Akhyanakmanikosha

Author(s): Nemichandrasuri, Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad

Page 426

३६. बन्धुकृत्रिमस्नेहत्वाधिकारे शङ्खास्यानकम्
३३९ आ पाविट्टे ! दट्टे ! रायसिरिं माणि न याणासि । अणुरत्तम्स वि पडिकलवत्तिणि ! होसि जं रन्नो ॥१४२।। ता उवभुंजसु दुबिलसियस्स फलमिइ पयंपिउं ताहिं । रयणाभरणविराइयभुयजुयलं छिदियं तीए ॥१४३॥ सद्धि भुयजुयलेणं देवी पडिया महीए मुच्छाए। कह कहमवि चेयन्नं लहिऊणं विलविउं लग्गा ॥१४४॥ हा हा निद्दय ! हयविहि ! विहियं किं एरिसं तए मज्झ । गुरुदुक्खमयंडे वि हु विणावराहेण दीणाए ? ॥१४॥ हा अज्ज उत्त ? जुत्तं न तुज्झ उत्तमकुलप्पसूयस्स । दाउं दारुगदुक्खं दोसमदंसिय दयानिहिणो ॥१४॥ गुरुदोसदूसियाण वि अपरिक्खियकारिणो न सप्पुरिसा । ते मह निद्दोसाए वि किं तए एरिसं विहियं ? ॥१४॥ मह उवरि आसि नेहो सामि ! सयाऽनन्नसरिसओ तुझ । संजायं तस्स इमं पञ्जवसाणं पभणियं च ॥१४८|| ताण गुणग्गहणाणं ताणुकंठाण ताण भणियाण । ताण रमियाण पिययम ! अवसाणं एरिसं जायं ॥१४९|| अहवा मह पुव्वक्कयकम्माणं परिणई इमा जाया । न हु अस्थि एन्थ कस्स वि दोसो थेवो वि हु परस्स ॥१५०॥ इय एवं अत्ताणं संधीरंतीए तीए संभरियं । नियजणय-जगणि-बंधूण तयण पुण विलविरं लग्गा ॥१५॥ हा ताय ! ममं तायसु उच्छलियतरच्छ-अच्छभल्लम्मि । रन्ने नाहर-रुरु-रोज्झमुक्कवोकारवरउद्दे ॥१५२॥ हा अंब ! संवरालीकरालकतारमझयारम्मि । नियदुहियं सुहियं कुग काउं पुवं व उच्छंगे ॥१५३॥ हा भाय ! भाय ! भीमाडवीए भीयाए देसु मंभीसं । जम्हा जगे पसिद्ध भइगाए वच्छलो भाया ।।१५४॥ तह तीए तत्थ रुन्नं सरिउं पिय-जणय-जणणि-बंधूणं । जह जायाणि पसूण वि मणाणि विप्फुरियकरुणाणि ॥१५५।। भुयजुयविकत्तणभवपीडाविहुरियसमग्गअंगाए । उयरम्मि तीए जायं सूलं संचलियगम्भाए ॥१५६।। नाऊण पसवसमयं पत्ता पत्तलतरूण गुम्मम्मि । गुरुवेयणाए विवसा उत्तमपुत्तं पसूया सा ॥१५७|| नियइ य निययकमकमलजुयलमज्झम्मि फुरियतणकिरिणं । पुत्तं उत्तमलक्खणसमन्नियं अमरकुमरं व ॥१५८॥ तत्तो चित्तभंतरभवंतपरिओस-गुरुविसायजुया । जंपइ पुत्तय ! कल्लाणसंजुओ होसु दीहाऊ ।।१५९॥ किर तुज्झ जम्मदिवसे वद्धावणयं गुरुं करिस्सामि । इय चिंतियं पि संजायमन्नहा पुत्त ! उत्तं च ॥१६॥ अन्नह परिचिंतिज्जइ सहरिसकंदुज्जुएण हियएण | परिणमइ अन्नह च्चिय कज्जारंभो विहिवसेण ||१६१।। पाणिविहूणा पुत्तय ! परिचेट्टं मंदभाइणी अयं । तुह किह करेमि संपइ ? इय विलवंतीए देवीए ।:१६२।। पुत्तो चडप्फडतो तरंगिणीकूलसम्मुहो दुलिओ। धरिओ य तीए चलणेसु झत्ति एवं भणंतीए ॥१६३॥ हा हा निकरुण ! कयंत ! किं न तुट्टो सि एत्तियदुहेण । जं हरसि पुत्तरयणं पि दीणवय णाए मह इण्हि ? ॥१६॥ पणइयणकरुणकरणे पणया हं तुह तरंगिणीतिलए ! । भयवइ ! पवित्तनीरे ! तीरे तुह हीरए कुमरो ! ॥१६५॥ ता देवि ! दयं काऊण कुणसु कुमरम्स रक्खणं इन्हि । जम्हा तुम्हाणं सरणमागया दीणवयणा हं ॥१६६।। जइ जयइ जए सीलं रयणीयरकिरणनियररमणीयं । परिपालियं मए वि हु तं जइ सुविसुद्धहिययाए ॥१६७|| ता दिव्वनाणनयणे ! कुण प्पसायं नइप्पयइसच्छे ! । जह पालिज्जइ बालो नवरंभागभयुकुमालो ॥१६८॥ इय दीणरुयणसवणुच्छलंतकरुणाए सिंधुदेवीए । सा कमलनालकोमलभुयालया निम्मिया सहसा ॥१६॥ तो तीए तक्खणं चिय सोयपिसाओ पलाइऊण गओ। मंतस्स व भुयजुयलस्स दंसणे हिट्टहिययाए ॥१७०॥ घेत्तण तयं कंकेल्लिपल्लवारत्तपाणिजुयलेण । अंकम्मि कुगइ नवकमलम उलमुकुमालयं बालं ॥१७१॥ अग्घाइऊण सीसे पयंपए जाय ! तुझ मुहससिणो । ओयारणयं किजामि भणिय कारेइ थणपाणं ॥१७२॥ पुणरवि चित्तभंतरभवंतसंपुन्नमन्नुसंभारा । अइकरुणं रुयमाणी पयंपिउं एवमारद्धा ॥१७३॥ जायाऽहमकयसुकया कहमणुचियकंदमूलफलवित्तीं । काउं काहं तुह देहवद्धणं वच्छय ! अपत्था ॥१७४॥ धन्नाउ बालकाले वि कलियबंभव्चयाओ समणीओ । विप्फुरिओ जाण मणे मणयं पि न पेम्मपरिणामो ॥१७५।। जइ किर अहमवि हुंता समणी बालत्तणे वि सुहचित्ता । ता पिययमपेम्मविडंबणं इमं नेय पार्वता ।।१७६|| इय एवं दीणसरं रुयमाणी तं वणं भमंतेण । कंद-फल-मूलकज्जे सा दिट्ठा तत्थ कुलवइणा ॥१७७॥