________________ 50 જૈન ઇતિહાસની ઝલકો સનતમુનિએ સાતસો વર્ષ સુધી જઘન્યથી છઠ્ઠને પારણે છઠ્ઠનો તપ કર્યો હતો. પારણામાં માત્ર ચણાની કાંજી અને બકરીના દૂધની છાશ જ લેતા. કારમો દાહ, આખા શરીરે ભયંકર ખંજવાળ, આંખમાં તીવ્ર શૂળ, પેટમાં અસહ્ય વેદના, ભયંકર કોટિનો દમ વગેરે ચોવીસેય કલાક રહેતાં હતાં. [102] બ્રહ્મદત્ત ચક્રવર્તી જયારે 700 વર્ષ આયુષ્યવાળા ચક્રી બ્રહ્મદત્ત તેના આયુષ્યનાં સોળ વર્ષ બાકી હતાં ત્યારે વૈરભાવથી કોઈ બ્રાહ્મણે, ગોફણબાજ દ્વારા તેની બન્ને આંખો ફોડાવી નાખી હતી. આથી બ્રહ્મદત્ત અતિશય ક્રોધાંધ બની ગયો હતો. તેણે તે બ્રાહ્મણને કુટુંબસહિત ક્રૂરતાપૂર્વક મારી નંખાવ્યો હતો. બીજા પણ અનેક બ્રાહ્મણોની હત્યા કરાવી નાખી હતી. તેણે રોજ સેંકડો બ્રાહ્મણોની બન્ને આંખો ફોડી નાખીને, થાળમાં ભરીને પોતાની પાસે હાજર કરવાની મંત્રીગણને આજ્ઞા કરી હતી. નિર્દોષ બ્રાહ્મણોને આ રીતે સજા કરવાનું ઉચિત ન લાગતાં મંત્રીઓએ ગૂંદાના ચીકણા ઠળિયાઓનો થાળ ભરીને રોજ રાજા પાસે મૂકવાનું શરૂ કર્યું. એ ઠળિયાને આંખ સમજીને ખૂબ રાજીપા સાથે બ્રહ્મદત્ત સોળ વર્ષ સુધી સતત અતિ ચીકણા કર્મ બાંધતો જ રહ્યો. એ કલ્પેલી આંખો ચોળતાં એને જે આનંદ થતો હતો એ આનંદ એને સ્ત્રીરતના સંગમાં પણ આવતો ન હતો. આ રીતે રૌદ્રધ્યાનમાં મરીને તે સાતમી નરકમાં ચાલ્યો ગયો. [103] મહેશ્વરદત્ત અને સંસારની વિચિત્રતાઓ. કુટુંબનો નાસ્તિક પિતા મરીને એ જ નગરનો પાડો થયો. માતા મરીને એ જ શેરીની કૂતરી થઈ. સાસુ અને સસરાની વિદાયથી પુત્રવધૂ ગાંગલી નિરંકુશ બની. જે તે પુરુષોનો સંગ માણતી રહી. પણ એક દિવસ એના પતિ મહેશ્વરદત્તે એને પરપુરુષ સાથે સ્નેહ કરતી જોઈ. એ ખૂબ ઉશ્કેરાઈ ગયો. પેલા પુરુષ ઉપર છૂટો તલવાર ઘા કર્યો. એ ઘા જીવલેણ નીવડ્યો. એ પરુષ મૃત્યુ પામ્યો. એનો આત્મા, એના જ વીર્યમાં ગાંગલીના ગર્ભ તરીકે આવ્યો. એનો જન્મ થતાં મહેશ્વરદત્તને ભારે આનંદ થયો. પોતે જ તે બાળકનો પિતા છે એ કલ્પનાથી એ બાળ ઉપર અતિશય સ્નેહ દાખવવા લાગ્યો. એક વાર બાળકને ખોળામાં બેસાડીને તે પિતાના મૃત્યુદિને પાડો મારીને તેનું માંસ ખાઈ રહ્યો હતો. બાળકને પણ તે માંસ ખવડાવતો હતો અને
