________________
સુધીમાં એ એક સામાન્ય નાગરિક બની ગયા હતાં. ગામલોકો સમક્ષ તે ઉપસ્થિત થયા, લોકોએ કહી દીધું, “અમારે તમને પસ્તીથી તોલવા છે.”
કબારીક કાજી કબાટીક પાજી જે શાહજહાં સોનાની પ્યાલીમાં પાણી પીતો હતો, એને જ માટીના ઠીકરામાં પાણી પીવાના દિવસ આવ્યા. જે નેપોલિયન આલ્પસ પર્વતને ય બાજુમાં હટાવી શકતો હતો, એને જ બે બદામની નોકરાણી ખાતર બાજુમાં ખસવું પડ્યું. જે સિકંદર સોનાના ઢગલાઓમાં આળોટતો હતો, એને જ ખાલી હાથે રવાના થવું પડ્યું. જે રાજીવ ગાંધીનું જ્યાં જાય ત્યાં રેડકાર્પેટથી સ્વાગત થતું હતું. એના જ બોંબ વિસ્ફોટમાં ફુરચે - ફૂરચા ઉડી ગયા. જ્ઞાનસારમાં કહ્યું છે –
येषां भ्रूभङ्गमात्रेण, भज्यन्ते पर्वता अपि ।
तैरहो कर्मवैषम्ये, भूपैर्भिक्षाऽपि नाप्यते ॥ જેમની આંખના ઈશારાથી પર્વતો ય તૂટી જાય, એવા રાજા-મહારાજાઓના પણ કર્મો જ્યારે વીફરે છે, ત્યારે તેમને ભીખની એક રોટલી પણ મળતી નથી.
ક્યાં હસ્તિનાપુરમાં રાજમહેલમાં કિલ્લોલ કરતાં પાંડવો! ક્યાં ઈન્દ્રપ્રસ્થની સમૃદ્ધિમાં રાજ કરતાં પાંડવો! ક્યાં વનવગડાંની ઠોકરો ખાતાં પાંડવો! ક્યાં કોઈની નોકરી કરતાં પાંડવો! ને ક્યાં કડવા અપમાનોના ઘૂંટ ભરતા પાંડવો!
કબારીક કાજી કબાટીક પાજી
