________________ 70 જૈન ઇતિહાસની ઝલકો [135] ધંધામાં વૃદ્ધિથી પ્રભુ-ભક્તિમાં ઘટાડો દેવની કૃપા થઈ અને ધંધામાં ભાઈ ખૂબ કમાયો ! જેમ કમાતો ગયો તેમ જિનપૂજાના કલાકો ઘટતા ગયા. ચાર, ત્રણ, બે, એક દેવે સ્વપ્નમાં તેનું કારણ પૂછતાં ભાઈએ સાચું કહી દીધું કે પૈસો વધુ થતાં આમ બન્યું છે. દેવે કહ્યું, “ભલે... હવે ફરી પૂજાના કલાકો વધતા જશે.” બીજા દિવસથી ધંધામાં વધુને વધુ નુકસાન આ બાજુ પૂજાના કલાકોમાં ઉત્તરોત્તર વધારો ! [136] સવા-સોમાની ટૂંક એક વાર સવચંદશેઠનો માલ લઈને આવતાં વહાણો દરિયામાં ડૂબી ગયાની અફવા ફેલાઈ. અને.... તરત જ લેણદારોની લાઈન લાગી. જેટલું અપાય તે તમામ શેઠે લેણદારોને આપી દીધું. તેવામાં એક લાખ રૂપિયાનું લેણું લેવા એક વેપારી આવ્યો. શેઠે અફવાને રદિયો આપ્યો પણ વેપારી કેમેય ન માન્યો. હવે શેઠ પાસે દેવા જેવું કશું રહ્યું ન હતું. તેમણે અશ્રુભરી આંખે અમદાવાદની ધનાસુથારની પોળના મોટા વેપારી સોમચંદ શેઠ ઉપર એક લાખ રૂપિયાની હૂંડી લખી આપી. લેણદાર વેપારી હૂંડી ચૂકવવા અમદાવાદ ગયો. સોમચંદ શેઠે હૂંડી વાંચી. પોતાના ચોપડે સવચંદ શેઠનું ખાતું જ ન હતું. તેઓ એકબીજાને ઓળખતા પણ ન હતા. હવે હૂંડી શે સ્વીકારવી ? એકાએક એમની નજર હૂંડીમાં ઊપસી આવેલા બે ભાગ ઉપર પડી. આંસુનાં પડેલાં ટીપાંથી કાગળ બે ઠેકાણે ઊપસી ગયો છે એવું તેમણે અનુમાન કર્યું. પોતાનો સાધર્મિક આફતમાં જાણીને શેઠે તરત જ એક લાખ રૂપિયા ચૂકવી દીધા. આ બાજુ વહાણો સલામત આવી ગયાં. અવસર થતાં સવચંદ શેઠે લાખ રૂપિયા આપવા અમદાવાદ ગયા. સોમચંદ શેઠે કહ્યું કે તે રૂપિયા લેવાનો પોતાને કોઈ અધિકાર નથી. કેમ કે તેમના ચોપડે સવચંદ શેઠનું કોઈ ખાતું જ બોલતું નથી. પછી રકમ ઉધારવાની તો વાત જ ક્યાં રહી ? બેયની ભારે રકઝક ચાલી. અંતે એ રકમ દ્વારા ભવ્ય જિનાલય બનાવવામાં આવ્યું, જેનું નામ છે; સવા- કેિ સદા ?] સોમાની ટૂંક.
