી ઉતારતાં ઉતારતાં એકાએક અટકી ગયા. તેઓ મનોમન બોલવા લાગ્યા, “આ ત્રિલોકનાથની સાચી ભક્તિ મારે હૈયે છે જ નહિ. જેને હૈયે પરમાત્મા હોય તેના હૈયે લક્ષ્મી શી રીતે હોય ? પ્રભુજીના શરીરે જે પુખોની અંગરચના થઈ છે તે એક જ ઋતુનાં પુષ્પો છે; છતાંય કેવી સુંદર આંગી બની છે. પણ જો છ ઋતુનાં પુષ્પો ભેગાં કરીને રોજ આંગી થાય તો તે કેટલી અદ્ભુત થાય ? તો મારી પાસે લક્ષ્મીની ક્યાં કમી છે ? પણ હું રહ્યો કૃપણ, એટલે
