________________
બંધક મુનિ અંતકૃત કેવલી બની ગયા. આ યાદીનો અંત આવે તેમ નથી. કારણ કે અનંતાનંત આત્માઓ પરમેશ્વર પદ પામ્યા તેના મૂળમાં એક જ કારણ હતું – રાગ-દ્વેષનો ત્યાગ. જ્યારે પણ આપણો ય મોક્ષ થશે ત્યારે તેનું કારણ પણ આ જ હશે - રાગદ્વેષનો ત્યાગ. માટે જ અવધૂત કહે છે –
જબ તુમ ઉનકો દૂર કરીસા
તબ તુમ જગ કા ઈસા એક હતો સિંહ. એની પાસે એક ઉંદર આવ્યો. એનું રડમસ મોટું જોઈને સિંહને દયા આવી ગઈ. સિંહે એને આગમનનું કારણ પૂછ્યું. ઉંદરે આપવીતી રજુ કરી.. “મારું જીવવું જ ઝેર થઈ ગયું છે. બધાં મને હેરાન કરે છે. સતાવે છે. મને ખાઈ જવાની ધમકી આપે છે. હાથી, વાઘ, વરૂ, ચિત્તો.. અરે. સસલાઓ પણ મારી મશ્કરી કરે છે. હું તો દુઃખી થઈ ગયો છું. તમારી પાસે મોટી, આશા લઈને આવ્યો છું. તમે તો જંગલના રાજા છો. કોઈ એવો ઉપાય બતાવો, કે જેનાથી મારા બધાં દુઃખો દૂર થઈ જાય.”
હં...” સિંહે એનું મગજ દોડાવવાનું ચાલુ કર્યું. થોડી ક્ષણો વિચારીને એણે કહ્યું, “ઉપાય છે, અને સચોટ ઉપાય છે.” ઉંદર તો રાજીના રેડ થઈ ગયો... “કયો ઉપાય?” સિંહે કહ્યું,
બસ, તું સિંહ થઈ જા. પછી તને કોઈ નહીં સતાવે.” ઉંદર તો નાચવા જ લાગ્યો... વાહ... કેવો સરસ ઉપાય! અચાનક એને કંઈક ભાન થયું. એણે સિંહને પૂછ્યું, “પણ મારે સિંહ થવું કઈ રીતે?” સિંહે ઠાવકા મોઢે જવાબ આપ્યો, “એ તું જાણે. મેં તો તને ઉપાય કહી દીધો.” બિચારો ઉંદર.. આકાશમાંથી પાછો
-- 70
