Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 373

२९०
पउपममहापुरितचरित अह ईसावसपसरन्तदूसहामरिसगयविवेयाए। महिलासहावो सुलहविविहसंकप्पमूलाए ॥२४२ ॥ 'एसा इमस्स धूया, एसो वि इमीए होइ जणउ' त्ति। पडिवण्णं पम्हुसिऊण संगम ताण तकन्ती ।। २४३॥ ववहरइ अण्ण[ह] च्चिय मुद्धसहावो जयम्मि साहुजणो । मण्णइ तमण्णह चिय दुद्वसभावो खलयणो ति ।। २४४ ॥ इय णिययदुढिमाए सरलं पि जणं तमण्णहा कलिउं । मूला मूलमणस्थाण चंदणोवरि तओ जाया ।। २४५।।
तओ विगए सेविम्मि ईसोवमुप्पण्णमच्छराए सेटिभजाए वाहरिऊण पहावियं मुंडावियमुत्तिमंगं चंदणाए । बंधेऊण णियलेहिं पक्खित्ता उवरम्मि । भणिओ य परियणो-जो सेहिणो इमं साहिस्सइ तस्स वि एस चेव दण्डो ति। ण य तीए भयाओ पुच्छमाणस्स वि सेद्विणो को पि कहेइ । अण्णम्मि दिणे णिबंधेण पुच्छमाणस्स 'किं मह मूला करिस्सइ ?' ति सिटमेकाए वुड्ढदासीए सेटिणो परमत्थं । तओ समाउलचित्चेण उग्याडिऊण णीणिया तयन्तियाओ। दिहा य सिरोवणीयचिहुरपन्भारा । छुहाकिलामियं च तं पलोएऊण बाहोल्ललोयणेण अण्णेसन्तेण उ(ठ)इयदुवारत्तणओ न किंचि समासाइयं विसिट्ठमसणं, परं कम्मयरभोयणमुत्तिण्णा पलोइया कुम्मासथाली । तओं य थालीओ घेत्तूण सुप्पम्मि कुम्मासे समोप्पिया चंदणाए । भणिया य-पुत्ति ! जावाहं तुह णियलभंजणणिमित्तं लोहारं घेतूण समागच्छामि ताव भुंजसु । ति भणिऊण गओ सेट्ठी । तओ सुप्पणामिए दद्रुण कुम्मासे सोइउं पयत्ता अत्तणो अवस्थंतरं वसुमई । कह ?
जइ देव ! सयलजियलोयतिलयभूए कुले को जम्मो । ता कीस अयंडपयंडमागयं दुसहदारिदं ? ॥ २४६ ॥ जइ जाया पिइ-माईण णियतणूओ वि वल्लहा अहियं । ता ताण मरणदुक्खाण भायणं कीस णिम्मविया ? ॥२४७॥ जइ णाम विओओ बंधवाण णिकरुण ! तइं कओ देव ! । ता किमवरमेयं मज्झ पेसभावत्तणं जायं? ॥ २४८ ॥ इय णिययावत्थं णिदिऊण सुकुलुग्गयं च सविसेसं । पुणरुत्तणेन्तबाइंबुणिब्भरं रुयइ सा बाला ॥ २४९ ॥
एवं च णिदिऊण अत्तणो जम्मं, सोइऊण णिययावत्थं, छुहाकिलामियकबोलमंडलं क्यणं करयलम्मि णिवेसिऊण पलोइयं कुम्मासाहिमुहं । ते य तारिसे हाइगुणवजिए मच्छियाकूडसच्छहे कुम्मासे दट्टण अहिययरमण्णुभररुद्धकंठविवरा चिंतिउं पयत्ता-ण य छुहाकिलन्तजंतुणो किंचि 'ण रोयइ' ति, ता किमहं विसमागयदसा वि अदाऊण अइहिणो भुंजिस्सं ?। चिंतिऊण पलोइयं घरदुवारहुत्तं ।
एत्थावसरम्मिसमइच्छि[या]ए पारिगणयदिणजहुत्तवेलाए गरुयाभिग्गहत्तणओ कत्थइ असंपज्जन्तजहासमीहियण्णविसेसो अणाउरत्तणविसुज्झन्तमुहलेसो जहकमं गेहंगणमग्गेण विहरमाणो तीए सुहकम्मोयउ व्व संपत्तो भयवं जयगुरू तग्गेहंगणं । दिट्ठो तीए । दट्टणं च जयगुरुं 'एयावत्थगयाए वि सफलो मह जम्मो, कयत्था अहं ति जइ एस महाणुभावो कुम्मासग्गहणेण मज्झाणुग्गरं करेइ' एवं च बाहजलपव्वालियगंडयला वि हरिसवसविसट्टपुलयपडलमुव्वहंती, दुसहदुक्खायाससोसियतणू वि असमसमासाइयपायमुहसंपया, दढणियलसंदाणियचलणजुयला वि णिद्दलियदढदुक्खबंधणमप्पाणयं मण्णमाणी, काऊण दुवारबाहिरुद्देसम्मि एकं चलणं करकलियमुप्पेककोणेण पणामिया जयगुरुणो कुम्मासा। भयवया वि मुविसत्थचित्तेण णिरूविऊण पुन्या-ऽचरविमुद्धिं 'संपण्णो अभिग्गहो' त्ति कलिऊण पणामिओ करयलंजली । पक्खिया कुम्मासा इमीए । एत्थावसरम्मि य णिवडिया णहंगणाओ वियसंतकुसुमवुट्ठी, विमुकं गंधोययं मेहमंडलेहि, पवाइओ मुसुरहिसमीरणो, वजिया देवदुंदुही णहंगणे, विमुक्का मुरवरेहिं रयणवुट्ठी। कहं चिय?
सुरवरसहत्थ............................यचा । अण्णोण्णवण्णसोहा विहाइ सुरचावलहि च ।। २५०॥ परिमलमिलन्तभसलउलवलयपरिलेन्तबद्धझंकारा । मुरतरुपसूयवुट्ठी णिवडइ रयमासलदियंता ॥२५१॥ उच्छलइ ललियकरकमलतालणुव्वेल्लमंदसहालो । दुंदुभिरवो सुगंभीरवन्जिराउज्जसंवलिओ ।। २५२ ।।