Book Title: Chaupannamahapurischariyam
Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad
View full book text ________________
चपन्नमहापारसचारय।
संजमुज्जुत्तमाणसो फासुयसेज्जा-ऽऽसण-भत्त-पाणणिरओ धम्मज्झाणणिहित्तचित्तो गमेइ कालं ति ।
इओ य सो कमढपरिवाइओ सहोयरवावायणेणावि गोवसन्तकसाओ समहियपयट्टज्यवसाणो णियआउयपरिणईए कयपाणपरिचाओ समुप्पण्णो कुक्कुडसप्पभावेणं । संजायसरीरोवचएण सयलसत्तसंहारकारी पयत्तो पुहईए पयरि। परिब्भमंतस्स य तस्स णिवडिओ दिद्विगोयरम्मि सो सलिलाहारणिमित्तमागी वणकरी। पीयं च रवियरपरियावणाफामुयं सलिलं । णिग्गच्छमाणो य भवियव्ययाए खुत्तो महल्लचिक्खल्लम्मि । णित्थामत्तणओ णिग्गंतुमपारंतो गयवरो पुब्बभवुप्पण्णकोवाइसएण य समुप्पइऊण कवलिओ कुंभभायम्मि कुक्कुडभुयंगमेणं । तओ मुणिऊण तन्विहविहाणमत्तणो गयवरो सुमरिऊण गुरुदिण्णोवएसं काऊण चउन्विहाहारपञ्चक्खाणं भाविउं पयत्तो, कह ?
सव्वेण वि मरियव्वं जाएण जिएण केणइ निहेण । सयलम्मि जीवलोयम्मि गृणमेस चिय जयठिई ॥ ५५ ॥ ता मरियव्वं जैइ तह विवेइणो होइ जेण जायन्ति । ण उणो पुणो वि कुगतीलंभुन्भडियाइं दुक्खाई ॥ ५६ :: तं तारिसं खु मरणं णवरं धम्माणुहावओ होइ । धम्माण वि जिणधम्मो णारय-तिरियुग्गदुइदलणो ॥ ५७ ॥ संपत्तो सो य मए पुचि सुकयाणुहावसेसेण । सयलसुरा-ऽसुर-सिवसोक्खहेउभूओ जिणपणीओ ॥ ५८॥ ता वोसिरॉमि तिविहेण कसाए हासछक्कयं चेय। राग-द्दोसे अरई दुग्गुच्छं चेव विसयासं॥ ५९॥ एवं संकाईए दोसे 'तिण्णि विणिरागरेऊण । परतित्थपसंसासेवलंछणं छड्डिऊण दढं ॥ ६०॥ संगं सवाहिरऽभितरं तहा अट्ट-रोद्दझाणे य । आराहिऊण दंसण-णाण-चरित्ते महासत्तो ।। ६१ ॥ धम्मज्झाणोवगओ णमो जिणाणं ति सुहसमिद्धाणं । सिद्धाईणं च तहा पुणो पुणुच्चारणसयाहो ॥ ६२॥ इय विहिणा करिराया कालं काऊण तत्थ सुद्धमती । उववण्णो सुरलोगुत्तमम्मि सहसास्कप्पम्मि ॥ ६३ ॥
एवं च मणि-रयण-कणयभवणोवसोहिए णिम्मलफलिहभित्तित्थलणिहित्तणियडपडिबिंबे दसद्धवररयणविप्फुरियकिरणुज्जोइयम्मि सुज्जप्पहविमाणम्मि समुप्पण्णो दियवराहिहाणो सत्तरससागरोवमाऊ सुरवरो । तत्थ य सयलसमीहियसंपत्तिपत्तसोहं विसयमुहमणुहवन्तस्स गओ कोइ कालो।
सो वि हु कुक्कुडभुयंगमो अहाउयक्खएणं कालं काऊण समुप्पण्णो विचित्तवियणाउराए पंचमाए गरयपुढवीए सत्तरससागरोवमाऊ चेय णारओ त्ति ।
तत्थ य छिंदण-भिंदण-विद्धंसण-सूलेरोहणादीणि । कर-चरण-कण्ण-जीहोट-णासियाछिंदणदुहाणि ॥ ६४ ॥ तह कूडसामलीविलइयचकयकुंभिपायपउराई । करवत्तदन्तफालणदुहाइं इय एवमादीणि ॥६५॥ उवभुंजन्तस्स तहिं णिविसं पि ण होइ पाववसयस्स । वीसीमो अहियं कमढजंतुणो णिरयमज्झम्मि ॥ ६६ ॥ इय पावपरिणइं भाविऊण मणुएहि मणुयजम्मम्मि । तं कायध्वं ण य हौति जेण णिरयाई दुक्खाई ॥ ६७॥
इओ य सो सुरवरो णियआउयावसाणम्मि दियलोयाओ चुओ समाणो समुप्पण्णो इहेव जंबुद्दीवे दीवे पुष्वविदेहे खेत्तम्मि सुकच्छविजए वेयड्ढणगवरम्मि तिलयणामाए णयरीए विज्जुगतिणामहेयस्स खैयराहिवइणो कणयतिलयाहिहाणाए वरग्गमहिसीए उदरम्मि पुत्तत्तगणं । जाओ कालकमेणं । पइटावियं च णामं किरणवेगो ति । वढिओ देहोवचएणं कला-गुणेहिं च । संपत्तो जोवणं । तओ सो विज्जुवेगखयरीसरो पणामिऊण णिययपुत्तस्स रज्जं पवण्णो सुयसागरगुरुसमीवम्मि पव्वजं । .' सो विहु किरणवेगो सुररायविच्छडुविन्भमं भुयबलुइलियासेसपडिवक्खलक्खं मुइरं रायलच्छिं भोत्तूण दाऊण किरणतेयणामस्स णिययपुत्तस्स रज्जं पवण्णो सुरगुरुमुणिणो समीवम्मि पन्चज । अहिन्जिय मुत्तं, अन्भुवगओ
पारयंतो जे । २ जइ इह वि जे । ३ हुजे। ४ वोसरामि सू। ५ चेव जे । ६ तिण्ड स। . सुरलोए उत्तमसहसा जे । ८ मणि-कण सू। १ लरोवणाईणि जे । १० वीसासो सू । ११ खइरा सू। १२ 'म्भमेणं भुजे।
Jain Education International
For Private & Personal Use Only
www.jainelibrary.org
Loading... Page Navigation 1 ... 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 