Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 412

५४ वद्धमाणसामिपरियं । धुव्वन्तपवलधयवडवलम्गचलकणिरकिंकिणिकलावं । सुपसत्यपंचवण्णुच्छलन्तचिंधुन्मडाडीवं ॥७१३ ॥ इय तं सध्वत्तो चिय णिविश्वविसिटकुसुमदामिल्लं । ----मयचुण्णुल्लसंवरंगावलिसणाहं ॥ ७१४ ॥
एयारिसं च हिम्मविऊण रायमगं णिवेइयं णिओइएहि परवइणो । तओ राया णिसामिऊण ताण वयणं णिध्वत्तियसुरहिसलिलमज्जणोक्यारो पिणद्धसियसिचयचारुजुयलो विलित्तसियचंदणुहामभूसियसरीरो सियमुत्तावलिकलावरखोलन्तवच्छत्थलो सियकुसुमदावा(मा)वलंबियकंठवासो सियचमरचयालंकियसियतुरयमारुहेऊण उपरि--(धरि) जंतसियायवचो णिग्गंतुं पयत्तो । पयर्ट च मुरविलयासमाणमखिलमंतेउर, तहा सयलसामंताइणरवइबलं ति । तओ पडपडहपडिरवुल्लसन्तघणगज्जियरवो सियचिंधावलिपसरियप(बलायमाणो विविहमणिमउडकिरणुलसंततियसचावो वियडकरिकरडकोडरोवडन्तमयसलिलधारो वारिहरो व्व पयट्टो दसण्णभदराया। तो ऊसियसियधयमालाउलं रायमग्गपरिट्ठियतोरणबझनवंदणमालं पडिय(प)यहरियगोमओवलित्तसंठवियवंदणकलसं समुहणिमियसहयारपल्लवसणाहाऽऽपुण्णकुंभं अबहोवाससंगलंतदंसनमुयं(य)बहुपुरजणं वज्जंतगंभीरसंखजणियकोलाहलं पयपयलम्बमाणपउरपेच्छणयं धुइमुहलबंदिवंद्रुच्छलन्तजयजयारवं मुइमुहयमंगलुम्गीयसणाहसंगलंतविलयायणं पयर्ट राइणो पहाणपरियणं ति। संपत्तो समोसरणभूमि । बंदिओ भयवं तिपयाहिणं काऊण । एत्यावसरम्मि य तं तारिसं तस्स महिड्ढिवंदणुप्पण्णाहिमाणगव्वं मुणिऊण पुरंदरेण तस्स संबोहणत्यं विउरुब्धियमंभोमयं विमाणं, केरिसं च ?
मुविचित्तविमलफलिहच्छसलिलपेरंतवियडसंभोयं । उइंतहंस-सारसणिलिन्तकयकलरवसणाहं ॥७१५॥ आसण्णविणिम्मियपवरमुरतरुव्वेल्लकुसुमराहिल्लं । सललियलयाहरोवडियकुसुममयरंदपिंजरियं ॥ ७१६ ॥ मरगयमणिमयणलिणीविसष्टवरकणयकयस(कमलकय सोहं । [-]सइंदणीलकुवलयदलुज्जलुव्वेल्लकंतिचयं ॥७१७॥ इय णिम्मियबहुविहकयविसेसविच्छिचिवड्ढियच्छायं । समुवस्थियं च पुरओ जलकंतविमाणवररयणं ॥७१८॥ णवरि य किंकरकरपहयवज्जियाउज्जवहिरियदियंतं । बहुवणंसुयपवणुल्लसंतचिंधावलिकलावं ।। ७१९ ॥ सव्वत्तो चिय मणिमयविमाणसंघट्टभरियणहविवरं । सुरगणसंचरणसमुल्लसन्तमणिमउडकरजालं ॥ ७२० ।। सुरवारविलयकरकलियचारुचमरावलीजणियसोहं । मारुयपहम्मिरुव्वेल्लकणिरकरकिकिणिसणाहं ॥ ७२१ ॥ दूरुग्गयमरगयणाण(णील)कणयकमलेकणिमियपयभारं। मयणिन्भरगंडस्थलगलंतदाणंबुराहिल्लं ॥ ७२२ ॥ संपाइयमणि[....]मासणाह णिज्यि(ब)डि५ दीहरदढग्गं । उव्वहमाणं रुंद(?दु)ड्ढदन्तमुसलं सुरकरिंदं ॥ ७२३ ॥ आरूढो पढमारूढतियसमुंदरिपरिट्ठियालम्बो । सुरणाहो जयगुरुवंदणत्थकयभत्ति-बहुमाणो ॥ ७२४ ॥ इय विविहवजवजंतबंदिसदुल्लसंतदिसियको । आगच्छइ जलकंतप्पहाविहावी तियसणाहो ॥७२५॥
तओ दिसिदिसिपयत्ततियसतरुणियणपयत्तपउरपेच्छणयपन्भारो सुरजणकयजयजयासद्दमंगलमुहलो ओइण्णो मणुयलोयं सुराहियो। केरिसं च समोसरणसंसियसुर-णरेहि पलोइयं जलकंतविमाणं
सवदिसामु वि फलिहासमुल्लसंतोरुपोक्खरिणिराहं । धोइंदणीलणलिणीविणितवरकणयकमलोहं ॥ ७२६॥ एकेकयम्मि कमलम्मि जणियणवणट्टरसगुणसणाहं । तिहुयणविम्हयजणयं पेच्छणयं तियसविलयाहि ।। ७२७ ॥ पेच्छणए एककम्मि तियसणाहाणुरूववरविहवो । सुरवइसमाणणेवच्छ[ ........]धारी य वरतियसो॥७२८॥ एकेकस्स य तियसस्स पवरविहवोवहोयसंजुत्ता। तियसवइणो ब्व परिसा विहाइ अञ्चंतगुणकलिया॥७२९॥ इय अप्पणो वि तियसाहिवस्स दट्टण तं वरविमाणं । जाओ मणम्मि अञ्चन्तविम्हओ रम्मयाए खणं ॥ ७३०॥
तं च दळूण विमाणं समवसरणसंठिएहिं सुर-णरेहिं 'किमेस सुरलोओ सयं चेव समवया(य)रिओ भत्ति-बहुमाणओ उयाउ इंदयालं?' ति भणमाणे चेव सुरवई तिपयाहिणं काउं पयत्तो । कह ?
Jain Education Internation