________________
કરવો.
૧૦) શરીર જ મારો શત્રુ છે, એમ સમજીને એને અનુકૂળ પ્રવૃત્તિનો ત્યાગ કરવો. જેટલું શક્ય બને એમ શરીરને પ્રતિકૂળ પ્રવૃત્તિથી ટેવાઈ જવા પ્રયાસ કરવો. ૧૧) શરીરને ગમે, એવા સ્પર્શનો ત્યાગ કરવો, બ્રહ્મચર્યનો વ્યાપ જીવનમાં વધે, એ માટે પુરુષાર્થ કરવો. ૧૨) જે વાનગી ભાવતી હોય, તેનો સંપૂર્ણ કે શક્ય વધુ ને વધુ ત્યાગ કરવો. ૧૩) સેન્ટ-પરફ્યુમ-અત્તર વગેરે ન વાપરવા. ૧૪) ટી.વી., મોબાઈલ, સિનેમા, છાપા/ મેગેઝીન વગેરેનો સંપૂર્ણ ત્યાગ કરીને કે શક્ય એટલો વધુ ત્યાગ કરીને સ્વાધ્યાયમાં મગ્ન થવું. ૧૫) ફિલ્મી ગીતો વગેરે સાંભળવાને બદલે જિનવચન શ્રવણનો આગ્રહ રાખવો.
જ્યાં સુધી દેહલક્ષી કે ઈન્દ્રિયસુખલક્ષી પ્રવૃત્તિ ચાલુ છે, ત્યાં સુધી દેહાસક્તિ દૂર થવી શક્ય નથી. એ પ્રવૃત્તિ જ દેહાસક્તિના લક્ષણરૂપ છે. જેમ જેમ એ પ્રવૃત્તિઓ થતી જાય, તેમ તેમ દેહાસક્તિ વધતી જાય. શરીર પ્રત્યેનો મમત્વભાવ વૃદ્ધિ પામતો જાય. આથી ઉલ્ટ જેમ જેમ એ પ્રવૃત્તિઓ છૂટતી જાય, તેમ તેમ દેહાસક્તિ દૂર થતી જાય. આ એક સાર્વત્રિક નિયમ છે. જેમ જેમ કોઈ દોષને અનુરૂપ પ્રવૃત્તિ કરો, એમ એમ તે દોષ વધતો જાય. જેમ જેમ કોઈ ગુણને અનુરૂપ પ્રવૃત્તિ કરો, એમ એમ
—
— 57
—
—
