Book Title: Chaupannamahapurischariyam
Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad
View full book text ________________
[ ४२ मुणिसुव्वयसामिचरियं ]
:::::: मलिसामिणो चउप्पण्णलक्खेहि समइक्वन्तेहि वासाणं तओ मुणिसुब्वयसामी तीसवाससहस्साऊ वीसइधणसुओ य समुप्पण्णो । कहं ? भण्णति
भुवणोयरम्मि वियडे भुवणभुद्धरणजायववसाया। उप्पज्जंति सई चिय ते जेहिं जयं महग्यवियं ॥१॥
अत्थि भारहे वासे रायगिहं णाम णयरं सुविहत्ततिय-चउक्क-चच्चरं कंचणभवणरयणोवसोहियं संचरन्तरविलासिणीरमणिज्जं विलसन्तमणहरर्जुयाणजणगणाहिराम धुन्चन्तधयवडाँडोवचारुचामीयरदेवउलमालालंकियं सव्वायारकुलहरं, धम्मस्स आवासो, रइदइयरइहरं, णिहीणं अक्खओ णिहि त्ति । तत्थ य विणिज्जियासेसपडिवक्खो सयलपयाणं पणईण य मित्तो सुमित्तो णाम गरवई । तस्स य वियसियपउमाणणा पउमावती अग्गमहिसी । तीए सद्धिं राइणो विसयसुहमणुहवन्तस्स बच्चन्ति दियहा, सरइ कालो । अण्णया य
गुरुसजलजलहरोरुद्धसरकरणिकरसमयरयणिम्मि । अणवरयथोरधारामुहलियबप्पीहयसयम्मि ॥२॥ कसणघणभासुरोरल्लिपसरियासेसबहिरियदिसम्मि । विज्जुज्जोउज्जोइयकाणण-महि-महिहर-णहम्मि ॥ ३॥ खणविज्जुपदीवपणबहलपुणरुत्तमिलियतिमिरम्मि । मियलोय(?) संपुडुग्घाडणाहि णिचं रमंतम्मि ॥४॥ इय एरिसम्मि काले सावणमासन्तपोष्णिमतिहीए । सवणम्मि य णक्खत्ते पेच्छइ पउमावती सुमिणे ॥५॥
तओ कमेण पेच्छिऊण चोइस वि महामुमिणे पउमावती विउद्धा । साहिया य पहढवयणाए महारायस्स । तेण वि य समाणंदिया पुत्तजम्मेणं ति। भणिया य-सुंदरि! भविस्सति ते पुत्तो तेलोक्कचूडामणिभूओ सयलणरा-ऽमरकिरीडमणिमसिणियपायवीढो। तेण य वयणेण आणंदिया पउमावती अहिययरं परिओसमुवगया। तीए चेव रयणीए पाणयाओ विमाणाओ बद्धतित्थयरणामकम्मोदओ देवो चइऊण पउमावईए गम्भम्मि उववण्णो'। वढिओ य कमेणं गब्भो ।
तओ णवण्हं मासाणं अट्ठमाणं राइंदियाणं [ समइकंताणं] जेस्स बहुलट्ठमीए सवणणक्खत्ते सुहंसुहेणं पस्या पउमावती। जाओ य णिरुवमपियंगुसरीरो दारओ । कओ य सुरिंदेण जम्माहिसेओ । 'गब्भत्थेण भगवया मुणि ब्व जणणी सोहणवया संजाय' त्ति काऊण भगवओ मुणिसुव्वओ ति णामं कयं । वढिओ य कमेणं कयदारपरिग्गहो अच्छिउमाढत्तो।
तओ पालिऊण रजं मुणियसंसारसहावो जेहबहुलणवमीए कयसामण्णो विहरिऊण(१ रिओ) महियलं । रायगिहबाहिरु जाणचंपगहेहियस्स समुप्पणं दिव्वं गाणं वइसाहबहुलट्ठमीए । __ तयणतरं च उप्पण्णदिव्यणाणो बोहेंतो भवियकमलायरे धम्म वागरमाणो गओ भरुयच्छं णयरं । विरइयं देवेहि समोसरणं पुव्वुत्तरे दिसाभाए । उवविठ्ठो तम्मज्झयारम्मि देवविरइयसीहासणे भुवणगुरू । साहेइ जहट्ठिए जीवादिए पयत्थे । एत्थन्तरम्मि समागओ णयराहिवती जियसत्तू नाम राया । सो य वंदिऊण भयवन्तं उवविट्ठो चलणतिए। ___ ताव य गणहरेण पुच्छियं-भयवं ! सुर-गर-तिरियगणपडहत्थम्मि समोसरणे एयम्मि किंपरिमाणेहिं भवियजणेहि अब्भुवगयं सम्मत्तं ? ति, परित्तीको संसारो?, भायणीकओ अप्पा जहुत्तरसुहाणं ? । भयवया भणियं-ण केणइ अउव्वेणं अस्सरयणमेगं मोत्तूणं ति ।
१ वरमणिर जे । २ जुवाण जे । ३ डाडोव चारु जे । ४ सयय सू । ५ मिलियलोय सू । ६ संपणुग्घाडणाहिजे। ७ णिच्चि सु। ८ सुइणे जे । ९ णो । तओ णवण्हं सू ।
Jain Education International
For Private & Personal Use Only
www.jainelibrary.org
Loading... Page Navigation 1 ... 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 