Book Title: Chaupannamahapurischariyam
Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad
View full book text ________________
२४७
५३ पाससामिचरियं । चौजमिणं तं तारिसवित्थारियतरलतडिविलासिल्लं । परिगलियं कह खगगलियसोहमियमुयह घगजालं १ ॥१४॥ सवाण वि एस गती जयम्मि भावाण संभवन्ताण । संसारे बहुविहदुक्खलक्खखयसोक्खपसरम्मि ॥१५॥ जेण जुवाणत्ते णियमुरूयसोहग्गगविएण दढं । परिसकिज्जइ उम्मुहवित्थारियगयणमग्गेण ॥ १६ ॥ तेणेय जराजन्जरपरिणामोअल्लतणुविहाएग । अग्णंसाऽऽसत्तकरेग णीसहं वेविरंगेण ॥ १७॥ णयणाई जाइं लीलापलोयणोप्पियमयाई तरुणीण । आसि पुणो वयविरमम्मि ताई अण्णारिसाई व ॥ १८॥ सवणा जे आसि कलुल्लसन्तगंधवलालसा सुइरं । सग्णाविहावियत्या वयपरिणामम्मि ते चेय ॥ १९ ॥ जो आसि भमिरभमरंजणुज्जलो कसणकेसपन्भारो । सो चेय विसयवोसट्टकासकुसुमप्पहो होइ ॥ २० ॥ 'इय सव्वस्स वि वयपरिणईए जायंति जंतुणो भावा । एयारिस' त्ति कलिऊण तेण धम्मुज्जमो जुत्तों ॥ २१ ॥
अण्णं च
जीवो अणादिबहुभवकालज्जियगरुयकम्मसंताणो । परिभमइ दुहसयावत्तदुग्गमे भवसमुद्दम्मि ॥ २२ ॥ णरयम्मि णिययकयकम्मवसपरब्यसपगामियप्पाणो । अणुहवइ विविहसत्थाहिघायसंजणियवियणाओ ।। २३ ॥ तिरियत्तणे वि वाहण-डहणं-उंकण-कण्णकप्पणादीणि । अणुहवइ विविहदुक्खाई खु-प्पिवासापरिस्संतो ॥ २४ ॥ माणुस्सम्मि वि दारिद्ददोस-दोहग्गदूसियावयवो । जम्मं विसयासासंपडतदुहिओ समागमइ ॥ २५ ॥ अह कह वि विसयसंपत्तिपत्तसोक्खो खणं मुही होई । पियविरह-ऽप्पियजणसंपओयजणिय दुहं लहइ ।। २६ ।। देवत्तणे वि दट्टुं महिड्ढि-सक्काइणो सुरसमूहा । जणियाहिओग्गमीसावसाइयं लहइ बहु दुक्खं ॥ २७ ॥ इय एरिसम्मि वित्थयदुहणियरपरंपराविसालम्मि । संसारे सविवेयस्स कस्स वा होज ण विराओ ? ॥२८॥
तओ एवंविहं परियत्तियरसभावन्तरं णरवई दट्ठण भगिउं पयत्तो सयलो वि सुंदरीयणो जहा-अजउत्त! किमेयमयंडे चेव तुम्हाण एरिसमसमंजसं जंपियं ? जेण दरिसियरसंतरायारो पल्लट्टियरूको विव लक्खिज्जसि, कर्हि गया ते तुह तरलतारउव्वत्तलोललोयणा दरफुरन्तपम्हपडला पलोइयत्ववियारा ?, कर्हि वा विलासकयभूभंगविन्भमुब्भेयभूसणपरम्मुहो भालमग्गो ?, कहि वा ववएसजंपिउप्पण्णबहुपियप्पयप्पयारपउराई पवरजंपियवाई?, कहिं वा हिययभितरपवियंभिउब्भडुकंठसिट्ठलट्ठसंठाणो रमियन्याहिलासो ? ति, ता केण वा दंसियं तुम्हाण विलीयं ?, केण वा कयमाणाखंडणं ?, केण वाऽवरद्धं ? । ति भणमाणस्स दइयाजणस्स भणियं परवडणा-ण खलु तुम्हाण केणावि पडिकूलमायरियं, किंतु सव्वमेयमवितहं संसारविलसियं संभाविजइ, जेग कम्मपरिणइवेंसगयस्स जंतुगो पिओ वि अप्पिी , अणुकूलो वि पडिकूलो, सुयणो वि दुजणो, मित्तो वि सत्तू, संपया वि आवया, कलत्तं पि गोत्ती, रज्जं पि मच्चु त्ति । कह ?
जह पवरचित्तभित्ती सलिलुप्पुसिया ण देइ परभायं । तह जर-मरणालिद्धं तणू वि सोहं ण पावेइ ॥ २९ ॥ जह णिण्णयाओ उवहिम्मि ण य णियत्तन्ति णिवडियाओ पुणो । तह ण पुणो पल्लति तणुम्मि रूवाइसोहग्गं ॥३०॥
जह उग्गओ रवी णहयलम्मि ण खणं पि णिश्चलो होइ । तह तारुण्णं जीवाणं होइ ण थिरं मुहुत्तं पि ॥३१॥ मारुयविहट्टियं णेय होइ जह तरुदलं खणं पि थिरं । तह विविहवाहिकलियं जियाण जीयं जए ण थिरं ॥३२॥ जह सुसियपायवे णेय होन्ति वेल्लहलपल्लवुप्पीला । विसयविलासा जायन्ति णेय तह परिणए देहे ॥ ३३ ॥
१ 'यगमणम जे । २ 'हाणेण सू । ३ ॥२१॥ इच्चैवमादि बहुहा अणिच्चाइभावणागणं भावयन्तो भणिओ सयलतेउरसुंदरीहि जहा-अजउत्त! किमेयमकंडम्मि चेय तुम्हाण एरिसमसमंजसं जंपियं? जेण दरिसियरसंतराउरो य पल्लष्ट्रियसवो इव लक्खिग्जसि, परिहरियसय. 'लहावभावो हिंययम्मि किं पि चिंतयंतो चिट्ठसि, ता केण वा दसिय तुम्हाण विलीयं ! केण वा जे, (२८ गाथानन्तरम्) । ४ तुम्ह के सू। ५ 'वसमुवगयस्स जे।
Jain Education International
For Private & Personal use only
.
www.jainelibrary.org
Loading... Page Navigation 1 ... 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 