________________
વધુ વિનાશી તું અવિનાશી, અબ હૈ ઈન કા વિલાસી II
વધુ સંગ જબ દૂર નિકાશી, તબ તુમ શિવ કા વાસી ૩
II॥
શરીર વિનાશી છે, તું અવિનાશી છે. તું એટલે જ સંસારમાં વિનાશ પામતો રહે છે, કે હમણા તું વિનાશીમાં વિલાસ કરે છે. પણ જ્યારે તું શરીરના સંગને દૂર કાઢી મુકીશ
ત્યારે તું શિવપદનો નિવાસી થઈ જઈશ, ખરેખર. એક હતી કોયલ. કોઈ કાગડાના માળામાં એણે પોતાનું ઈંડુ મુકી દીધું. કાગડાના ઈંડાની સાથે સાથે એનું ય સેવન થવા લાગ્યું. સમય પાક્યો. બચ્ચા બહાર નીકળ્યા. કોયલના બચ્ચાને ધીમે ધીમે ખ્યાલ આવવા લાગ્યો, કે આ બીજા બચ્ચા, એમના માતાપિતા એ અલગ છે, અને હું અલગ છું. ધીમે ધીમે એની સમજ દૃઢ થતી ગઈ ને જે દિવસે એ ઉડતા શીખ્યું, એ જ દિવસે એ ત્યાંથી રવાના થઈ ગયું.
વિચારવાની વાત એ છે કે કોયલ અને કાગડો એ બંને અલગ કેમ ? કહેવું પડશે કે બંનેના આકાર જુદા છે, અવાજ જુદા છે, સ્વભાવ જુદા છે, માટે એ બંને જુદા છે. આના પરથી એક વાત ફલિત થાય છે, કે જેમનો સ્વભાવ જુદો હોય, એ જુદા કહેવાય. જેમનો સ્વભાવ એક નથી, તેમને એક ન કહેવાય.
42
