Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 393

३१०
चउप्पन्नमहापुरिसचरियं । संठिओ पुव्बपरियप्पियम्मि परसे सजूह परिवारो। संठियस्स तमुद्देसम्मि जूहाहिवइणो जह जह दवाणलो आसण्णीहोइ तह तह संयला विसावयगणा चिरपरूढवेराई पि विम्हरिऊण विरोहिणो वि समं चेय समल्लीणा गयजूहन्तरालम्मि । जलणदाहभयाउरेहिं च णिबिवरीकओ सो पएसो करिकुलगत्तरालं विसंतेहिं । तहिं च एक्को अलद्धावयासो ससो जूहाहिवइसमीवं समल्लीणो। एत्थावसरम्म य करिणाहेण सरीरकंडुयणणिमित्तमुप्पाडिएक्कचलणप्पएसन्तरालमवलोइऊण संठिओ तत्थ ससो। करिराया वि मुणिऊण तं तत्थावट्ठियं अणुकंपागयमाणसो तह चेव तिवईए संठिओ। कहं चिय?
कंडुयणणिमित्तुप्पाडिएक्कचलणावयासमल्लीणं । वदृतससं वड्ढतहिययपरिओसपडहच्छो । ५०३ ॥ अंतोवड्ढन्तदयापरिणामसमुल्लसंतलेसिल्लो। तिवईए संदोलणपयत्तकोंडलियसोंडग्गो ॥ ५०४ ॥ संठाइ तमुक्खित्तम्मि णिययचलणम्मि णिप्पयंपमणो। णिहसे सत्तं चिय संठवेइ अथिरं पि थिरचित्तं ॥५०५॥ संकुइयएकचलणस्स पवरजूहाहिवस्स वच्चन्ति । पज्जलमाणे दावाणलम्मि राइंदिया सत्त ॥५०६॥ सव्वत्तो णिव्वाणम्मि दड्ढड्ढव्वयम्मि जलणम्मि । वोलीणम्मि समन्ता जहागयं सावयगणम्मि ।। ५०७॥ पायट्ठाणं दट्टण सुण्णमविसुण्णणिहियकारुण्णो। वसुहायलम्मि चलणं 'णिमेइ किर कलियकयकिच्चो । ५०८ ॥ णवर ण सक्कइ संकोयणुब्भडप्पण्ण तिव्ववियणिल्लं । काऊण उज्जुयं परहिएक्ककज्जुज्जओ सहसा ।। ५०९॥ इय ताव तिव्यवियाँपरिणामुप्पण्णणीसहावयचो । पडिओ गलन्तसत्तो धरायले पवरकरिणाहो ॥५१०॥
तओ निवडिओ समाणो गरुययाए णिययगत्ताणं, परिसंतयाए सयलावयवाणं, णीसहेत्ताए समुच्छाहस्स, विसण्णयाए चित्तपरिणतीए, परिक्खीणयाए आउयस्स, उढेउमपारयंतो किलिस्सिऊण कइवयदिणे पंचत्तमुवगओ सो। देवाणुप्पिया ! हिययंतरुल्लसन्तदयापरिणामसंजणियसोमलेसाणुहावओ समुप्पण्णो चेल्लणाए महादेवीए कुच्छिंसि । जाओ कालक्कमेणं । पइटावियं च से णामं मेहकुमारो त्ति । वढिओ देहोवचएणं कलाकलावेणं च।।
ता सो तस्स पुवभवकयगयकीलणाविसेसुप्पण्णतान्त्रिहपरिणामो अणुदिणं तहचेट्ठो चेय विहरइ ति। एवं च तस्स पुवभवैवासणाणुरूवं ववसियं लेसुद्देसेण तुह मए सिर्ट" ति ।
एयं च णिसामिऊण भयवओ साहियं अन्तोवियम्भन्तहरिसपसरो वंदिऊण जयगुरुमइगो [अभओ] पुरवरं । गया कइ वि दिणा।
अण्णया य जणरवाओ मुणिऊण पुब्बभवसंबद्धं णियपउत्तिं हियेअंतोसमुल्लसन्तवेरग्गवासणो चिंतिउं पयत्तो मेहकुमारो-एक्कजंतुमेत्तदयापरिणामस्स एरिसविहववित्थरे कुलम्मि मह समुप्पत्ती, जे उण जइणो महाणुहावा णिरवज्जसंजमावज्जियसुहसमूहा ते णिस्संसयं णिव्वाणं पाति त्ति । तओ सो समुज्झिऊण सयलविसयवासंगवामोहं, कलिऊण तडितरलमाउविलसियं, संझब्भरायसरिसं विहवपरिणइं, सरयकोजयपस्यविन्भमं जोवणारंभ, हिययकयसामण्णग्गहणववसाओ समागओ अभयकुमारसमीवं । भणिउं च पयत्तो जहा-"इच्छामि अहं त॒न्भेहिं अब्भणुण्णाओ पन्चज्ज पवज्जिउं जयगुरुणो समीवम्मि, मुणिओ य तुम्हेहिं मह पुचभववइयरो भयवयाहितो, ता तइया मया तिरियत्तणम्मि वि पाणिघाओ रक्खिओ कहमियाणि मणुयत्तणे लद्धसण्णो होऊण पाणिणो ण रक्खिस्सं ? ति । कह ?
जेण णे तीरइ गेहम्मि पाणिरक्खा खणं पि काऊण । छिप्पइ जो उयएणं उययस्स कहं ण मज्झत्यो ? ॥ ५११॥ बहुविहपरिग्गहासंगलोहवदृन्तमूढमइमग्गो । कह तरइ पाणिघायाइरक्खणं परियणारंभो ? ॥ ५१२॥ आमिसलोहेण सुणाइणो वि वट्टन्ति पाणिघायम्मि । मुक्कक्सिया-ऽऽमिसा उज्जमन्ति जइणो जए तेण ॥ ५१३ ॥ इय जयगुरुणो इच्छामि पवरपयजुयलसेवणं काउं । सीसवणेण तुमएऽणुण्णाओ सव्वकालं पि" ॥ ५१४ ॥
१ सयले सू । २ वड्ढतससं जे । ३ वटुंतहि सू । ४ गाथेयं जेपुस्तके नास्ति । ५ वहुहा सू । ६ णियमेइ(ई) कलिय सू ।। ७ णवरि जे । ८ णाऽऽवेवसमु जे । ९ हत्तयाए जे । १० एयं जे । ११ वभासणा जे । १२ हिययतोससमुजे । १३ परिणई जे । १४ तुम्हेहि अणुण्णा जे । १५ इ सू ।