Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 415

३३२
चउप्पन्नमहापुरिसचरियं । सजलघणमारुयाइददिम्मुहुट्टन्तणीसणा यति । असमंजसवासपवत्तथोरधारा घणुग्याया॥७५३ ॥ अणवरयतरलविप्फुरियभासुरोरसिरवढियच्छायं । जलइव विज्जुपुंजुज्जलंतजालाहयं भुवणं ॥७५४ ॥ अविरयपडंतथिरथोरदीधाराणिवायजजरियं । दलइ व्व दलियपंथियघरासपासं धरणिवठं ॥ ७५५ ।। तव्वेलुप्पण्णरसन्तपसरियाऽऽसा वणम्मि सालूरा । वच्चंति णिभरासारधारपहराहया मुच्छं ॥७५६॥ कमलसरेसु पयड्ढन्तसलिलपरिसडियदलउडाहोयं । बुड्डइ दरखुड्डुड्डीणभसलवलयं कमलगहणं ।। ७५७ ॥ जूरइ धारासंपायपहयदरलक्खकलियकेसरयं । वासाजलोल्लविलुलियकलावभारं सिहंडिउलं ।। ७५८ ॥ इय णिभरपसरियजलणिवायखणभरियमहियलाहोयं । जाया रुंभंतपवेस-णिम्गमा सा पुरी सहसा ।। ७५९ ।।
एवं च अविहावियणिण्णुण्णयधरणियलं पयत्तं गरुयवासं। खणमेनेणं चेव सा पुरवरी सजणा सगो-माहिसऽका सपासायमाला अईसणीहूया। ते वि मुणिणो तत्कालकयतिव्यकसायाणुहावओ कालमासे कालं काऊण अहोसत्तमीए गरयपुढवीए णारयत्तणेण समुप्पण्ण त्ति।
ता कोहो णाम अपडियारो सत्तू, अणोसहो वाही, अगिंधणो जलणो, अकारणो मच्चु त्ति । जेण पेच्छरुट्ठो पढमं हिययंतरुमडुल्लसियतिव्यसंतायो । अप्पाणं चिय णिड्डहइ रोद्दझाणोवगयचित्तो॥७६० ॥ कम्मं रोइज्माणाहि बंधए तं च णिरयगइहेउं । णिरयदुइभीरुणा कोहवेरिणो तेण भेयध्वं ।। ७६१ ॥ उप्पण्णो चिय कोहो सहसा णियआसयं विणिड्डहइ । अणडड्ढारणिकट्ठो जलणो किं डहइ दारुचयं ? ॥ ७६२ ।। अक्कोसतालणुज्जयजणम्मि णियेजीयसंसए वि दढं । धम्मभंसणभीरू खमन्ति तेणेह महरिसिणो ॥ ७६३ ।। अण्णाणी कोहटा कट्टमहोगमणमिच्छणो(गो) होइ । इय कारुण्णं वच्चंति कोहगहियम्मि महरिसिणो ॥७६४ ॥ 'मज्झ कए एस ददं कुद्धो अज्जिणइ कम्ममसुहं' ति । णिययावराहभीय च तेण लज्जंति महरिसिणो ॥७६५ ॥ 'अवयारी किर वेरि' त्ति होइ एकम्मि चेय सो जम्मे । कोहो उण होइ दढं दोसु वि जम्मेसु अवय जह कोहो तह अण्णे वि वेरिणो होन्ति दुजयकसाया। जेयव्या ते जइणा णियएण विवक्खचक्केणं ॥ ७६७ ।। अविणिज्जिया पमायाहि ते समं वड्ढिऊण दढमुवरि । अवयारकारिणो होन्ति णिहया वेरिणियर च ॥ ७६८॥ जं संजमुज्जमावज्जियं चरित्तं बहूर्हि वासेहिं । तं तूलं व खणेणं कोहो निड्डहइ जलणो व्य ।। ७६९ ॥ संसारवत्तिमन्तो गुण कसाया कसंति जंतुगणं । अंधीकुणंति सव्वं गय व्च पवियंभियवियारा ॥७७० ॥ अवहरिऊण सरूवं एते पररूवधारिणं काउं । ऐति समुम्मग्गेणं मंत व्व परव्यसं जणिउं ।। ७७१॥ 'हेटाहुत्तं वच्चइ कसायसहिओ, तँए विणा उड्डं' । इय मुणिऊणं उभंति तेण वीरा कसायचयं ।। ७७२ ॥
इय णिरयणिवायं कोहदोसेण ताणं, विहलगयमुयारं संजमुज्जोयजोयं । णरयपडणभीरू बुद्धिमं भाविऊणं, पैइदिणमिह कुज्जा कोहवायाणभंग ।। ७७३ ।।
इति वद्धमाणसामिचरिए कुणालावखाणं [२६] ॥
१ दृश्यतां ६८८ गाथानन्तरवर्तिगद्यपाठस्थितहस्त चिहोपरिवर्तिनी टिप्पणी। २ दललस। ३ णिययासमं स। ४ भणदबढक रणिकठोस । ५ 'यपाणसं' सू। ६ ण ते उरि सू। ७ तयं जे । ८ पतितिण जे । १ इय जे । १. खाणयं जे।