________________
વચન-કર્મનો અંત થાય છે, આત્મા અનંત છે. પુદ્ગલ તદ્દન જડ છે, આત્મા જ્ઞાન-આનંદ-સ્વરૂપ છે. સિદ્ધના આત્મામાં જે નથી, એ બધું જ વિજાતીય છે. દેહ, મન, વચન, કર્મ... આમાંથી કશું થ સિદ્ધના આત્મામાં હોતું નથી. એક નાનકડો વિચાર પણ સિદ્ધના આત્મામાં હોતો નથી, માટે એ બધું જ વિજાતીય છે. સામધિતંત્રમાં કહ્યું છે–
यदन्तर्जल्पसम्पृक्त - मुत्प्रेक्षाजालमात्मनः ।
मूलं दुःखस्य तन्नाशे, शिष्टमिष्टं परं पदम् ॥
મનમાં સતત ચાલ્યા કરતો જે બબડાટ... જે સમગ્ર વિચારોની જંજાળ... એ જ સર્વ દુઃખોનું મૂળ છે. એનો નાશ થાય, એટલે પરમ પદ જ બાકી રહે છે. કારણ કે વાસ્તવમાં શુદ્ધ ઉપયોગ એ જ પરમ પદ છે.
શુદ્ધ ઉપયોગ ને સમતાધારી
સિદ્ધ આત્મામાં રાગ પણ નથી અને દ્વેષ પણ નથી, માત્ર સમભાવ છે, માટે સમભાવ એ આત્માનું સ્વરૂપ છે. રાગ અને દ્વેષ એ વિજાતીય છે. ઉપયોગની શુદ્ધિથી સમભાવનું પ્રાગટ્ય થાય છે. સમભાવના પ્રાગટ્યથી જ્ઞાન અને ધ્યાનની વિશુદ્ધતર દશા પ્રાપ્ત થાય છે.
શુદ્ધ ઉપયોગ ને સમતાધારી જ્ઞાન ધ્યાન મનોહારી
ચાલીશ વર્ષથી બાઈબલ પર પ્રવચન કરતાં એક ફાધર. એક વાર એમની પરીક્ષા કરવા માટે એક યુવાન તેમની પાસે
123
