Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 378

५४ बदम्पणखामिचरियं । परिचलियकिरीड-कोंडलो, फुरियउरत्थलहारमंडलो । पवणजववसोपहूणणा, पडिवहहुत्तं विलं परंपरो ॥३१७॥ . जवविहडियमेहडंबरो, समुहवियासविसालउज्जलो । अहिमुहमहिदंसणुब्भडो, भयविवलाइयसिद्ध-चारणो॥३१८॥ त्ति ।
एवं च समुप्पज्जमाणजवेणाणिलमहो व पक्खिवन्तो अहिलंघिऊण ससि-पूर-णखत्त-तारयं णहंगणं संपत्तो वेएण सुरलोयं । अविहावियभय-संभमेहिं च पलोइज्जमाणो सुरच्छरगणेहिं संगओ महिंदत्थाणियासण्णभूमि चमरा सुरो। दट्टणं च तं वासवेण(वासवो) अणुइयपएसागमणत्तणओ चमरासुरस्स परिहवं व्व(व) य(ब)चणो वियर्कतो चिंतिउं पयत्तो-किमेस एत्थागओ ? ति । एत्यावसरम्मि य चवलत्तणओ अविहावियवयणकमो चमरासुरो जंपिउं पयत्तो, कह ?
"ण सुराहिवत्तणे भायणं सि तं, भूमि संपइ महेसा। परसंसिया चिराओ वि णियपई जाइ पइभत्ता ॥३१९॥ जमसाहीणम्मि मए जाओ सि तुम बहु त्ति तं बहवं । [...] वि रविणो गयणंगणम्मि सोहं लहेइ ससी॥३२०॥
सो हं समागओ वक्कमाहि सुरणाह ! भाविउं चित्ते । अहिरमउ सग्गलच्छी चिराउ समयं मए बहुसो ॥३२१॥ इय भाविऊण णियए मणम्मि उप्पेसि(सु) सुरसिरिं मज्झ । थेवेणं चिय कीरउ परिओसो किं च बहवेणं?" ॥३२२॥
एवं चासमंजसपलाविणं सोऊण हेलाए भणियं सुरभडेहिं जहा-"भो चमरासुर ! ण सुमरेसि अप्पयं ?, किमियमइभूमिमागओ सि ?, जेण णिवायकामो विव दुण्णयपहम्मि अप्पणो पयं पक्ख( क्खि )वसि ?, णयभाइणो हु पुरिसा सज्जणसलाहणिज्जाणं सिरीणं भायणं जायन्ति, कहं ?
णयभायणम्मि संपडइ सयलगुणरिद्धिसंभवो गुणं । णयरहियाणं पुण संगओ वि ण थिरत्तणं महइ" ॥३२३ ॥ अह तेहिं इमं भणिए पुणो वि चावल्लदोसवामूढो । चमरो [?ते] णिल्लज्जुज्जयासयं भणिउमाढत्तो॥३२४॥ "ण हु मज्झं णय-विणओवएससंसूइणो तुमे ठविया । एवंविहम्मि भणियन्वयम्मि को तुम्ह अहियारो? ॥ ३२५॥ जं मुयबलसामत्यं जस्स जहा घडइ तं पयंसेह । मइ जुज्झलालसे एरिसेहिं कि जंपियव्वेहिं ?" ॥ ३२६ ॥ इय अवहत्थियणयमग्गजंपियवम्मि दणुअणाहम्मि । खुहिया सुराहिवइणो सहा विसंभंतहलबोला ॥ ३२७ ॥ खुहिया य देहसम्मद्ददलियकेऊरकोडितुटुंतहारवियलंतमोत्तियप्पयरभरियभवणंगणा,
संचलणचलियमणिमउडणिविडसंघट्टफट्टपडिबंधबद्धमिणिदणीलसामलियदिसिवहा । पसरन्तणिन्भरामरिसवसविसदृन्तपुलयपडलूससंतकयगाढकडयकेयूरसुंदरा,
हण हण हण त्ति गद्दब्भवयणडकोट्टभिउडिभंगुरियभुमयभीसणपलोयण ॥३२८॥ ति। एवं च ते सुरभडा सुराहिवाणत्तिं विणा वि समुज्जया चमरासुरं हेतुं । सो वि संकिण्णामरभूमि त्ति कलिऊण अमराणमहिमुहो च्वेय समोसरिओ पयक्खेवेहि, ण उण चित्तेण । तेहिं पि बहुपहरणोहरणसंभेडसंजणियखणखणासहपूरियदियंतरालेहिं समंतओ परियालि . . . . . - रो वि रणरहमुद्धाइए णियच्छिऊण सुरभडे परिहच्छखग्गग्गधाराणिवायपसरपडिभग्गफ्सरे समन्तओ काऊण णिक्खंतो ताण मज्झाओ। तओ चमरासुरेण हरिणाहिवेणं व कुरंगसंदोहो, जलणिहिवेलासमूहेणं व महाणदीसोतो विक्खित्तो सुरभडसमूहो । पुणो वि घणसंततिघडणसंघट्टकयघणरवा रणपरियराबद्धमेतपडियारकारिणी संठिया अहिमुहं सुरवाहिणी, कह ?
आयण्णायड्ढ्यिजञ्चकंचणाबद्धपुंखभाएहिं । उत्थरियमंवरयलं घणवडलेहिं व बाणेहिं ॥ ३२९॥ करपक्खित्ता णिवडन्ति तिक्खकोन्तग्गसेल्लसंदोहा । परमम्मभेइणो खलयण व्व सव्वत्तओ दुसहा ।।३३०॥ अइणिसियचक-मोग्गर-मुसुंढि-करवालणियरदुप्पेच्छो । पहरणगणो समन्ता असुरोवरि पडइ भयजणणो॥३३१॥ विषमाक्षर-मात्रो गलितपाठो वाऽयं छन्दोविशेषः ।