Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 374

२९१
५४ बदमाणसामिपरियं । इय ललिययुग्वेल्लियकरमउलंजलिमिलन्तसिरकमलं । सुरजयजयसंरावेण णिवडिया रयणबुट्टि चि ।। २५३॥
एवं च 'अहो ! दाणमहो! दाणं' ति भणमाणेहिं समंतओ रयणवरिसेण पूरियं धणसेहिणो मंदिरं । समुच्छलिओ णयरीए हलहलारवो-जयगुरुणो पारणयम्मि धणसेटिंगेहे वसुधारा णिवडिय त्ति। एवं च जणपरंपराओ सोऊण सयाणियणरवई समागओ तं चेव सेटिगेहं । दिटुं च दिसिदिसिणिहित्तरयणसंचयं धणसेहिसमज्झासियं मंदिरं । विम्हउप्फुल्ललोयणो य भणिउं पयत्तो परवई जहा-भो महासेटि ! थण्णो सि तुमं जरस तुज्झ तिहुयणतिलयभूया धूया समुप्पण्णा, एईए इहलोए चेव इमं एरिसं भयवओ दाणफलमासाइयं, जेण सुवउ
अहमेस्थ पत्थिवो किर पुरीए, कोटुम्बिओ पुण तुमं ति । इय अंतरे वि गुरुणा तह वि तुमं चिय अणुग्गहिओ ॥२५४ ॥
ण य विहवो ण य जाई ण पहुत्तं कारणं कुसलयाए । भवणम्मि अस्थिणो जस्स एंति सो पुण्णहेउ ति ॥ २५५ ॥ पावेइ पुण्णभाई तइया भुवणम्मि एरिसं पत्तं । जइया महल्लकल्लाणसंभवो जंतुणो होइ॥२५६॥ इय एव पत्थिवो थुइसमिद्धिसंबद्धविविहभणिएहिं । अहिणंदइ जा सव्वायरेण कयगोरवं सेट्ठी ॥२५७॥
ताव य तेण सह---------(समागएण एक्केण) महल्एण दिहा चंदणा । पुणरुचवियकापरायणेण पञ्चभिण्णाया। पञ्चभिण्णायाणंतरंच चलणेसु णिवडिऊण रोविउं पयत्तो। तओ तंतहारुइरंदठ्ठण राइणा भणियं-भो किमेयं । तेणावि धाडिप्पभिइसंभूयविन्भमावट्टियं [साहिऊण भणियं-] सेसं एसा चेय साहिस्सइ ति । तओ राइणा वसुमती पुच्छिया। तीए वि जं जहा वत्तं तं तहा चेव साहियं जाव धणसेटिहत्थावगमणं, धृयापडिवज्जणं च, धृयासिणेहणिज्भरं च जहा पालिया सेटिणा जाव अज्ज दिणं, सपयं पुण तुमए सेटिणा य अणुण्णाया इच्छामि धम्मायरणं काउं, जेण सुव्बउ
संसारे बहुविहदुहकिलेससयसंकुले असारम्मि । को णाम कयविवेओ रमेज सुहसंगवामूढो ? ॥२५८ ॥ इह जम्मे चिय दट्टण तारिसीं मुकुलजम्मसंपत्तिं । जाया पुणो वि एसा परपेसकिलेसिया मुत्ती ॥ २५९ ।। तं तारिसबहुविच्छडविड्डिरिल्लऽम्ह पुन्बसंभूई । संपइ को गोहीम वि साहिप्पंत पि सहहइ ? ॥२६०॥ इय कलिउं संसारम्मि कम्मुणो वसवियम्भियव्वाइं । को णाम सयण्णो णिमिसयं पि सज्जेज्ज संसारे ?॥२६१॥
एयं च समायण्णिऊण राइणा भणियं जहा-पुत्ति ! अज्ज वि बालो वयविसेसो, अलंघो जोव्वणवियारो, दुजो मोहप्पसरो, बलिओ इंदिओवचओ, ता विलसिऊण संसारविलसियध्वाइं, उव जिऊण सयलिंदियमुहाई, सुरवरसमासाइयं च धणसमिद्धिं उव_जिऊण, पच्छा परिणयवयाए जुज्जइ काउं धम्मुज्जमो, संपयं पुण
कत्थ इमं तुह तेल्लोकजंतुकयविम्हयं तणुसरूवं ? । कत्तो लायण्णद्दलणपञ्चलो तवविसेसो? ति॥२६२॥ तुह ललियकंतिलायण्णहारिणो सुंदरस्स रूवस्स । हिमपवणो कमलस्स व विणासभूओ हवेज तवो ॥ २६३॥ जं जत्थ जया जुज्जइ काउं तं तह कुणंति बुहसंघा। किं कुणइ दारुकुम्भम्मि कोइ बालो वि हव्यवहं ? ॥२६४ ॥ इय तह तुह तणुलइयाए रुइरलायण्णकन्तिसोहाए । होइ तवो कीरन्तो विद्धंसणकारओ पूणं ॥२६५॥ अण्णं चतामरससच्छहं तुह सरीरयं कह सहेज तिव्वतवं ? । तिव्वायवं दुमो च्चेव सहइ णो किसलउन्भेषो ॥२६६ ॥ तिव्वं तवसंतावं सहेइ वयपरिणया,ण बालतणू । आयवदसणमेत्तेण सुसइ गोवयगयं वारि ॥२६७॥ काउं तवो हु तीरइ कक्कसवयवेण जंतुणा शृणं । किं वण्डिकणो कत्यइ जलेइ पउरिंधणविहूणो ? ॥२६८॥ इय वयवुढि चिय होइ कारणं इटसाहणत्यम्मि । उज्जोयइ पुण्णससी ण इंदुलेहा जयं सयलं ।। २६९।।