________________
૧૩૮
પ્રકરણ : ૭ દેવોમાં ચંદ્રમા સમાન તીર્થંકરદેવની સેવા અમૃત અનુષ્ઠાનવાળી અલૌકિક પ્રીતિ-ભક્તિ-આજ્ઞા આરાધનાથી સાધક આત્મા અવિચળ ગુણગેહ પામે અર્થાત અવિચળ એટલે શાશ્વત અવ્યાબાધ અનંત સુખોનો ગેહ એટલે સિદ્ધદશારૂપ સિદ્ધાલયમાં સ્થિતિ કરે જયાંથી ક્યારે પણ ફરી જન્મ-મરણના ફેરા કરવાના નથી હોતા અને સાદિ અનંતો કાળ તે આત્મા પરમાત્મદશામાં અનંત સુખોને આસ્વાદે છે. જુઓ આ સિદ્ધદશાનું વર્ણન :
એક પરમાણું માત્રની મળે ન સ્પર્શતા, પૂર્ણ કલંક રહિત અડોલ સ્વરૂપ જો, શુદ્ધ નિરંજન ચૈતન્યમૂર્તિ અનન્યમય, અગુરુ લઘુ અમૂર્ત સહજપદરૂપ જો, અપૂર્વ અવસર એવો ક્યારે આવશે? પૂર્વપ્રયોગાદિ કારણના યોગથી, ઉર્ધ્વગમન સિદ્ધાલય પ્રાપ્ત સુસ્થિત જો, સાદિ અનંત અનંત સમાધિ સુખમાં, અનંત દર્શન જ્ઞાન અનંત સહિત જો. અપૂર્વ અવસર એવો ક્યારે આવશે?
(શ્રીમદ્ રાજચંદ્રજી પ્રણિત - અપૂર્વ અવસર)
આત્મસાધનાના અમૃત અનુષ્ઠાન
૧૩૯ ૩. મહોપાધ્યાય શ્રી યશોવિજયજી કૃત
શ્રી અનંતનાથજીનું સ્તવન શ્રી અનંત જિનશું કરો, સાહેલડિયાં, ચોળ મજીઠનો રંગ રે, ગુણવેલડિયાં, સાચો રંગ તે ધર્મનો સાહેલડિયાં,
બીજો રંગ પતંગ રે ગુણવેલડિયાં (૧) અનંત કર્મોનો નાશ થવાથી જેમણે અનંતજ્ઞાનાદિ ગુણો, સર્વજ્ઞતા અને વીતરાગતા પ્રાપ્ત કરી છે એવા ચૌદમા શ્રી અનંતનાથ ભગવાનનું ગુણગાન કરતા એવા ભવ્ય જીવોને સાહેલડિયા એટલે સન્મિત્રોને શ્રી યશોવિયજી મ. કહે છે કે હે ભવ્ય જીવો! તમે સાંસારિક પદાર્થો જેવા કે ધન-કુટુંબ, અને ભોગપભોગના સાધનો ઉપર અનાદિકાળના અજ્ઞાનને લીધે જે અપ્રશસ્તરાગ (અશુભ રાગ) કરી રહ્યા છો તેને દૂર કરી હવે અનંતનાથ પ્રભુ પ્રત્યે પ્રશસ્ત રાગ કરો અને તે ભક્તિરાગ ચોળમજીઠના રંગ જેવો પાકો, દેઢ રાગ કરો કે જે ક્યારે પણ ઓછો ન થાય અને જાય જ નહિ. મજીઠ માટે એમ કહેવાય છે કે તેનાથી રંગેલા વસ્ત્રો સમય જતાં ફાટી જાય પણ રંગ તો તાણા-વાણાંમાંથી કદી જાય જ નહિ, ઉતરે જ નહિ. તેવી જ રીતે પ્રભુ પ્રત્યેનો પ્રશસ્તરોગ, પ્રીતિ, રોમેરોમ પરિણવો જોઈએ. પ્રથમ ગાથાના ઉત્તરાર્ધમાં સમજાવે છે કે પ્રભુ પરનો પ્રશસ્તરાગ તે ખરેખર “આત્મધર્મ” પ્રત્યેનો રાગ છે અને તે જો વધતો રહે અને ટકી રહે તો સત્પરુષ કે સદેવ એવા અનંત નાથ ભગવાન પ્રત્યેનો રાગ સાધકના અનંતભવનું ભ્રમણ ટાળે છે અને તેનો સંસાર હવે અલ્પ થઈ જતાં, પ્રાન્ત તે પ્રશસ્તરાગ શુદ્ધભાવ રૂપે પરિણમે છે અને મોક્ષનું પ્રબળ કારણ બને છે. આત્મિક રાગનો આવો દિવ્ય પ્રભાવ છે કે જીવને શીવ બનાવે છે, જ્યારે સંસારના પુદ્ગલપદાર્થોનો રાગ તે ખોટો છે, પતંગના રંગ
નોંધ: મહાત્મા ગાંધીજીએ શ્રીમદ્ રાજચંદ્રજી પ્રણીત આ “અપૂર્વ અવસર” ની અલૌકિક રચનાને આશ્રમ ભજનાવલીમાં પ્રગટ કરી છે. જેનું કાકાસાહેબ કાલેલકરે ઘણું જ બહુમાન કરેલ છે.
