Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 414

५४ वद्धमाणसामिचरियं ।
३३१ एवं च भावयन्तस्स समुल्लसिओ परिणामो-जइ वि अहमेइणा सुराहिवेण रिद्धीए णिज्जिओ तहा वि णियसत्तीपहावत्तणो सामण्णग्गहणेण पराजिणिऊण एवं सफलपइण्णो भवामि, अण्णं च-जो णियभणियं पि ण पालइ सो हु 'अलियजंपिरो' ति कलिऊण परिहरिजइ बुहयणेण, परिसेसिज्जइ मित्तवग्गेण, णायरिजइ बंधुलोएणं, अवमण्णिजइ साहुपरिसाए । ति चिंतिऊण ओयारियमउड-कडयाइआहरणो पंचमुढिकयलोओ गणहराहेंतो गहियसमणलिंगो पेच्छमाणस्स सुराहिवइणो णिवडिओ जयगुरुणो [ ? काऊण ] तिपयाहिणं चलणजुयले । तं च तहाविहं अच्चतुत्तिमसत्तित्तणओ गहियसमणलिंगं दट्टण सुरवइणा भणिओ दसण्णभद्दो राया-साहु साहु भो महाराय !, उचिओ ते विवेओ, अचिन्ता भवओ भत्ती, अलंघणियमण्णेहिं पोरुसं, णिव्याहियं णिययजंपियं, पूरिया पइण्णा, किं बहुणा ? पराजिओ अहं । ति • भणमाणो णिवडिओ चलणेसुं । गओ सुराहियो सट्टाणं । दसण्णभद्दरिसी वि जहासत्तीए समुज्जओ संजमे ति।
इति वद्धमाणसामिचरिए दसण्णभद्दणिक्खमणं णाम परिसमत्तं [२५] ॥
तो भयवं जयणाहो तप्पएसाओ पतिदिणं बोहयंतो भवियकमलायरे पत्तो कुंडग्गामं । तत्थ वि पुव्वक्कमेणेव तियसा-ऽसुरकयसमोसरणविहाणो णिसण्णो सीहासणे भयवं । पत्थुया देसणा। सिट्ठो अभयप्पयाणमूलो अलियविरइप्पहाणो परधणपरिवज्जणरुई सुर-गर-तिरिक्खमेहुणपरम्मुहो आकिंचणगुणगारवग्यविओ जइधम्मो, तहा पंचाणुव्वयाइयो गुणव्वयतियल्लयालंकिओ चत्तारिसिक्खावयसमेओ सावयधम्मो । तं च सोऊण संबुद्धा बहवे पाणिणो, के वि गहियसामण्णा, अण्णे पवण्णदंसणा जाय त्ति। ___ अण्णम्मि दिणे णियदइयासमणियं संबोहिऊण जमालिणाम जामाउयं, दाऊण तेसिं पव्वज, अण्णं च बहुबंधुवग्गं गहियसमणलिंग काऊण, जहक्कम तयंतियाओ विहरमाणो पत्तो पोयणं णाम णयरं । तहिं च वीर-सिव-खंडभद्दप्पमुहा बहवे गरिंदा दिक्खं गाहिऊण संपत्तो कुणालाहिहाणं णयरिं । तत्थ वि सुरविरइयसमोसरणविहिणा भयवया (पत्थुया]मु धम्मदेसणासु कहंतरं जाणिऊण जणसंबोहणत्थं पुच्छिओ गोयमगणहारिणा भयवं जहा-'एसा कुणालणयरी मुणिसावेणं जलेण पूरिइ' ति सुव्वइ, ता सीसउ कहमेयं संविहाणयं ?। भयवया भणियं-"णिसामिजउ देवाणुप्पिया!, ___ इह अण्णया समासण्णे पाउससमए करिसण-कटुयणामाणो दोण्णि मुणी इमं पुरि समइच्छिया वासारत्तमइवाहिउं । दो वि संठिया गयरणिज्झरुदेसे वसई काउं । 'एत्थ ट्ठियाणं च मा अम्हाणं सलिलोवद्दवो भविस्सइ' ति परिचिंतिऊण, 'बाहि चेय णयरीए सलिलवासेण पओयणं, ण उणऽभितरम्मि' [त्ति] परियप्पणाए थंभियं णयरीए अभितरम्मि वासं । अणुमणियं च ताण अहासणिहियदेवयाए । एवं जंति दियहा । जाव णयरीए बाहिं वासमाणम्मि पुण जणो भणिउं पयत्तो-कीस पुण एसा पुरवरी वारिहरेहि परिहरिया ?, गुणमेयाए कोइ महापावयम्मकारी परिवसइ, कहमण्णहा णयरीए मज्झे ण बाहिरा(वारिहरा) मुयंति सलिलं ? । एत्थावसरम्मि य भणियमेक्केण दियाइणा-इमे एत्थ पयरणिज्झरदुवारे जे सेयंबररिसिणो परिवसंति ते जइणयरीओ णिद्धारि(डि )जन्ति ता णयरीए णिवडइ सलिलं ति । एवं भणिए दियाइणा समागओ सयलो वि पुरजणो, लेड्ड(ठु )यप्पहाराइणा उवद्दवेणं उवसग्ग काउमाढत्तो। तो तेणोवद्दवेणं ददं वेविजमाणा अन्तोवियम्भिउद्दामकोवप्पसरा णीसरिउं पयत्ता। णिग्गच्छंतेहिं भणियं
वर्ष देव ! कुणालायां, दिनानि दश पञ्च च । धाराभिर्मुशलमात्राभिर्यथा रात्रौ तथा दिवा ॥ ७५१॥ एवं च भणियमेत्ताणंतरा सण्णि हियदेवयाए तह च्चेय संपाडियं, कह ?णवरि य सजल[ घण घणुद्दामघडतोरुगजियारावं । फुडइ व्व फुडिय[ ? तियस] णरहिययदढबंधणं गयणं ॥७५२।।