________________
જોઈને મુંબઈના મલબાર હોલવાળા દુઃખી થઈ ગયા. આખું મુંબઈ કદાચ એમની ઈર્ષ્યા કરતું હતું, પણ એમને એ, “રીચ એન્ડ પોશ’ ની ઈર્ષ્યા આવી ગઈ.. પોતાની જાત એની સરખામણીમાં ભિખારી જેવી લાગી. હવે પોતાનો વૈભવી ફ્લેટ ઝૂંપડા જેવો લાગે છે. બાથરૂમ કાલ-કોટડી જેવો લાગે છે. ઘરવખરી કચરાપેટી જેવી લાગે છે... ને પછી એ જ દશા થાય છે, જે દશા અનીશની થઈ... રાગ છે. દ્વેષ છે. આંખ મીંચીને કહી દો. દુઃખ છે છે ને છે જ.
રાગ ને રીસા હોય ખવીસા
એ તુમ દુઃખ કા દીસા જેમને જોઈને વાલકેશ્વરવાળા દુઃખી થઈ ગયા, એ શું સુખી હતા? ના, ત્યાં ય ઘરે ઘરે રામાયણ અને મહાભારત હતું. પરિવાર જેવું કોઈ તત્ત્વ જ રહ્યું ન હતું. ક્યાંક ચૌદ વર્ષની છોકરીથી માંડીને ચુમ્મોતેર વર્ષના દાદા સુધીના બધાં આડી લાઈને ચડેલા હતાં. ક્યાંક ડાયવોર્સ – પેપર પર સાઈન કરી આપવા માટે પતિ પત્નીની ભયંકર મારપીટ કરતો હતો. ક્યાંક હત્યા થઈ હતી, ક્યાંક આપઘાત થયાં હતાં, ક્યાંક કોર્ટના ધક્કા ચાલુ થઈ ગયા હતાં, ક્યાંક ગુંડાઓની અવર-જવર ચાલું થઈ ગઈ હતી, ક્યાંક દારૂ અને ડ્રગ્સ અડ્ડો જમાવીને બેઠા હતાં, ક્યાંક કેન્સર ને ગુપ્ત રોગોએ ધામા નાખ્યા હતાં. બહારથી “રીચ એન્ડ પોશ'.. ભીતરમાં ભિખારી કરતાં ય બદતર સ્થિતિ... કદાચ જાનવર કરતાં ય દયનીય સ્થિતિ... બે-ચાર ઘરોમાં એક પાગલ તો મળી જ આવે. એ ય દુઃખી.... પરિવાર પણ દુઃખી.. જાહેરમાં સ્મિત - -
- 65
