________________
સ્થિતિ આવી છે. માટે જ એ જીવતો નથી... શું અખંડ આનંદમય આત્મસ્વરૂપનું જીવન દુઃખમય હોઈ શકે? શું પરમ સમાધિસ્વરૂપ આત્માનું જીવન સંક્લેશસભર હોઈ શકે ? શું શાશ્વત સુખમય આત્માનું જીવન ક્ષણિક સુખોની શોધરૂપ હોઈ શકે ? પેંગ્વિન એન્ટાર્ટિકામાં જીવે છે, રેગિસ્તાનમાં મૃત્યુ પામે છે. આત્મા આત્મસ્વભાવમાં જીવે છે, પરભાવમાં મૃત્યુ પામે છે. સ્વભાવમાં અંતર્ભાવ એ જ જીવન. પરભાવમાં પ્રવેશ એ જ મૃત્યુ. માટે જ ઉપદેશસર્વસ્વ છે
-
આપ સ્વભાવમાં રે અવધૂ ! સદા મગન મેં અના
બાહ્યટષ્ટિએ અવધૂત લતાગૃહમાં છે, પણ આંતરદૃષ્ટિએ એ આત્મગૃહમાં છે. આત્માનુશાસન દ્વારા એ પોતાની આત્મસ્વભાવનિવાસિતાને સુરક્ષિત કરી રહ્યા છે. અવધૂતનો આત્મા આત્મનિલીન છે. પણ ‘મન’ ની વાત થોડી ન્યારી છે. એ હજી ય સમસ્યાઓમાં અટવાય છે.... કેમ ? શા માટે ? કાં ગુનાની આ સજા? એ પરિવારનું શું બગાડયું હતું, કે આટલી હદનો દુર્વ્યવહાર કર્યો? અવધૂત એક નાના બાળકને સમજાવતા હોય, એ રીતે મનનું સમાધાન કરે છે જગત જીવ હૈ કર્માધીના અરિજ કછુઅ ન લીના
આશ્ચર્ય માત્ર અસામાન્ય ઘટનાનું હોવું જોઈએ. જગતના જીવો કર્માધીન છે, અને તેમનામાં આવી ઘટના સામાન્ય છે. સૂર્ય
17
