Book Title: Akhyanakmanikosha
Author(s): Nemichandrasuri, Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
View full book text ________________
३. सम्पद्विपदोः सत्पुरुषसमतावर्णनाधिकार नरविक्रमाख्यानकम्
३०१ हत्थी तुरओ चमरा कलसो छत्तं च ताणि पुरमझे । भमिचउक्क-चच्चर-तिगाइठाणेसु सव्वत्तो ॥३६६॥ अनियंताणि पुराओ बाहिं पि विणिग्गयाणि पत्ताई। नत्थऽच्छइ नरविक्कमकुमरो तरुणो तलम्मि ठिओ ॥३६६॥ पढमं चिय गिरिगरुयं थोरोरुकरं करि नियइ कुमरो । चिंतइ वणहत्थी को वि एस ता अणउ जमभिमयं ॥३६७॥ एयं न ताव करिरायमागयं दुज्जयं पि दमइस्सं । सिक्खाविऊ वि जम्हा मह मरणं विरहियस्स वरं ॥३६८॥
जओ
विरहाओ वरं मरणं विरहो मह निरंतरं देहं । ता सेयं मरणं चिय जेण समप्पंति दुक्खाइं ॥३६॥ मरणम्मि निच्छियमई कुमरो तं जाव नियइ सम्ममिमं । तो तं लीलायंतं जिंभायंतं च सोममुहं ॥३७०॥ तम्मग्गेणं तुरयं छत्ताईयं च पासिउं कमरो। चिंतइ मणम्मि कारणमिह किं पि न एस वणहत्थी ॥३७१॥ तिपयाहिणिय कमारं गलगजियजलहिगहिरगज्जीए । उक्खिविऊण करेणं सखंधमारोविओ कुमरो ॥३७२।। अहिणवजलहरसामलसमुच्चकरिरायसंठिओ कुमरो। सोहइ सिंहकिसोरो व्व विंझगिरिमत्थयारूढो ॥३७३।। उक्खिविऊण करेणं निम्मलजलभरियपुन्नकलसेण । विरहग्गितावियतणू अमयरसेणेव अहिसित्तो ॥३७१।। हरहास-हारधवलं कुमरस्स सिरम्मि संठियं छत्तं । बिंबं व्व सोमयाए विजिएणं पेसियं ससिणा ॥३७५|| ससि-कुद-संखसेयं चामरजुयलं सुसंगयं ढलियं । जस-कित्तिपुंजजुयलं व्व सहइ पासेसु कुमरस्स ॥३७६।। तिपयाहिणिय तुरंगो समुच्चरोमंचकंचुइयगत्तो । हिणहिणइ भणइ पिट्टम्मि चडसु मह विवपए व्व तुमं ॥३७७॥ मंचाइमंचकलिए नयरम्मि पवेसिओ विभूईए । वरवत्थरइयउल्लोयरुइरविच्छित्तिरमणीए ॥३७८॥ विरइयवंदणमाला-मणहरतोरणविराइयवारे । रायभवणम्मि पविसइ कयकोउयमंगलपवित्ते ॥३७९॥ विलसिरवारविलासिणिविरइयमोत्तियचउक्ककमणीए । सीहासणे निसीयइ सुपसत्थमुहुत्तसमयम्मि ॥३८०॥ तो समकालपवजिरनाणाविहतूरबहिरियदियं । पुणरवि महायणेणं विहिओ रज्जाहिसेओ से ॥३८१॥ महरिहवत्थालंकाररुइरनिस्सेसविग्गहावयवो । पणओ असेससामंत-मंति-नायरयनियरेण ॥३८२।। पणया पच्चंतनिवा सव्वे वि हु तप्पयावगुणवसओ । अणुकूलकम्मकलिओ पुणरवि सो संपया वरिओ ॥३८३।। नवरं न कि पि लग्गइ चित्ते से पुत्त-पिययमाविरहे । सल्लंति ताणि हियए खणे खणे नद्धसल्लं व ॥३८४॥
जओ
भुजउ जं वा तं वा परिहिजउ सुन्दरं व मलिणं वा । इटेण जत्थ जोगो तं चिय रज्जं किमवरेण ? ॥३८॥
इओ य
जिणसमयभणियविहिणा वियाणियासेससमयसब्भावो । छत्तीससूरिगुणरयणरोहणो रुद्धमणपसरो ॥३८६।। खंतीनिवासगेहं मद्दवगुणविजियदुजयमाणभडो । अज्जवनिज्जियमाओ मुत्तीबलविजियलोहखलो ॥३८७॥ तवतेयदित्ततणुओ संजमसंजमियकरणहयपसरो । सच्चवसीकयभुवणो सोयसमुज्जलसमायारो ॥३८॥
आकिंचन्नविभूसियदेहो बंभवयगुणपवित्ततणू। सुविसुद्धधम्मदसभेयरयणसमलंकियसरीरो ॥३८९॥ दसणमेत्तेण वि भवियनिवहनिम्महियचित्तसंतावो । परमालवणसुहारसपवाहनिव्ववियजणहियओ ॥३९०॥ विहरंतो संपत्तो समंतभद्दाभिहाणमुणिवसभो । जयवद्धणपुरपरिसरबहिरुज्जाणे समवसरिओ ॥३२१॥ सोऊण तयागमणं भत्तिभरुल्लसियबहलरोमंचा । के वि हु वंदणवडियाए निग्गया सूरिपायाणं ॥३२॥ के विहु कोउयवसओ के वि हु पत्ता पराणुवत्तीए । संसयवोच्छेयत्थं च पत्थिया तत्थ के वि नरा ॥३९३॥ राया वि मुणियमुणिनाहवइयरो रइय[विमल] नेवच्छो । पियपुत्त-पियावुत्तंतपुच्छणत्थं समणुपत्तो ।।३९४॥ सव्वेसुं पि जहारिहमुवविढेसुं विसिट्टलोएसुं । मुणिनाहो नवनीरयगज्जियगंभीरवाणीए ॥३९५।। पारद्धो धम्मकहं कहि कारुनपुन्नमणभवणो । भवियजणबोहणत्थं सत्थत्थविसारओ भयवं ॥३९६॥
तं जहा
खणदिट्टनट्टविहवे खणपरियटुंतविविहसुह-दुक्खे । खणसंजोय-विओए नत्थि सुहं कि पि संसारे ॥३९७।।
Jain Education International
For Private & Personal Use Only
www.jainelibrary.org
Loading... Page Navigation 1 ... 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504 