Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 367

२८४
चउप्पन्नमहापुरिसचरियं । णगुणग्यवियपरक्कम सुराणुहावमवमण्णह, अण्णं किं व ण मुणियं मुराहिवेण जहाणिव्वडियगुणा वि सुराण एन्ति मणुया ण चेव समसीसं । सरिसत्तणं ण पावेंति कायमणिणो महमणीणं ॥ १४१॥ ता अच्छउ तावेसो णमुणियपरमत्थसाहणणिमित्तो। चायमुझंतमणसो पमुकवीरिओ खत्तियणराहिवो (2)॥१४२ ॥
पेच्छगुरुखयकालाणलविन्भमुल्लसन्तोरुदिहिवाएहिं । जे णिड्डहन्ति रोसेण तक्खणं सयलजियलोयं ॥१४३॥ आमूलुम्मूलणणिन्वडन्तदीसन्तगहिरपायालं । सहसा कुणंति जे करयलुक्खयं सुरवरगिरि पि॥१४४ ॥ ते वि महामुणिणो णियतवाहितियसप्पहावपसरेण । बो(वा)हिजति सुराहिव ! का गणणा भणसु एएण? ॥१४५॥ ता अजं चिय दीसउ विच्छड्डियगहियकवडमुणिवेसं। णियरज्जहुत्तपरियत्तमाणसं संठविज्जन्तं ॥ १४६ ॥
एवं चाणवेक्खियणिययसामत्थयाप्पलहुअं भरि(णि)ऊण णीहरिओ महत्थाइयामंडवाओ, जयगुरुसंजणियाहिक्खेवुप्पण्णपावपसरपणहसोहासमुदओ राहुमुहग्गहोवहूयबिम्बो ससि च दीसिउं पयत्तो। ओइण्णो सग्गवसहीओ। पयट्ठो वद्धमाणं जयो । खयकालाणिलसमुब्भडगइविसेसो य पत्तो तिहुयणगुरुसमीवं । कहं चिय?
वेयाणिलविसमुन्वेल्लविहडिउन्भडघडन्तघणवडलं । सभओसरन्तमुरबहुविमाणसंजणियसंखोहं ॥ १४७ ॥ वियडोरत्यलसंलग्गरुद्धपुंजइयविमलगहयक्खं(क)। विष्फुरियविमलमणिमउडकिरणपडिबद्धमुरचावं ॥१८॥ गइवेयुच्छलियसुहारकिरणपसरन्तधवलियदियन्तं । आयड्ढतो व्ध विमग्गलग्गघणमंडलं गयणं ॥ १४९॥ पेच्छइ य वीरणाहं ससिकिरणपसाहियम्मि महिवढे । संकेतच्छायं मंदि(द)रं व दुदोवहिजलम्मि ॥१५॥ तओ तं णिकारणेकल्लबंधवं जयजंतुसंताणस्स वीरणाहं पलोयन्तस्स य से मुठ्ठयरं पवढिओ मच्छरो। अहवा पसरयइ चिय खलाण परोक्यारेककरणरसियम्मि । अवलोइयम्मि सुयणम्मि अमरिसो पयइदोसेण ॥१५१॥
तो दंसणवसविसट्टन्तमच्छरेणं च तेण उप्पाइओ पलयपवियम्भिउप्पायसच्छहो पवणपन्भारो, खयकालाणलसंबद्धधूमवडलब्भहियभीसणो णिहित्तो धूलिणिवहो, सयलजलयगहिरगजिरुम्मुक्कथोरधाराणिवायसहा पसरिया अयालबुट्टी, णीसेसजंतुपडिरुद्धलोयणवियासप्पहापयरिसा [१ पसरिया] तिमिरपत्यारी, दूरंतरियससि-गहगण-णक्खत्तणिवहं जायं गयगंगणं, तं च तारिस पि अयालघणदुद्दिणं सरयसमएणं व पेल्लियं भयवओ पडिथिरज्झाणेण । तओ को णेण पसरन्तगइवेयचलचलणदोण्णिवारो पिचीलियाणिवहो, लद्धावयासो खलयणो व दूरयरमारूढो, संजणियतिब्ववियणाविसेसो य अहिद्दविउं पयत्तो। णवरि य पसण्णभावं जयगुरुं णियच्छिऊण 'णेय पित्रीलियाहि पि काउं तीरइ' ति कलिऊण कयाई तियसेण कुलिसकढिणतुंडग्गभायाइं पयंगवंद्राई, संजणियतिव्यवियणाविसेसेहिं च तेहिं पि समयं चेयाहिल(ड)संतेहिं (ण) परियालिओ जयगुरू । तओ ते पणइणो व्व जहिच्छासयंगाहसंपत्तसयलमुहपरिभोया विणियत्तियसयलिच्छा समोसरिया। ते वि समोसरिए पयंगे दणं विउरुब्बिया णेण फुरमाणपिंगलच्चुग्गभंगुत्तुंगणंगूलतिक्खम्गविसदृपसरदुद्धरा विच्चुयपमुहा। तेहिं च पलयउप्पायफुलिंगविन्भमेहि थोरणंगलकंटयाघायभिज्जन्तस्स वि भयवओ जाहे ण भिजइ मणो ताहे] पुणो पसरन्तमच्छरेणं च तेणं किं कयं ?
अह रुसियामरचलणाहिघायजज्जरियमहियलाहेन्तो । सहसा रुहिरुग्घाउ ब पसरिओ फणिमणिकरोहो ॥ १५२ ।। तो ऐति तक्खणे च्चिय फणिणो फणिमणिबहुब्भडुज्जोया। परिदेविरीए उद्धंभुय व धरणीए उक्खित्ता ॥१५३ ॥ ता जलएहिं व विसणिब्भरेहिं भोएहि भुययसंघाण । पसरतेहि जयगुरू संछण्णो कणयसेलो ब्व ॥ १५४ ॥ जयगुरुणो भुययफणुल्लसन्तफुक्कारफारपवणेण । झाणाणलो समहियं पजलिओ कम्मगहणम्मि ॥१५५॥ इय विसहरतक्खणगुरुविमुक्कमुक्कारविसलवजलोल्लो । जयणाहो धरणिधरो व पाविओ सामलच्छायं ॥ १५६ ॥