________________ 118 જૈન ઇતિહાસની ઝલકો કાઢવાની તાકાત કોનામાં છે ? એમ વિચારીને ભોઈને ધારી ધારીને જોતાં ગુરુદેવ જણાયા. સૂરિજી પાલખીમાંથી નીચે ઊતરી ગયા. ગુરુજીએ ઠપકો આપ્યો. સૂરિજીએ ક્ષમા માંગીને પ્રાયશ્ચિત્ત કર્યું. [19] પેથડનાં ધર્મપત્નીનું દાન મંત્રીશ્વર પેથડનાં ધર્મપત્ની જિનમંદિરે જતી વખતે રોજ સવા શેર સુવર્ણના ધન જેટલું દાન કરતાં. એ પુણ્યવંતી સ્ત્રીના દર્શનની રાહ જોઈને યાચકો ઊભા રહેતા. [20] કુમારપાળની મધ્યાહ્નપૂજા ગૂર્જરેશ્વર કુમારપાળ મધ્યાહે પૂજા કરવા નિકળતાં. રોજ ચતુરંગિણી સેના સાથે ઠાઠથી તેઓ નીકળતા. રસ્તામાં સંખ્યાબંધ કરોડપતિઓ જોડાતા. દરેકની સાથે નૈવેદ્ય વગેરેના થાળો ઉપાડતા અનેક નોકરો રહેતા. જે જિનમંદિરે તેઓ પૂજા કરવા જતા તે છશું કરોડ સોનામહોરના વ્યયથી ગૂર્જરેશ્વરે બનાવ્યું હતું તેનું નામ ત્રિભુવનપાળ વિહાર હતું. [221] વાજબાહુ અને મનોરમા રામચંદ્રના પૂર્વજોમાં વાજબાહુ નામના કુમાર થયા હતા. તેમનું મનોરમા નામની રાજકન્યા સાથે લગ્ન થયું. પછી રથમાં બેસીને બાંધેલા છેડે અને બાંધેલા મીંઢળે, ઉદયસુંદર નામના સાળાની સાથે વજબાકુમાર ઘર તરફ વિદાય થયા. રસ્તામાં કોઈ નાની ટેકરી ઉપર ધ્યાનસ્થ મુનિની મુખમુદ્રા જોઈને તેમને મુનિ બનવાની ભાવના જાગી. તેમને સાથે છેવટમાં મનોરમા અને ઉદયસુંદર પણ જોડાયાં. બધાયની દીક્ષાની વાત સાંભળીને તેમના માતાપિતાઓને પણ સંસારથી વૈરાગ્ય થયો. બધાએ દીક્ષા લીધી. [222] ઉદયનમંત્રીની અંતિમ આરાધના મરણતોલ રીતે ઘાયલ થયેલા મંત્રીશ્વર ઉદયનને છેલ્લી પળોમાં કોઈ મુનિવરના દર્શન કરવાની તીવ્ર ભાવના જાગી. કમનસીબે નજદીકમાં કોઈ મુનિ ન હતાં. એટલે વિચક્ષણ મંત્રીઓ એક સૈનિકને મુનિષ પહેરાવીને ઉદયન પાસે લાવ્યા. તેમને સાચા મુનિ માનીને ઉદયને સઘળી આરાધના કરી લીધી. બાદમાં પેલા સૈનિકે વિચાર્યું કે, “જે વેષમાત્રને કારણે ઉદયન જેવા મહામંત્રીએ મને વંદન વગેરે કર્યા તે વેષ કેટલો મહાન ? તેને પહેરનાર હુંય કેટલો મહાન બની ગયો ? હવે શા માટે આ વેષ મૂકવો ?" ના... તેણે વેષ ન જ મૂક્યો. તે સાચો સાધુ બની ગયો. દ્રક્રિયાની પણ કેવી ભાવ જગાડવાની તાકાત !
