Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 399

३१६
घउपचमहापुरिसचरियं । इह अप्पमाइणो होति सयलसंचिंतियत्यविस्थारा । सविसयगुणसंपत्तीओ अप्पमाया हि जायंति ॥ ५६६ ॥ लोए वि वणियं अप्पमाइणो होइ अत्थसंसिद्धी । किं पुण जइणो पढमं जं अंगं धम्मसिद्धीए ॥५६७ ॥ नइणो संजमजोयम्मि अप्पमाउज्जयस्स जइ कह वि । जाएज जीवघाओ तह वि अहिंसा मुणेयन्वा ॥ ५६८ ॥ मज्जाइएस एएमु जो जई मैयपमायठाणेसु । जाएज अप्पमाई तमिदियत्था ण लंघन्ति ।। ५६९ ।। इय मुणिउं एयं जइजणेण धम्मुजमुज्जएण दढं । सव्वायरेण जत्तो मणप्पमायम्मि कायव्यो ॥ ५७० ॥
एत्थावसरम्मि य सेणिएण भणियं-भयवं! अणहिंदियसामग्गिसंपण्णस्स मुणिणो वि पमाओ साहीणो चेव, जो मंतुणो पवणुव्वेल्लधयचंचलं चित्तं, विसयाहुत्तं पत्थिया दुद्धरा सयलिंदियासा, दुजओ विसविसमविसयप्पसरो, अणिवारियप्पसरो मयरकेऊ, अहिद्दवंति पतिदिणं कोहादिणो कसाया, दुद्धरो य जंतू विर्सयवासंगलालसो ति। एयं च समायणिऊण जंपियं भयवया-जइ वि एवं तहा वि संसुव्बउ कारणं, जेण
अप्पा जायइ ताणं पओज्जकजम्मि चित्तसाहज्जो। इंदियविसयाण सगोयरम्मि पवियंभमाणाण ॥ ५७१ ॥ सो चिय अप्पा सइ चित्तजणियसंरोहणिप्फुरप्पसरो। जइ कीरइ ता जायइ जिइंदियंत्यो सयस्सेव ॥ ५७२ ।। अप्पा जइया संगं राएण समणिओ महइ गंतुं । तइया कयत्थया इंदियाण विसयाण वि सयत्थो । ५७३॥ विसयाण इंदियाण य परोप्परं यकज्जपत्तहो । संबंधं कुणइ मणो सरायसंजोयणग्यविओ।। ५७४॥ ताई चिय णीरायाण विसयसंबंधवज्जियाई दढं । जायंति णिम्णयाण व णिरुद्धसोचाण सलिलाई ॥५७५॥ पेच्छइ चक्खू पुरओ पंइट्ठियं रूववइयरविसेसं । रायपरियड्ढिओ जाइ संगमहियं पुणो अप्पा ।।५७६॥ राय-विरायंतरकारणाई विसएसु अप्पणा चेव । जायंति अप्पटुतं हयेदियाणं तहिं होइ ॥ ५७७ ॥ उय तेण णराहिव ! अप्पमत्तया कारणं सकज्जस्स । जायइ सयले विजए विसेसओ संजयजणस्स ।। ५७८।।
अओ णराहिव ! सिंदिओ वि मुणिवरो अप्पमायी रायरहिओ मुणेयन्यो, जेण रूवाइसण्णिहाणे वि मणयं पिण मुज्झइ त्ति । जहा केणइ गरवइणा णियपुरवरीए पयत्ते कोमुईछणे, पंवट्टियासु दिसिदिसि कीलामंडलीसुं, छणवसपयत्तजणबहलहलबोले, हरिसणिब्भराए सयलपुरवरीए, रयणीमु वि णिरंतरदीवप्पहापणहतिमिरास हवीहीम, दीवतेल्लस्स कंपियाछेनं पत्तिं भरिउं समोप्पेऊण भणिओ णिययभिचो जहा-एयं आयण्णसंपुण्णं तेल्लपत्तिं घेत्तूण तुमए ऐयाओ परसाओ पैइल्लया(ग्णपा)संजाव अप्पमाइणा तहा गंतव्वं जहा बिंदुमत्तं पि धरणीए ण पडइ । पयट्टे तम्मि पुरिसे तहा गंतुं, उभयपासेमु णिउत्तदढणिसियकढियासिवावडकरा चत्तारि णियपुरिसा पेसिया] भणिया य-जइ कह वि एयस्स पमायपरबसस्स तेल्लस्स बिंदुमेत्तयं पि णिवडइ जत्थ तत्थ तुम्हेहिं इमस्स सीसं पाडेयव्वं ति । एवं च सो तेल्लपत्तिं घेत्तूण णिमियणिचललोयणपसरो पयट्टो गंतुं । ता भो णराहिवं ! एकओ पयट्टविविहकरणंगहारवसुन्वेल्लतणुलयं पुरसुंदरीयणं, अण्णओ सर-करणें-कलतालमंदसुइसुहं गेयमागाइयमायण्णउ पुलोएउ वा? किं वा सिरपडणभउब्भन्तमाणसो अपमाई होईऊण चउ ? त्ति । राइणा भणियं-तारिसमवत्थमावण्णस्स किं तस्स मगहरेणावि विहिदंसणेणं ?, किं वा किण्णरुग्गीयमणहरेणावि कलगीयायण्णणेण कजं ?, अण्णेण वा मुंहफरिसाइणा .समहिलसिएणं ?, सव्वं पि तस्स णियजीयसंसए अवत्थु पडिहाइ ति । भयवया भणियं-जइ एवं ता तस्स वि जइणो णियम-तव-संजमुज्जोउज्जयमणस्स सव्वं पि तं विसयाइयं तह चेय दट्ठव्वं । तओ पत्थिवेण अवितहं तह च्चेय पडिवण्णं । पत्थुया भयवया धम्मदेसणा । एत्थावसरम्मि य तमुइसं णिययपहापरिक्खेवपसरेणं समुज्जोएन्तो सैमागओ एको दिव्यपुरिसो। दिवो णराहिवं वज्जिऊण सयलाए वि रायपरिसाए, केरिसो य?
१ जियग्घाओ सू । २ मइप सू। ३ जएण होयध्वं । सव्वा सू । ४ "पमाओ ण का जे । ५ दुरुद्धरा सू । ६ 'सयासंगला सू । ७ यत्था वसस्सेव सू। ८ परिट्ठियं जे । ९ हुत्तं इहेंदियाण जे । १० पयट्टियासु सू । ११ समप्पे जे । १२ *संपण्णं सू । १३ इमाओ जे । १४ पइवापासं जे । १५ णमंद जे । १६ होऊण जे । १७ वचसु जे । १८ णविणिस जे । १९ सुफरिसास। २० णियत स। २१ समाऽऽओ जे ।