Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 400

५१ वक्षमाणसामिपरि । अञ्चन्तसुंदरदामसोहसंपण्णमणहरायारो । मउडमणिकिरणणियरप्पहासमुज्जोइयदियंतो ॥ ५७९ ॥ सवणमणिकुंडलज्जलपरिमंडियगंडवासपेरन्तो । वच्छत्यलरंखोलन्तहार-हारावलिसणाहो ॥ ५८० ॥ भुयदंडघडियमणिमयकेऊरुज्जोयरुइरभुयसिहरो । कणयकडउम्मडविडिमसोहरेहंतकर चलो ॥ ५८१ ॥ कणयकडिमुत्तयाबद्धलग्गकलरणझणंतरसणिल्लो । सुरतरुपस्यमालामिलंतमसलालिवलइल्लो ।। ५८२ ॥ गइवसपहल्लदेवंगपल्लवुव्वेल्लमाणराहिल्लो । कर-चरणणहमऊहोहमिण्णरविकिरणपन्भारो ॥ ५८३ ॥ इय णियदेहाहरणप्पहापरिक्खेवजणियपरिवेसो । रविबिंबविन्भमो बंदणत्यमाओ सुरो एको ॥ ५८४ ॥ एवं च सविम्हय-विलासं दीसमाणो सयलाए परिसाए वंदिउं पयत्तो, कहं ?जय जयाहि तवणिज्जसमुज्जलदेहया !, मोहपसररयपडलपणोल्लणमेहया! जम्म-मरण-जर-वाहिविणासणवेज्जया !, मुगतिमग्गगमणुजयजंतुसहज्जया ॥ ५८५॥ णहमणिकेसरसोहए, ललियंगुलिदलराहए । भवियजणुब्भडभसलए, णमिमो तुह पयकमलए ॥ ५८६ ॥
एवं च अणेयप्पयारं वंदिऊण जयगुरूं, सरसगोसीसचंदणरसच्छडासणाहं धरणिमंडलं काऊण णिसण्णो जहामिरइए पएसे । णरवइणा य कयचित्तसम्मोहेण केरिसो दीसिउं पयत्तो ?
कर-चलणसडियरुहिरोहर्णितदुग्गंधपूयपन्भारो । कर-चरणरणफुट्टन्तवणमुहुटुंतरसियालो ।। ५८७ ॥ णिबुडडुष्णयगरुयग्गगहिरदीसन्तणासियाविवरो । परिस डियपम्हपडलारुणप्पडुम्मिल्लणयणजुओ ॥ ५८८ ॥ पवणवमुच्छलियपयल्लबहलदुग्गंधपरिमलुप्पीलो । करपोचलवारियसभेयरुच्छलियमच्छिगणो ॥५८९ ॥ इय खामत्तणदुल्लक्खवयणविण्णासगग्गिरालाको । दिद्विवहे ठाइ गराहिवस्स कुट्ठी मुरो होउं ॥ ५९०॥
तओ तं तहाविहमुव्वेयणिज्जरूवं पेच्छिऊण णराहिवेण चिंतियं-केण पुण इमस्स कुविणो इह पवेसो दिग्णो, ण केवलं पवेसमेत्तेण एयस्स परिओसो, पुणो आसण्णविणितदुग्गंधवाहेण उव्वेवयंतो सेयलं पि परिसं भगवओ अचासायणं करेइ, ता उट्टियाए परिसाए अवस्सं एसो मए णिग्गहेयव्यो ।
एत्यंतरम्मि छीयं पत्थिवेण । कोटिएण भणियं-जीवमु चि । ठिया मुहुत्तरं । अभयकुमारेण छिकिरण भणियं-जीवाहि वा मराहि वा। कालसोयरिएण छीए भणियं-मा जीव मा मर ति । गया काइ वेला । पुणो वि नयगुरुणा छिक्कियं । इयरेण भणियं-मरसु ति । तं च सोऊण राइणो समुल्लसिओ मणम्मि कोवाणलो । लक्खिओ भावो राइणो जयगुरुणा, भणिओ य जहा-भो देवाणुप्पिया ! मा एवं वियप्पेसु जहा 'एस कुटी', देवो हु एसो, अजं चेव दुरंके विमाणे समुप्पण्णो । राइणा भणियं-कहं चिय ? । भयवया भणियं-सुव्बउ,
अत्थि इह मज्झदेसमायम्मि बहुविविहपासायमालालंकियं मणहरतिय-चउक-चचरोववेयं वसंतपुरं णाम जयरं। बत्थ णिसियनिक्कड्ढियासिणिद्दलियदरियारिमंडलो अजायसत्तू णाम गरवती । तर्हि च जण्णयत्तो नाम बंमणो । जण्णसिरी से भारिया । सो य आजम्माओ चिय अईवदरिदोवद्दवाभिभूओ पइदिणं परसंपाइयपाणवित्ती कालं गमेइ । .. तस्स य अण्णया आवण्णसत्ता भारिया संजाया । समइच्छिओ तीए वेलामासो । भणिओ य तीए णिययदइओ एवं जहा-भो बंभण ! मह आसण्णो पसइकालो, ण य गेहे दिणमेस्स विघय-तंदुलाइयमंत्यि, ता कीस णिधितो चिट्ठसि ?। इयरेण भणियं-ण य मह विजा, ण विष्णाणं, ण पोरुसं, ण य कम्मम्मि वि कायन्वे सामस्थं, ता तुमं चेव उवएस पयच्छ, किमहं करेमि ? ति । तीए भणियं-गच्छ पत्थिवं पत्थेसु । गो सो मैजिउं कुसुम-दुवं-उंकुराइहत्यो। राया वि तदिवसं पञ्चंतियस्सोवरिं महया अक्खेवेण पयट्टो । दिवो य बंभणेणं सियकुसुम-दुव्वं-कुरादिहत्येणं । राइणा
जुयलो जे । २ याबंधल' सू । ३ भाभो =आयातः । ४ 'चलग जे । ५ समच्छर जे । । समग्गं जे । . यकडिया सू। ८ अइदरिसू। ९ तसं वि जे । १० मज्जिऊण जे।