________________
૧૧૬
પ્રકરણ : ૬
આત્મસાધનાના અમૃત અનુષ્ઠાન
૧૧૭ કરશું. જો તમે મને સાથ આપશો અને રુચિપૂર્વક અભ્યાસ કરવાને માટે તૈયારી કરશો તો જ્ઞાનીની ગેરન્ટી છે કે ભક્તિથી મોક્ષ ક્ષણવારમાં થશે, જુઓ. કેવી ગેરન્ટી છે :
ભક્તિ એ સર્વોપરી માર્ગ છે, અને તે પુરુષના ચરણ સમીપ રહીને થાય તો ક્ષણવારમાં મોક્ષ કરી દે તેવો પદાર્થ છે.”
(શ્રીમદ્ રાજચંદ્ર વચનામૃત પત્રાંક ૨૦૧) ‘ભલું થયું મેં પ્રભુ ગુણ ગાયા, રસનાનો ફલ લીધો રે, દેવચંદ્ર કહે મહારા મનનો, સકલ મનોરથ સીધો રે.'
(શ્રી શાંતિનાથ ભગવાનનું સ્તવન - દેવચંદ્રજી)
પ્રકરણ-૬ નો સાર - ઉપદેશ આ પ્રકરણમાં આપણે શ્રી આનંદઘનજી, ઉપાધ્યાય શ્રી યશોવિજયજી, વાચક દેવચંદ્રજી, કૃપાળુ દેવ શ્રીમદ્ રાજચંદ્રજી અને શ્રી મોહનવિજયજીના જીવન-કવન વિષે સંક્ષેપમાં જાણ્યું. ગુજરાતને આંગણે થયેલા આ જૈનદર્શનના જયોર્તિધરો નાની બાળવયે જ ત્યાગવૈરાગ્યના માર્ગે વળ્યા અને ગુરુઆજ્ઞામાં દેઢ નિષ્ઠાથી ૨૦-૨૧ વર્ષે તો શાસ્ત્રોના અને આગમોના પારંગત થઈ પોતે સમર્થ આત્મજ્ઞાની અને જ્ઞાનયોગી બન્યા.
પોતાનું કલ્યાણ તો અવશ્ય આ પાંચે મહાત્માઓએ કર્યું પણ તે સાથે સમાજના આત્મકલ્યાણ માટે કેવો અકલ્પનીય પુરુષાર્થ કર્યો અને સર્વ આગમોના નિચોડરૂપે ઉત્તમ શાસ્ત્રો રચ્યા અને અમૂલ્ય, અલૌકિક સ્તવનોની રચના કરી, પ્રેમલક્ષણાથી કરીને તત્ત્વભક્તિ અને પરાભક્તિનો સરળ, સુગમ, રોચક, સૌ કોઇ ગાવા સાથે તેનું ચિંતન-મનન કરી આત્મિક આનંદ પ્રાપ્ત કરી શકે છે
આ પાંચે મહાપુરુષો મારા માથાના મુગટમણિ સમાન છે. તેઓશ્રીના સ્તવનો અધ્યાત્મપદો રોમેરોમે મને નિરંતર ભક્તિરસમાં નિમગ્ન કરે છે એવું તો એમાં દૈવત્વ છે એટલે મને તો “રાંકના હાથમાં રતન' મળી ગયું એવો હર હંમેશ ભાસ થાય છે.
‘ભક્તિમાર્ગથી અહંકાર મટે છે અને સીધા મોક્ષમાર્ગે ચાલી શકાય છેઆ શ્રીમદ્ રાજચંદ્રજીનું અમૃતવચન સાવ સાચું ઠરે છે. આ પાંચે મહાત્માઓની ગુરુકપા જ મને આ “આત્મસાધનાના ભક્તિયોગના અમૃત અનુષ્ઠાનો” લખવામાં મુખ્ય આલંબન અને પ્રેરણાદાયી બન્યું છે.
આ ભક્તિરસને માણવા હવેના ચાર પ્રકરણોમાં આ મહાત્માઓના સ્તવનો અને વચનો તથા પદોની યથાશક્તિ વિચારણા
