Akhyanakmanikosha

Book Title: Akhyanakmanikosha
Author(s): Nemichandrasuri, Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad

View full book textPrevious | Next

Page 324
________________

२३७
२६. जीवदयागुणवर्णनाधिकारे मेघाख्यानकम् जालावलिधूमेणं सुदूरमप्फुन्नविग्गहावयवो । एगागी नीहरिओ महया किच्छेण दावाओ॥२६॥ दवजलणदाहतावियतणुणा तत्तो तिसाभिभूएणं । तुच्छ जलं बहुकद्दममेगं पत्तं सरं तुमए ॥२६२।। तत्तो पिवासिओ तं पविससि पाहं ति पाणियं तम्मि । नवरमतित्थपवेसा खुत्तो पंके अगाहम्मि ॥२६३॥ तत्तो तं तयवत्थो दिट्टो तरुणण वेरिणा करिणा । विद्धो य पट्ठिभायम्मि दंतमुसलेहिं तेणावि ॥२६४॥ पंकम्मि खुत्तगत्तो पिवासिओ दंतमुसलजजरिओ । अणुभवसि सत्त दिवसाणि दुरहियासं महावियणं ॥२६५|| वीसाहियवरिससयं सव्वाउं पालिऊण तम्मि भवे । अदृवसट्टोवगओ मरिउं इह चेव भरहम्मि ॥२६६॥ सरसतरुराइरेहिरसर-सरियानियर निज्झराइन्ने । विंझगिरिपायमूले पुणरवि य गओ समुप्पन्नो ॥२६७॥ ससि-संख-कुंदधवलो चउदसणो गलियदाणगंडयलो । परिसकिरनवनीरयरेहासंगयहिमगिरि व्व ॥२६८॥ सुपसत्थलक्षणंकियसत्तसयपमाणगयपरीवारो । वियरसि तुमं जहिच्छं भयरहिओ विंझगिरिगहणे ॥२६९॥ परितुवणयरेहिं तत्थ वि मेरुप्पहो त्ति कयनामो । गिम्हम्मि नियसि वंसीसाहाघंसणसमुन्भूयं ॥२७०॥ खरपवणवसवियंभियजालामालियसमग्गगयणयलं । धूमंधयारवेविरसमत्थषणसावयसमूहं ॥२७॥ पज्जलियवणदवम्गि कत्थ वि मह एस दिट्टयुब्यो त्ति । इय ईहाकरणवसा सुमरसि तं मेह ! पुवभवं ॥२७२।। तो विनायं तुमए वणम्मि एसो भविस्सइ सया वि । ता एयरक्खणोवायमविकलं किंपि चिंतेमि ॥२७३।। जम्मंतरे वि अयं एयाओ पाविओ महावसणं । वणदवदाहभयाओ अणागयं निययबुद्धीए ।।२७४॥ आई-मज्झ-ऽवसाणे वासारत्तम्स थंडिलाण तिगं । तं कुणसि कयवराई तत्थगयं सव्वमवणे उं ॥२७५॥ इय जा निव्वुयहियओ चिट्ठसि ता वणदवम्मि पज्जलिए । नट्ठो भयभीयमणो पत्तो ता थंडिलं पढमं ॥२७६।। तम्मि रुरु-रोज्झ-संबर-ससय-तरच्छ-ऽच्छभल्लपभिईणं । बिलधम्मेणं चिट्टइ अरन्नसत्ताण संघाओ ॥२७७॥ तो तं मोत्तुंबीयम्मि वयसि तं पि हु तहेव पडिपुन्नं । तो तइए गंतूर्ण पविरलसत्तम्मि तं थक्को ॥२७८॥ उक्विवसि पायमेगं कंडुयगत्थं पुणो वि जा मुयसि । तो तम्मि पायठाणे पेल्लिज्जंतो बलिटेहिं ॥२७९॥ ससयसरूवो कोवि हु सत्तविसेसो ठिओ तयं मुणिउ । मा मारिजउ एसो मह पाएणं पमुक्केणं ॥२८॥ इय अणुकंपावसओ तहेव आकुंचिउधरसि पायं । सो थंभिओ तहेव य भरिओ रुहिरस्स निम्भिच्चं ॥२८॥ तत्तो तुह तिरियस्स वि अचिंतविरियत्तणाओ जीवस्स । कम्माणं च तहाविहविचित्तपरिणामभावाओ ॥२८२॥ जीवाणुकंपलक्खणसव्वुत्तमगुणपभावजोगेण । मणुयाउ निबंधसि विसुद्धसम्मत्तबीयं च ॥२८३॥
जओ
थेवा वि हु जीवदया जियाण कल्लाणसंपयं कुणइ । मणकप्पियं पयच्छइ अहवा तणुया वि कप्पलया ॥२८४॥
किंच
सम्गसिरीए नियाणं विलसिरनररायसंपयाहेऊ । सिवलच्छिवसीकरणं एक च्चिय होइ जीवदया ॥२८॥ सुहपुन्नसस्सभूमी निम्मलगुणरयणरोहणगिरिंदो । भवजलहिजाणवत्तं एक च्चिय होइ जीवदया ॥२८६॥ चिंतियचिंतारयणं अहरीकयकामधेणुमाहप्पा । अवहत्थियकामघडा एक च्चिय होइ जीवदया ॥२८७।। अडाइयदिवसेहिं पभूयतण-कट्ट-कयवराइन्न । विंझारन्नमसेसं दहिउ विरओ वणदवग्गी ॥२८॥ तो नीसरिए सव्वम्मि मंडलाओ पसूण संघाए । तुममवि पायं धरणीए मुयसि गमणाय वेगेण ॥२८॥ तत्तो य दज्जयजराजजेरियतणुत्तओ तुमं तइया । थंभियचरणत्ताओ य पद्धसि धरणीए सहस त्ति ॥२९॥ हत्थीणमेगपडणाओ उट्टि सव्वहा वि अचयंतो । समकालं पसरियतिव्ववेयणाविहुरसवंगो ॥२१॥ खद्धो सि तं सियालाइएहिं मंसासिसावयसएहिं । अहियासिऊण दूसहतणुवियणं तिन्नि दिवसाणि ॥२९२॥ संपन्नं वाससयं सव्वा पालिऊण हस्थिभवे । अणुकंपागुणविढवियनिरुवमपुन्नप्पभावेण ॥२१३||
Jain Education International
For Private & Personal Use Only
www.jainelibrary.org


Page Navigation
1 ... 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504