Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 357

२७४
चटप्पममहापुरिसचरिय। गओसो बंभणो । मग्गाणुलग्गो य ताव परिहिंडिओ जाव भयवं संपत्तो सुवण्णवालियं णाम णिण्णयं । तहिं च परिसकन्तस्स भयवओ वलग्गं कंटयाहिछियदुमम्मि । अणवेखिऊण गओ तप्पएसाओ भयवं । तओ बंभणेग चिन्तियं-अहो ! पेच्छ महच्छरियमेयं इमस्स ववसियं, अहवा जस्स णियसरीरे वि अलुद्धया तस्स किमण्णेण गण(गणण)ति । चिंतिऊण तप्पएसाओ वोलीणस्स भयचओ गहियं तं तेण । समप्पियं तुण्णवायस्स । तेणे वि तहा संधियं जहा पुणण्णवं संजायं । समपियं भणस्स । तं च तारिसं दह्ण हरिसिओ बम्भणो। तओ गंतूणं णंदिवद्धणस्स भयवओ भाउणो 'रयणाण भायणं' ति कलिऊण सैमोप्पियं । तेणावि राइणा महया अत्थसमुदएणं पूइओ बंभणो ति ।
इय धणविरहिओ वि लोयणाहो, तं विप्पं पंवरधणेण दिण्णतोसं । काऊणं विहरइ णिच्छिओ महप्पा, किं चोज ? सयलजणोवयारिणो हु धीरा ॥ ४२ ॥
इति बंभणवत्थदाणो णाम पत्थावो [१]॥
अण्णया य भयवं परिममन्तो पत्तो कम्मारगामंतियं । तत्थ य णाइदूरपरिसंठियस्स णग्गोहपायवस्स हेडओ संठिओ पडिमाए । तत्थ य सयलविण्णाणविणयबाहिरमती संपत्तो एको गोवालमुक्खो बइल्ले घेत्तूण । भयवंतमुद्दिसिऊण भणिउं पयत्तो जहा-भो देवज्जय ! जावाहमण्णे बइल्ले घेत्तूगमागच्छामि ताव तुमे इमे बइल्ला दडव्व त्ति । भणिऊण गओ जहासमीहियं । तओ पहायप्पायाए रयणीए तहटियस्स चेव भयवओ समागओ । अपेच्छमाणो बइल्ले भणिउं पयत्तो जहा-भो देवज्जय ! जे मए तुम्ह समप्पिया बइल्ला ते साहसु कह(हिं) ? ति । पुणो वि पुच्छमाणस्स जाहे भयवं ण जंपति ताहे अविवेयबहुलत्तणओ चिन्तिउं पयत्तो-ण्णमेएणं चेव कत्थइ शूमिया भविस्संति त्ति । पुणो वि खरफरुसवयणेहि भणिउं पयत्तो, कहं ?
उप्पेऊणं तुम्हाण णासयं पत्थिओ म्हि कज्जेण । णमंतेग तए तं खु गुण गरहीको अप्पा ॥ ४३ ।। जीयं पि पणंति परस्स झत्ति णिक्खेवयं खु रक्खन्ता । अह सजणाण पयई, तइ पुण विवरीयमायरियं ॥ ४४ ॥ ता साहस सिग्घं एत्थ बहविहं किं महा पलत्तेण? | अण्णह खमामिणो तह इय विवरीयं कृणन्तस्स ॥४५॥ इय तं गुरुकोबकरालियाणणं हंतुमुज्जयमतीयं । सक्को समागओ तत्थ तं कलेऊण सिग्घयरं ।। ४६ ॥
तओ सक्कविमुक्कहुंकारपलाणस्स गोवालयस्स भणिउं पयत्तो पुरंदरो जहा-भयवं ! अज वि दुवालस संवच्छरं जाव तुम्ह गुरुआ उवसग्गा भविस्संति, ता जइ तुम्हे समाइसह ता अहं तेसिं पडिप्फलणं करेमि ति । एत्थावसरम्मि य ओसारेऊण काउस्सगं भणियं भयवया जहा-देवाणुप्पिया !
ण कयाइ भूयपुव्वं ण य होही एत्थ भुवणमज्झम्मि । जं परबले णिसण्णस्स केवलं होइ केवलिणो॥४७॥ संजणियमप्पण चेयमप्पणा इंति सत्तिसंजुत्ता। णिद्दलइ सँई चिय दिणयरो वि णिसिसंचियं तिमिरं ।। ४८॥ णियसत्तिबलेणं चिय जयंति जइणो महातवोकम्मे । जइ उवउज्जइ अण्णो वि तत्थ ता तेण किं व कयं ॥ ४९ ।। जो जं भारं ण तरइ उव्वोढुं सत्तहीणयाए गरो । अविहाविउं बलं णियतणुम्मि कि तस्स भारेण ? ॥ ५० ॥ सुर-णर-तिरियसमुत्थाण सयलविग्धाण उड्डिऊणंगं । दुक्करतवचरणं काउमुज्जया साहुणो भुवणे ॥ ५१ ।। सक्क ! समस्थो सि तुमं णिवौरियं बहुविहाइं विग्याइं । किंतु ण कम्मोवसमो जायइ अण्णस्स णिस्साए ॥ ५२ ॥ इय एवं बहुविहजंपिएहिं पञ्चाइऊण मुरणाहं । अइदुद्धरदुसहतवोविहाणमभुजओ भयवं ॥ ५३॥
तेणावि जे। २ समप्पियं जे । ३ धणरहिओ जे । । परमध जे । ५ जोवं जे। ६ वुण सू । ७ गरुभोवसग्गा जे। • सय जे । ५ उववज्जइ जे । १. सत्तिही जे । ११ ओडिऊ जे । १२ निवारयितुम् । १३ गीताए ।