Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 356

५४ वद्ध मागखामिचरियं ।
२७३ एत्यावसरम्मि य मुणियजयगुरुकायव्यवइयरा समागया सयलमुरगणा । कयपणामा य पुन्योइयकमेण परियः प्पियसिबियारयणा य समीवमल्लीणा भयवओ । कओ मुराहिवेण मुणिपत्थिवाहिसेयाइओ विही । तयणंतरं समारूढो जयगुरू सिबियारयणं । उक्खित्ता णर-सुरगणेहि । तओ कयसुर-गरजयजयासहसंवलियपडपडहपडिरेवुल्लसंतसंखकलकाहलारवभरियदियन्तरालकलयलेण णिग्गओ गयराओ । गओ बाहिरुजाणं । विमुक्काए सिबियाए ओइण्णो सिबियारयणाओ । सयलकजभारो व्व ओयारिओ सरीराओ आहरणणियरो, देहालिंगणगारवग्यवियविसयसंगसोक्खं व मुक्क वासोजुयलं, अवणीओ उत्तिमंगाओ अविहावियवज्जकप्पिओ केससंघाओ, पडिवणं पुवकमेण मग्गसिरसुद्धदसमीए इत्युत्तराहिं दिक्खाविहाणं ति।
तो घेत्तूण समुन्भडकम्मवणफलंतरालणिग्गमणं । णाणरविकिरणपयडियणिम्मलतव-चरणकयमग्गं ॥३१॥ णवरि य वणा-ऽहि-सुर-णरअणुमग्गवट्टजणियसंवट्टो । सुरवइएकंसणिहित्तदेवदूसोवसोहिल्लो ॥ ३२ ॥ तो उन्बूढचरित्तस्स भुवणगुरुणो विसिट्टपरमत्था । चउरो णाणाइसया जायन्ति समुन्भडवियासा ॥ ३३॥ इय कयतिउणपयाहिणपणामहरिमुल्लसन्तपुलइल्ला । थोऊण जयगुरुं णियणिहेलणं जंति सुरसंघा ॥ ३४ ॥
एवं च वजियावज्जपव्वजविहाणमब्भुजओ पडिवण्णसंजमुजोयणिज्जियासेससहपरीसहो, पम्मुक्कासेसभूसणो वि सच्चरियविहसणो, विसज्जियासेसवसणो. वि वासवणिहित्तेकंडंसपहोलन्तवसणो, विमुक्कतुरंगसाहणो वि दमियदुट्टिदियासो, सिढिलियकरिवरसमूहो वि मत्तगइंदगमणो, गामाणुगामोवलक्खियं वसुमई विहरि पयत्तो।
ताव य अण्णदियहम्मि समागंतूण ईसिपरिणयवओ एको रोरखंभणो पणामं काऊण भणिउं पयत्तो एयं । जहा"भो भयवं ! महं मंदभायस्स परं पत्थमाणस्स जम्मो चिर्य समइच्छिओ, जेण गरुयदारिद्दोबदवियदेहेण पुलइयाई पत्थणाभंगकयकसिणिमाकलंकियाइं परमुहाई, जंपियाई कंठब्भन्तरखलन्तक्खरगग्गयक्खराइं दीणवयणाई, णिसुयाई कयइत्ययालहरिसट्टहासगभिणाइंधणइत्तयखलजंपियाई,पडिच्छिओ सी-उण्हाहएण बाहिरे चेव परघरदुवारपवेसावसरो,लल्लइय किलन्तकुटुम्बकजम्मि परजणस्स त्ति । किं बहुणा ? जाव अहं परपत्थणाणिमित्तम्मि चेय परविसयं पत्थिओ ताव य भयवया वि दिण्णं महादाणं । कहं चिय?
केसि पि पउर-पट्टण-गामा-ऽऽयर-सारपउरभंडारा । दिजन्ति दरियदारिहरुंदसंदोहविद्दवणा ॥ ३५॥ अण्णाणं पुण मयगंधलुद्धबद्धालिबहलहलबोला । मय-भद्द-मंद-संकिण्णरूविणो करिवरुग्धाया ॥३६॥ काण वि तोक्खार-तुरुक्क-पवरकंबोयजाइणो तुरया । दिण्णा मणि-रयणसणाहकणयपल्लाणसंजुत्ता ॥ ३७॥ काणं पिचडुलखुरखयखमायलुद्धन्ततुरयसंजुत्ता । दिजति जच्चकंचणसमुज्जला संदणणिहाया ॥ ३८॥ केसि पि विविहमणि-रयण-कणयसंपत्तिजणियसोक्खेण । णवधणसमएणं पिव तुमए तण्डा परिच्छिण्णा ॥ ३९॥ मह पुण पुचि कयदुकयकम्मवसयस्स दूरदेसाओ । गेहागयस्स सीसइ सचरियं तुम्ह णरणाह !" ॥ ४०॥ इय एरिसेहिं णिन्भरतण्हावसपसरपलहुभणिएहिं । जयगुरुपुरओ रुण्णं व दीणविमणं भयंतेण ॥ ४१ ॥
तो भयवया सोऊण तं तारिसं तस्स जंपियं अञ्चन्तकारुण्णयावण्णचित्तेण भणियं जहा-देवाणुप्पिया ! परिचत्तसयलसंगो हं संपयं, तुमं च दारिद्दोबद्दुओ, ता इमस्स मज्झंऽसावसत्तवासस्स अद्धं घेत्तूण गच्छसु ति । तो तमायण्णिऊण हरिसिओ बंभणो । अणुट्टियं जं भयवया भणियं । गओ णिययगेहाभिमुहं । दंसियं च तं वासद्धं तेण तुण्णवायस्स। भणिओ य तुण्णवाएणं बंभणो जहा-तं पि बीयं अद्धं तस्स महामुणिणो णिरीहत्तणओ पंवणाहयं वा सरीराओ अवेहिइ, कंटयजालीसु वा विहरमाणस्स लम्गिही, ता तं पि घेत्तूण आगच्छसु, जेणाई तुह पुणण्णवं काऊण उप्पेमि । एवं भणिए
१ 'खउल्ल सू । २ वासोयुयं, में सू । ३ माणवरकि जे । ४ पय जे । ५ ईसप सू । ६ चेव सू । . रा परजणस्स त्ति । कि बहुणा जे । ८ तुमाए सू। ९ पवणयं स्। Jain Education Interional