Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 386

५१ वद्धमाणसामिचरियं । अत्थि, जइ पुण जीव-भूयाणं एकया भवे मरणमेव ण भवे, अणहसरीरेण चेय सन्चया भवियब्वं, दिस्सए य मरणपजवसाणो देवपरिफंदाइओ वाचारो, अओ अवगन्तव्वं गोयम ! पंचभूइवइरित्तो जीवो त्ति । एवं च सो वि वियत्सो अवगयसंसओ होऊण परिचत्तसयलविसयाइसंगवामोहो तहेव पव्वजं सपरिवारो पवण्णो त्ति ।
तम्मि पव्यजं पवण्णे सुहम्मो णाम माहणसुओ आगंतूण भणिउं पयत्तो-भो ! किं कोइ इहलोयवइरित्तो परलोओ अस्थि ?, किं वा पत्थि ? ति। भयवया भणियं-अस्थि ति । इयरेण भणियं-कहमेयं मुणिज्जइ ? । भयवया भणियंतुह ताव पच्चक्खाणुभवो ण तीरए काउं, अणुमाणेण पञ्चओ भणेययो, कह ? जेण दीसंति बहवे तुम्हाणं पि समए दाण-तवोविहाणाइणो कुसलकम्ममभुवगया, जायस्सरणादीहिं चोवलब्भए परभवुप्पत्ती, अओ मुणिज्जए 'अत्थि परलोओ' त्ति, अण्णहा णिरत्थया कुसलकम्मायरियव्बस्स जातीसरणस्स वेति । एवं च सो वि विच्छिण्णसंसओ सपंचसयपरिवारो पबज्ज पवण्णो ति।
एवमण्णे वि वासिट-कासव-कोसिया(य)-हारिय-कोडिण्णणामा य सपरिवारा विच्छिण्णणियसंसया पव्वज्ज पवण्ण ति।
सव्वे [ते] दियवरगोत्तसंभवा पवरकित्तिसंपण्णा । सव्वे वि वज्जसंघयणकित्तिसामत्थयाजुत्ता ॥ ४४१॥ एक्कारसंगसुत्तत्थधारिणो विविहलद्धिसंपण्णा । अइसयरिदीए जुया हवन्ति छउमत्थभावे वि ॥ ४४२ ॥ पंचसयसंजुया पंच दोणि य अधुट्ठसयसमणियया । चत्तारि तिसयपरिवारसंजुया संजमं पत्ता ॥४४३ ॥ वोच्छिण्णा तत्थ दसाण संतती कालजोगओ इहई । जाया सिस्साण सुहम्मसामिणो संतई एसा ॥ ४४४ ॥ णेवाणगया काले जिणस्स णव ताण गुणसमग्गाण । गोयमसामि-सुहम्मा णियाणा णिव्वुए वीरे ॥४४५॥ इय सोहम्मपसिस्साइवित्ययं तित्थमेयमणवज्ज । अञ्ज वि संजमपज्जन्तसंजयावज्जणसमत्यं ।। ४४६ ॥
[केवलुप्पत्ति-] गणहरपव्वज्जाविहाणं समत्तं ति [१४] ॥
तओ तमंतरं चिय पव्वज्ज पवण्णेसुं गणहरेसु भयवं अहाविहारेण गामाणुगामं विहरमाणो पुल्चविरुद्धचित्तयरपडालेक्खदंसणुप्पण्णगरुयाहिलासेण मियावइपत्थणाणिमितपेसियद्यपरिहवकरणामरिसिएण पज्जोयणरवइणा रोहियं कोसम्बि मुणिऊण 'इह बुझंति जंतुणो' त्ति गओ कोसंवि भयवं । भयवन्ताइसयाणुहावओ य पसन्ता सयलजंतूण वेरव(चे)ट्ठा । विरइयं सुराहिवेहिं पुवकमेणेव समोसरणं । कहं ?
वित्थरइ सुरहिपरिमलमंदंदोलन्तविविहवणगहणो । अवहरियसकरुकेरसुंदरो सीयलसमीरो ।। ४४७ ॥ तयणंतरपउरासारणियरपरिसित्तसुहयदिसियकं । कीरइ घणेहिं परिसंतरयभरं महियलद्धन्तं ॥ ४४८ ॥ मुच्चइ परिमलमिलियालिवलयरुट्टन्तमुहलियदियन्ता । बेण्टट्ठियवोसट्टन्तदलउडा कुसुमवरवुट्ठी॥ ४४९ ॥ तक्खणणिम्माणियरयय-विमलकलहोय-पवरमणिघडियं । विविहट्टालयकलियं कीरइ पायारतियवलयं ॥ ४५० ॥ झुल्लन्तचारुचामरकलावमुत्तावलीसणाहाई । गोपुरमुहाई चत्तारि चउदिसिं होति राहाई ॥४५१॥ संठाइ सुंदरारुणविणीलदलबहलसहलदियन्तो । कंकेल्लिपायवो सुइपस्यगंधालिकयसदो ॥ ४५२ ॥ १ एकादश गणधरा अङ्गसूत्रार्थधारिणः ।