Chaupannamahapurischariyam

Author(s): Shilankacharya, Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad

Page 268

__४९-५०-५१ अरिट्ठणेमि-कण्हवासुदेव-बलदेवबलदेवाण चरियं ।
१८५ जहा-सामो भेदो उपप्पयाणं दंडो ति । तत्थ जो पढमो ओ सो तेण सममम्हाण दूरओ विहडति, जओ सो अम्ह गोत्तकित्तणायण्णणेणावि दंडाहयभुयंगमो व्ध रोसबसविसंखलुच्छलियफारफुकारभीसणो हवइ । बीयणओ वि हुण घडइ पउंजिउं, तेणाणेयसम्माणदागाइणा समावन्जिओ सामन्तलोओ इच्छइ विहुरम्मिणियजीविएणात्रि' तस्स रिणमोक्खणं काउं ति । उपप्पयाणं पि दरमोसकं, कई ? -तज्जणियपसायाणंतजायभंडारसारमणि-कणय रयणपूरणवियण्हीकओ सयलो वि पयइबग्गो, सो य उवप्पयाणेण घेत्तुं ण तीरए । तओ एवमवत्थियम्मि एत्थ चउत्थोवायरस पत्थावो त्ति मह मती। तहा अण्णेहिं पुण णीती-णयवियाणएहिमेयमभिहियं-बलवयाहिउत्तस्स विएसगमणं, तयणुपवेसो वा । ऐयं तु अच्चंतपोरुसप्पहाणभडयणाहिद्विएम णिययवलमाहप्पावमणियमहिंदेसु राम-केसवेसुं साहीणेसुण लब्भए काउं। तहा अम्ह उण मयमेवंविहं जहा
आहिउत्तो जया पस्से ण किंचि मुहमप्पणो । जुझियव्यं तया होइ, फुडमेसो उवक्कमो"॥७४ ॥
तओ एयभणियाणंतरं 'साहु साहु' ति समत्तसामन्तलोएणाभिणंदिऊण भोयणरिंदवयणं भणियं च- अहो ! णीतिकुसलत्तणं, अहो ! वयणविण्णासो, अहो! सत्थत्थावगाहणया, अहो! वीरगरुयत्तणं, अम्हाण वि एस अहिप्याओ। त्ति भणिऊण पलोइयं परिंदसमुद्दविजयस्साहिमुहं । पहुणा वि वहुमण्णिऊण तं वयणं भणियं च-"मम चिय हियएण मन्तियं, कहं चिय?
दप्पियपडिवक्खं पति सामो भीरुत्तणप्फलो होइ । तरुणजरस्स व जुंजइ समोसहं कोवकरणाय ।। ७५ ॥ भेओ य कुडिलवंचणपणासितुत्तम्ममुहडमाहप्पो । पिमुणत्तणप्फलो होइ साहुपुरिसाण मज्झम्मि ।। ७६॥
तह या उपप्पयाणं पि माणिणो माणमलणमुबहइ । गलियावलेवपिसुणो जेण सकप्पो तणीकारो ।। ७७ ॥ तओं तस्स दप्पपरिसाडणं पति डंडो चिय पउंजिउं जुज्जइ । सो वि अहिमुहपस्थाणेणं, ण उण दुग्गासयणेणं । जओ दुग्गासयणेणं भीरुत्तणं णिचडइ, णियभूमिभाओ य हारिओ होइ । सम्मुहर्पत्थाणे उण तस्स मणचमकारो जायइ, सदेसपरिरक्खणं कयं होइ, परिरक्खिओ य सहायकिच्चमावहइ । अओ हेउवाएयपरियप्पणया दंडो ममं पि अहिमओ"। ति भणिऊण जहाजोग्गं सम्माणिय विसज्जियासेससामंतो अंतेउरमुवगओ राया । तत्थ य ललियविलासिणिकरयलसंवाहियावयवो मुहुत्तन्तरं णिद्दासुहमणुहविऊण विउद्धो । एत्थ पत्थावम्मि पढियं बंदिणा
णिठुरकरजालपहारविसममुसुमूरियारितमचको । सव्वजणोवरि जाओ मूरो तुह पंहु ! पयावो व्य ।। ७८ ॥
तओ एयमायण्णिऊण कयमज्जण-भोयणावेसाणेणं णेमित्तियाणुमयसोहणदिणमुहुत्तेण किंकरकरऽप्फालियरणभेरीसइमुहलं कयं अत्तणो बल-दामोयराणं च पत्थाणमंगलं ति। अवि य-णीहरंति कैरडयडपलोट्टबहलमयजलोल्लियमहियलाओ मेहमालाओ व गैइंदमंडलीओ, कड्ढिजति चेंडुलत्तणोसककपरिसकिरारुसियफॅरुफुराविओढउडखलविलसियाई व तरलतुरयथट्टाई, सज्जिजति घणघणासहतेड्डवियसिहंडिमंडला जलहर व्व रहवरुग्घाया, निग्गच्छइ य कुडिलैंकोंगिवग्गिरुम्मग्गलग्गरेल्लियजलणिहिजलं व पायालसेण्णं ति । एवमणवरयावूरिज्जमाणसाहूणोववेओ आवासिओ बाहिरोवत्थाणयपरिसरम्मि । तत्थ द्वियस्स य तप्पहियलेहवाहयाहूयमिलंताणुरत्तसामंतर्चेक्कस्स समइच्छिओ दिवसो। पढियं च बंदिणा
अत्थमइ अत्थगिरिमत्थयम्मि संपुण्णमंडलो सूरो । तुह उण खग्गे णरवइ ! अत्थाया सूरसंदोहा ॥ ७९ ॥
तओ तमायण्णिाऊण विसज्जियासेससेवयजणो रइहरमुवगओ राया। तत्थ य संझावैस्सयाइयं काऊण करणिज्ज णिसंग्णो वरपल्लंके पैत्थाणकहासंबद्धालावेहिं चेव किं पि वेलं गंमेऊण णाइदूरोवविठ्ठणरकलियवल्लईमहुरमणहरालत्तिगेयमिलियसंगीयसुसुहागयणिहाविणोयमणुहविउमाढत्तो। एत्थावसरम्मि य भडयणस्स के वावारा वटिउं पयत्ता ?, अवि य--
१ वि सामिणो रणमोजे । २ सयणीकओ जे । ३ एवं पि अं जे । ४ प्पा वंदियमहि सू । ५ अहिउत्तो सू । ६ मम च हिंजे। ७ जुज्जतमोसह सू। ८ पत्थाणेण तस्स चम सू । ९ य सेसणरिंदो(?दे) विसचिऊण अन्तेउर सू। १० बहु जे । "वसाणे णे जे। १२ कडयां सू। १३ गयंद सू। १४ चटुल सू। १५ फुरफुरा जे। १६ तडुत्तिय जे। १७ 'लकोगि सू। १८ 'चकस्साइच्छिओ जे । १९ वस्सय सू। २० ष्णो पल्लंके सू। २१ पत्थाणसंबदकहालावेहि चेय जे ।।
Jain Education Interyonal