Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 417

३३४
चउप्पन्नमहापुरिसचरियं । इय काऊण पयाहिणं, तिक्खुत्तं भत्तियाए तियसणाहया । जंति पुणो वि सठाणयं जिणगुणवण्णणपरा पयत्तएण ॥७८९॥ ___ एवं सुरगणपहासमुज्जयं तम्मि दिणे सयलं महिमंडलं दट्टैण तह चेय कीरमाणे जणवएण 'दीवोसवो' त्ति पसिद्धि गओ।
[वद्धमाणसामिणिब्वाणं २७]
इओ य सो गोयमसामी संबोहेऊण तं देवसम्मदियवरं दाऊण समणलिंगं समागच्छमाणो जणरवाओ सोऊण भयवओ णेवाणगमणमहिमं चिंतिउं पयत्तो जहा-"पेच्छे, कह भयवया मुणिऊण 'आसण्णो अत्तणो णेन्वाणगमणसमओ' त्ति अणाइक्खमाणेणाहं देवसम्मववएसेण पेसिओ ? । ता पेच्छ, णवरि देवसम्मस्सोवैरिं करुणा समुप्पण्णा, ण उण चिरपरिचिए भत्ते गुणाणुरत्ते अणण्णसरणे ममम्मि, जेण अणवेक्खिऊण चिरपरिचियत्तणं, अवमण्णेऊण अञ्चन्तभत्ति, अवहीरिऊण गुणगणाणुराइत्तणं, अणब्भुवगमेऊण अणण्णसरणयं, अदिट्टपुव्वो व्व अचिरपरिचिओ व्च अइणिक्करुणो व्व एगागिणं अणाहं असरणं उज्झिऊण एगागी चेव संपत्तो परमपयं ति । मह पुण पेच्छ विवरीयसरूवया तणुणो, जो असणेहम्मि सिणेहया, अवच्छलम्मि वच्छल्लया, अणुवरोहम्मि वि सोवरोहया जयगुरुम्मि, जेणऽज्ज वि तण्णेहणिवंधणं दढं संतप्पति हिंयवयं । सिणेहो हि णाम अरज्जुओ बंधणविसेसो, अणियलो गोत्तिणिवासो, अखीलिओ हडिप्पवेसो, अदारुओ पंजरबंधो, जेण सविवेइणो वि णिविवेया, समत्था वि सामत्थरहिया, पंडिया वि मुक्खा होऊणं जंतुणो मुझंति णिययकज्जे, चुकंति कुसलकायव्वम्मि ति ।
अहवा सुपसिद्धमिणं जणम्मि विवरम्मुहे बलग्गंतं । हे हियय ! मुहातम्मिर ! चुकसि दोण्हं पि लोयाणं ॥७९०॥ 'जो कुणइ सिणेहो तस्स कीरए' गिज्जए पसिद्धमिणं । सुण्णे उलम्मि दीवयदाणं भण किं गुणं लहइ ? ॥७९१॥
इय डज्झसि डज्झसु, कढसि कढसु, अह फुडसि फुडसु सयराहं । तह वि पेरिसेसियं तं .सि हियय ! तेलोकणाहेण" ॥ ७९२ ।।
तओ गोयमसामी हिययंतरुल्लसंततावाणलो पुणो चिंतिउं पयत्तो-पेच्छंह, जयगुरुणा मह भत्ताणुवत्तित्तणमणवेक्खियं तहाऽवस्समणेणावि समं सिणेहो ण कीरइ इह जम्मंतरे वि, कह ?
णेहो चिय जायइ दढणिबंधणं जंतुणो बुहस्सावि । सविवेइणो वि कुसलुज्जमम्मि दढविग्घहेउ त्ति ॥ ७९३॥ णेहणिमित्तं चिय होइ जंतुणो जणियकम्मणियरस्स । उप्पत्ती णिरयाइसु गतीसु गुरुदुखैनियरासु ॥ ७९४ ॥ रायाहिंतो जायइ हो सव्वत्थ जंतुणो धणियं । जो हो सो राओ, जो राओ तत्थ दोसो वि ॥ ७९५ ॥ ते दो वि राय-दोसा संसारावडणकारणं जेण । अणिवारियसामत्था भणिया समुरासुरगुरूहि ॥ ७९६ ।।
अहवा 'दोसाहिन्तो राओ च्चिय गुरुयरो' त्ति पडिहाइ । जेण पउत्तो गुरुणो वि होइ पडिबंधहेउ ति ॥ ७९७ ॥ ता जह मज्झं जाओ जयणाहो उवरि णिग्गय सिणेहो । अहयं पि तह चिय भयवओ वि जाओ म्हि णिण्णेहो ॥७९८॥ ..
मुज्जोय जे । २ च्छ, भय सू । ३ वरि करुणया सू । ४ अवमण्णिऊण सू। ५ हिययं जे । ६ सकीलिओ जे । ७ वा सुन्वउ सुपसिद्ध जे । ८ विलग्गंतो सू । ९परिसेसिओ सू । १० पेच्छा सू। ११ क्खणिरयासु सू। १२ गुरुतरोऽम्ह पंजे।