Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 336

२५३
५३ पाससामिपरिमै जह नलहिम्मि बिडित्ते[ग] कह वि कुम्मेण लद्धमुवरितलं । तह लद्धं मणुयत्तं मए णिबुडेण संसारे ॥९२ ॥ इय जुय-समिलादिढतदुल्लहे पावियम्मि मणुयते । जो ण कुणइ. धम्म सो खिवेइ णियभायणे छारं ॥३॥
ता हो चक्काउहकुमार ! जह मणीणं वेरुलियमणी, पक्खीणं व पक्खिराया, कमलं व सेसकुममाणं, गोसीसं व चंदणाणं, इंदो व्व सुरगणाणं, चंदो व्व तारयाणं, सूरो व्व गहगणाणं, सोक्खाणं व सिवमुह, तहा मणुयत्त सेव्यजंतूण पहाणं ति । तस्थ वि मुबउ
लद्धे वि हु मणुयत्ते खेत्ताइसमग्गजोयजुत्ते वि । जायइ पुणो वि दुलहो जयम्मि जि]भासिओ धम्मो ॥९॥ लद्धे वि तम्मि कयपुव्वकम्मदोसेण मोहियप्पाणो। ण य उज्जमंति विसयासपासलेसेण पडिबद्धा॥९५॥ अह उज्जमन्ति जइ कह वि मुणियतत्ता वि कलियपरमत्या। मुझंति पुणो संसारवागुरासंगसम्मूढा ।।९६॥ . इय भाविउं तुमं वरकुमार ! मा कुणसु मज्म पडिबंध । संसारे किसलयचंचलम्मि जीयम्मि मणुयाण" ॥ ९७ ॥
एयं च समायण्णिऊण पडिवण्णं राइणो वयणं कुमारेण । तओ परवइणा जहावित्यरं को धक्काउहकुमारस्स रज्जाहिसेओ। सम्माणिओ सयलो वि सामन्ताइओ सेवयजणो । एत्थावसरम्मि य तमुद्देसमुन्भासयन्तो हाणियरेण, पडिबोहंतो भवियलोयं, पैयच्छंतो मिच्छत्तंधयारे णाणावलोय, सयलसुर-गर-तिरियसेविज्जमाणचलणजुवलो, धुव्वमाणो मुणिगणेहि झाइज्जमाणो जोगिसत्थेहि, समागओ खेमंकरो णाम जिणवरो । विरइयं देवेहिं समोसरणं । णिसणो तत्य भय । पत्थुया धम्मदेसणा। ___ तो भयवंतं समवसरणत्थं मुणिऊण णिग्गओ वज्जणाहणरवई । धम्मदेसणावसाणम्मि य करकमलकयंजलिमिलंतभालवटेण पणमिऊण भयवंतं पराहिवेण भणियं जहा भयवं ! णिविण्णो हं संसारवासाओ, ता भयवं ! काऊण पसायं देह महं समणतणं ति । तओ भयवया भणियं-सोहणं देवाणुप्पिया , मा पडिबंध करेहि ति । एस्थावसरम्मि य महाविच्छड्डवद्धारियणिक्खमणमहिमो पडिवण्णो तित्थयरसमीवे समणलिंगं । अहिगयसमत्थसत्यस्यो य णाणाविहतो. कम्मसोसवियसरीरो एकल्लविहारपडिमापडिवण्णो अणुण्णाओ य गुरुणा विहरिउं पयत्सो, कह ?
छक्कायरक्खणपरो खंती-मिदु-मद्दवादिधम्ममणो । पंचासवपम्मुक्को पंचेंदियणिग्गहविहण्णू ॥९८॥ जिणवयणभावणाकयतिगुत्तिगुत्तो पयत्तसुहझाणो। परदिहिविसयवासंगमोहविवरम्मुहो धीरो॥ ९९॥ एक्कल्लय-उक्कुडुयाऽऽसणोरु-वीरासणप्पयारेहिं । तह एकपाससयणतणादिअच्चुग्गकयणियमो॥१०॥ इय एवंविहदुकरणाणाविहतवविसेसमुसियप्पा। पणमिजमाणचलणो विहरइ गामाणुगामं तु ॥१०१॥
एवं च विविहतवोविहाणणिरओ समुप्पण्णगयणंगणलद्धी संपत्तो अणेयगुणगणकलियजण-धणसमिदं सुकच्छं णाम विजयं ति।
इओ य सो विसहरणारओ तओ णरयाओ उव्वणि कइ वि भवग्गहणाई परिन्भमिऊण जलणगिरिसमीवे अचन्तभीमाडईए सजाओ सबरगोत्तम्मि अणेयजीवन्तयारी कुरंगयणामो वणयरत्ताए । अइकंतो बालभावाओ, पत्तो जोव्वणं, पयत्तो पतिदिणं बहुयरजीवोवमणिं णियवितिं कप्पिउं । एवं च गच्छंति दियहा।
सो वि हु बजणाहमुणिवरो अप्पडिबद्धविहारेण पतिदिणं परिभमंतो संपत्तो तं महाडई।कसाय केरिसागिरिणियर(ड)णिज्झरुच्छलियसलिलसंसेयवड्ढियतरूहि । इसइ व्व विसयकुसुमु(म)दृहासहसिरी गहगणोई॥१०२॥ महुमत्तकामिणीवयणविन्भमुभिण्णपल्लवोहेण । सहइ वणलच्छिसंचरणलग्गजावयरसेणं व ॥१०३ ॥ मासललवंगपल्लवसेज्जापक्खित्तपुप्फपयरिल्ला । वणदेवयाविणिम्मियरइहरकरणी समुव्वहइ ॥१०४॥ णिभरमयंधगयगलियगंडमयसलिलवढिएणं व । एलावणेण करिदाणसुरहिणा सहइ सव्वत्तो ॥१०५॥
से कह कुम्मेणं ति सदमुजे । २ सयलज जे । ३ णदेसिओजे। ४ पहापहयरेणं पडिबोहयतो सू। ५.पणासयतो मिच्छंध. यारं गाणावलोएणं, सयल जे । ६ महिमा पवण्णो जे । ७ टिऊण जलणगि स्। ८ हस्तद्वयान्तर्गतः पाठो जेपुस्तके नास्ति ।...