Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 350

५३ पाससामिचरियं । गवरि य मुचइ ज़लएहि पलयसोसियसमुदभरणासहं । उल्लसियासणिभीसणफुलिंगकणेणिभरं सलिलं ॥ २८२ ।। वित्थरइ णहयले धवलमेहमालावियाससारिच्छो । पवणप्पहओ दरदलियपसरिओ सीयरुक्केरो ।। २८३ ॥ मारुयपडिप्फलिजंतबहुमुहा विप्फुरन्ततडितरला । मुञ्चति भुवणगुरुणो घणेहिं मूल व्य धारोहा ॥ २८४ ।। जा आसि जलयमग्गे पढमं रुप्पप्पहा पुणो विज्जू । स चिय तिहुयणगुरुणो तणुम्मिसा भाइ जलधारा ॥ २८५ ।। अमरकयघणरबुब्भडपडन्तजलधाररयभरं पढमं । णिवडइ तणुम्मि पहुणो पच्छा सलिलं वसुमतीए ॥ २८६." अण्णण्णवण्णजलहरसुरचावच्छेय विद्दुमायम्बं । सायरकल्लोलणिहं खिप्पइ गुरुणो घणेहिं जलं ॥ २८७ ।।
पुसरियजुयन्तविन्भसमारुयपल्हत्थतुंगतरुमहणं । उद्घट्टियसोडालक्खलक्खिहीरन्तगयजूहं ॥ २८८ ॥ इय घणभीसणग़ज्जियरवतिहुयणजणियप्रलयपडिसंकं । पसरइ गुरुणो मुहझाणविहडणत्थम्मि गुरुवासं ॥ २८९ ॥
एवं च वियम्भिए तियससंजणियगरुओक्सग्गे पंवटिए पउरथोरणीरधाराणिवाए तओ पवित्थरन्तथिरसुइज्झवसाणस्स मेरुस्स व णिप्पयंपतणुगो भयवओ ण चक्खुपसरस्स संखोहो रक्खसदसणेणं, ॥ सवणाण घणघणुग्योसेणं, ण मण-कायाणं घोरासणिणा । अवगणियासेसोवसग्गस्स य लग्गं णासियाविवरं जाव सलिलं । एत्थावसरम्मि य चलियमासणं धरणराइणो । उत्तोहिणा य मुणिओ भयवओ वइयरो। ताव य सरयकालो व ससियरुज्जला समुत्थियो पडिपेल्लिऊण पाउसं । कहं चिय?
णवरि य फुरन्तपम्हउडतरलतारयचलच्छिवचाहिं । लीलापलोयणुव्वेलधवलकासप्पहिल्लाहि ॥ २९०॥ भरपरिमायबिम्बासम्बबिउणसोहाहरुब्भडिल्लाहिं । परितणुयणासियावंसमुहयसंजणियवयणाहि ।। २९१ ।। सुविसदृ सरसतामरससुरहिणीसासपवणवयणाहि । झुलंतकण्णकोंडलकवोलसंकेतकंतीहिं ।। २९२ ॥ भूभंगविब्भमाणियमणहरसोहग्गगारविल्लाहिं । परितरलालयघोलन्तवल्लरीलुलियभालाहि ।। २९३ ।। अमकसगंजणसच्छहलुलिउच्वेल्लन्तचिहुरभाराहिं । सिरणिबडन्तफणिफुरियफारफुक्कारफाराहि ॥ २९४ ।। उत्तुंगपीणपीवरथणवट्ठणिहित्ततरलहाराहि । कोमलमुणालियावलयविभमुभासियभुयाहि ॥ २९५ ॥ वियडणियंबालम्बियकलकणिररगतकंचिदामाहिं । तिवलीतरंगसंगयमणहरमज्झप्पएसाहिं ।। २९६ ॥ णिच्छल्लियरंभागम्भकंदलुज्जलवरोरुजुयलाहिं । कंकेल्लिपल्लवारुणमणहर्रवरचलणमम्गाहिं ।। ।। २९७ ।। इय एरिसाहिं सुंदरलायण्णापुण्णसयलदेहाहि । णियपणइणीहि समयं पत्तो धरणाहिवो तत्थ ॥ २९८ ॥
दिट्ठो य भयवं विज्जुलाणलजलियघणसलिलसंपायपरिक्खित्तो पलयजलणजालाकबलिज्जमाणजलणि हिपरिडिओ न महिहरो। तओ टूण अप्फुण्णसयलणहमंडलोहोयं सरयंबुरुहरविविब्भमं विरइयं भयवओ उवरि फणसहस्सायवचं । दरूपणयफणाणिहायत्तणो ण णिचडन्ति विसया वि सोयामणिप्पयरा, गायवलयपीढुण्णासियत्तणओ य.ण पदवइ तणुम्मि जलावगाहो, अणेयतालियाउज्ज-वेणु-वीणाणिणायभरियंवरत्तणओ य णोवलैंकिखज्जइ घणघणुग्योसो।
एयारिसम्मि य समए भयवं तारिसेणावि मणयं पिणकयमणवेयल्लो अवमण्णियासेसोवसग्माइसओ पजलियतिब्वझागाणलो य पयत्तो कम्मकाणणं डहिउं।
ता पेच्छइ फगमंडवपडिहयघणमंडलम्मि सो तियसो। फणिमगिदीबसिहाभिण्णजलयतिमिरम्मि जिणयंद ।।२९९॥ भुवइंदधवलतणुपीढवियडसंकेतकन्तकमजुयलं । कलहोयगंडसेलोवरिद्वियं जलयबिम्ब व ॥ ३००॥ जोयणमेत्तरपसरपेल्लियं णियइ सलिलसंघायं । आबद्धवियडमंडल्टंकच्छेओरहित्तं व ॥३०१॥ जयगुरुपुरो पज्जलियफणिसिहापसरपहपरिक्खित्तं । णिययासणि व विज्झायमाणकसणं भुययलोयं ॥ ३०२ ।।
१ गभीसणं सजे । २ लावयास सू। ३ 'बहुविहा विजे । ४ पट्टिए सू। ५ पउत्तो ओही । मुं सू । ६ झोलत: सू । ७ गतारवि सु। ८ 'रयर सू। ९ लाहोयसरयंबुरुहविन्भमं सू । १० लक्खिज्जति घणुग्घोसा जे । ११ तवियडकम जे ।