________________ જૈન ઇતિહાસની ઝલકો આમ છતાં નિર્લજ્જ ચંડપ્રદ્યોત પાછો ન વળ્યો. મૃગાવતીને મેળવવા માટે તે આકાશપાતાળ એક કરવા લાગ્યો. મૃગાવતી ભારે ચતુરા સ્ત્રી હતી. તેણે ચંડપ્રદ્યોતને જણાવ્યું કે, “તમારી ઈચ્છાને તાબે થવાનું હું વિચારીશ પણ તે પૂર્વે તમે મારા બાળકુમારની ભાવી સુરક્ષા માટે મારા રાજના કિલ્લાને એવો મજબૂત બનાવી આપો કે તે અભેદ્ય બને. તદુપરાંત મારા અનાજના તમામ કોઠારો ભરચક કરી આપો.” કામાંધ ચંડે આ માગણીઓ સ્વીકારી લીધી. કિલ્લાને મજબૂત કરવા માટે ચૌદેય રાજાઓના સૈન્યને કામે લગાડ્યું. અનાજના કોઠારો પણ ભરાવી આપ્યા. - હવે મૃગાવતી પરમાત્મા વીરનું સ્મરણ કરતી મનોમન બોલવા લાગી, “હે વીર ! આપ અહીં પધારો અને મારો ઉદ્ધાર કરો.” ટૂંક સમયમાં જ પ્રભુ-વીર કૌશામ્બીમાં સમવસર્યા. ચંડપ્રદ્યોત પણ દેશના સાંભળવા આવ્યો. દેશના પૂર્ણ થયા બાદ મૃગાવતીએ ઊભા થઈને વીરપ્રભુને વિનંતી કરી કે, “મને દીક્ષા આપો.” પછી ચંડ તરફ વળીને કહ્યું, કે “મારા બાળ-કુમારને સાચવજો. હું પ્રવ્રજ્યા લઉં છું.” બાપડો ચંડપ્રદ્યોત ! શું બોલે ? એનેય છેવટે શરમ નડી ! મૃગાવતીની વાત સ્વીકારી.. મૃગાવતીજી સાધ્વી થયાં. ચંડપ્રદ્યોતની આઠ રાણીઓએ પણ તે વખતે દીક્ષા લીધી. [131] હાલિક ખેડૂત ત્રિલોકગુરુ પરમાત્મા મહાવીરદેવે હાલિક નામના ખેડૂતને પ્રતિબોધવા માટે ગણધર ભગવંત ગૌતમસ્વામીજીને મોકલ્યા. ગુરુ ગૌતમસ્વામીજીની જ્ઞાનધારામાં ભીંજાઈને પાવન થયેલો ખેડૂત સમ્યકત્વ પામ્યો. તેણે દીક્ષા પણ લીધી. તેને વેષ આપવામાં આવ્યો. તેને લઈને ગૌતમસ્વામીજી પ્રભુ પાસે આવવા નીકળ્યા. પરમગુરુ પરમાત્માના ગુણ-વૈભવને સાંભળતાં તેની દર્શન કરવાની ઉત્સુકતા વધવા લાગી. પણ જ્યારે ખરેખર તેણે પરમાત્માનું દર્શન કર્યું ત્યાં જ એ ચીસ પાડી ઊઠીને બોલ્યો, “આ તમારા ગુરુ ! ના. તો મારે દીક્ષા પાળવી જ નથી....... અને તે એકદમ ભાગી છૂટ્યો. ગુરુ ગૌતમસ્વામીજી આ દૃશ્ય જોઈ રહ્યા. પરમાત્માએ કહ્યું, “ગૌતમ ! ભલે એણે સાધુત્વ મૂકી દીધું પણ તે
